ഓർമ്മപ്പൂക്കൾ 1

Oormappokkal Part 1 | Author : Nakul

വായനക്കാരെ, ഞാൻ റോയി . എനിക്ക് തിരിച്ചറിവ് വന്ന പ്രായം തൊട്ടു ഞാൻ കണ്ടതും കേട്ടതും പിന്നെ എൻ്റെ ഓർമ്മകളുമൊക്കെയാണ് ഈ രചനക്കാധാരം . .

എൻ്റെയും എൻ്റെ അമ്മയുടേയും ജീവിതത്തിലെ മറക്കാനാവാത്ത നല്ലതും ചീത്തയുമായ യഥാർത്ഥ സംഭവങ്ങൾക്കൊപ്പം കാല്പനികതയും എരിവും പുളിയും ഒക്കെ ചേർത്താണ് ഞാൻ ഈ ഓർമ്മപ്പൂക്കൾ നിങ്ങൾക്ക് മുന്നിൽ സമർപ്പിക്കുന്നത്. നിങ്ങൾക്കും അതാവുമല്ലോ രസകരമാവുക.

എൻ്റെ അമ്മയുടെ പേര് പ്രമീള, ജനിച്ചത്.മധ്യതിരുവിതാംകൂറിലെ ഒരു ഗ്രാമത്തിലെ കൃസ്ത്യാനി കുടുംബത്തിൽ. തലമുറകളായി ജന്മികൾ ആയിരുന്ന അമ്മയുടെ കുടുംബം അമ്മയുടെ അപ്പച്ചൻറെ കാലമെത്തിയപ്പോൾ ഒരു വിധം നശിച്ചിരുന്നു. ഒടുവിൽ വീട്ടു പേരിൻ്റെ വലിപ്പം മാത്രമായി ചുരുങ്ങി. ഉണ്ടായിരുന്ന കൃഷിഭൂമികൾ മിക്കതും തന്നെ വിറ്റ് തീർന്നിരുന്നു .എന്നിട്ടും തറവാടിരിക്കുന്ന ഒന്നരയേക്കർപുരയിടവും നാലേക്കർ കൃഷിഭൂമിയും ബാക്കിയുണ്ടായിരുന്നു .

അമ്മയടക്കം മൂന്നു മക്കളാണ് ഉണ്ടായിരുന്നത് . ഏറ്റവും മൂത്തത് അമ്മയുടെ ചേട്ടനും ഏറ്റവും ഇളയത് അമ്മയും അമ്മയ്ക്കു ഒരു ചേച്ചിയും . അമ്മയുടെ അപ്പൻ മരിച്ചപ്പോൾ ജ്യേഷ്ഠസഹോദരനാണ് കുടുംബനാഥൻ്റെ സ്ഥാനത്തുണ്ടായിരുന്നത്. ബാക്കിയുണ്ടായിരുന്ന കുടുംബ സ്വത്തുക്കൾ എല്ലാം അമ്മയുടെ പിതാവ് മരിക്കുന്നതിന് മുന്നേ ഇദ്ദേഹത്തിൻ്റെ പേരിൽ എഴുതി വെച്ചിരുന്നതിനാൽ അമ്മയ്ക്കും അമ്മയുടെ ചേച്ചിക്കും അവകാശപ്പെട്ട സ്വത്തും പണവും ഒന്നും കൊടുക്കാതെ അദ്ദേഹം ഒരോ ഒഴിവ് കഴിവുകൾ പറഞ്ഞ് കൈവശപ്പെടുത്തി.

ഇതിനിടയിൽ പുള്ളിക്കാരൻ വിവാഹിതനായി.സഹോദരിമാരെ വിവാഹം കഴിച്ചയക്കാൻ പോലും അദ്ദേഹം മുതിർന്നില്ല . അമ്മയുടെ ചേച്ചി പത്താം ക്ലാസ്സ് പാസ്സായതോടെ സഹോദരൻ്റെ നിറം മാറി .കൂടുതൽ പഠിപ്പിക്കാനൊന്നും പറ്റില്ലെന്നും വല്ല ജോലിക്കും പോയി പത്തുകാശ് സമ്പാദിച്ചാൽ അവനവന് കൊള്ളാമെന്നും തന്നെ കൊണ്ട് നിങ്ങളെയൊന്നും കാലാകാലം തീറ്റിപ്പോറ്റാനൊന്നും കഴിയില്ലെന്നും അദ്ദേഹം നിരന്തരം പറഞ്ഞു തുടങ്ങി .കൂടെ ഭാര്യയും . അതോടുകൂടി സഹോദരിമാർ വീട്ടിൽ തികച്ചും അധികപറ്റായി .

മോഹിച്ച ബിരുദ പഠനവും ജീവിതവും നടക്കില്ലെന്ന് തിരിച്ചറിഞ്ഞ അമ്മയുടെ ചേച്ചി ഒരു ബന്ധുവിൻ്റെ സഹായത്താൽ കോട്ടയത്ത് നഴ്സിംഗ് കോഴ്സിന് ചേർന്നു. ഫീസ് അടയ്ക്കേണ്ട സമയമൊക്കെകഴിഞ്ഞ് ഒന്നും രണ്ടും ആഴ്ചകൾക്ക് ശേഷം ഇനി ക്ലാസ്സിൽ കയറ്റില്ലെന്ന് പറയുമ്പോഴാണ്