Chapter Title : ഓർമ്മപ്പൂക്കൾ 4 [Nakul]

ഊന്നി വിറക്കുന്ന കയ്യ് കൊണ്ട് മദ്യ ഗ്ലാസ്സ് പുറത്തെ മഴയിലേക്ക് നീട്ടി. വിശിയടിക്കുന്ന കാറ്റിൽ മഴ ഗ്ലാസ്സിലേക്കും പിന്നെ മാധവൻ്റെ മുഖത്തേക്കും പാറി വീണു.

പെട്ടെന്ന് ഒരു കൊള്ളിയാൻ മിന്നി. രണ്ട് മൂന്ന് സെക്കൻ്റുകൾ അതിൻ്റെ പ്രകാശം അന്തരീക്ഷത്തിൽ കത്തിനിന്നു .ആ വെളിച്ചത്തിൽ മാധവൻ ആ കാഴ്ച കണ്ടു . ഗെയിറ്റിൽ ഒരു രൂപം . ലഹരിയിലും അയാൾ നടുങ്ങിപ്പോയി. ഈ കാലം കെട്ട സമയത്ത് ആരാണ് . മാധവൻ നോക്കി നിൽക്കെ അത് ഗെയിറ്റ് തുറന്ന് മുറ്റത്തേക്ക് കയറി. നേരെ നടന്നടുക്കുകയാണ്.

അടുത്ത മിന്നലിൽ മാധവൻ കുറച്ച്കൂടെ വ്യക്തമായി കണ്ടു . അതൊരു സ്ത്രീയാണ്. മാധവൻ കയ്യിലിരുന്ന ക്ലാസ് ഒറ്റ വലിക്ക് അകത്താക്കി .ഗ്ലാസ് അറിയാതെ നിലത്തേക്ക് വീണു. അത് വീണുടഞ്ഞു . " ആരാ " ? മുന്നിൽ വന്ന് നിന്ന രൂപത്തേ നോക്കി മാധവൻ വിറക്കുന്ന ശബ്ദത്തിൽ ചോദിച്ചു. " ഞാൻ ഗംഗ " . ഇരുട്ടിൽ നിൽക്കുന്ന രൂപം മറുപടി പറഞ്ഞു. മാധവൻ അമ്പരന്നു.

" മാധവേട്ടൻ താലി ചാർത്തിയ ഗംഗ " . അയാൾ നോക്കി നിൽക്കെ അവൾ പുറത്തെ ഇരുട്ടിൽനിന്ന് അകത്തെ വെളിച്ചത്തിലേക്ക് കയറി .പുറകെ മാധവനും . താൻ സ്വപ്നം കാണുകയാണോ? അതോ രക്തത്തിലെ ആൽക്കഹോൾ ഉണ്ടാക്കുന്ന മായക്കാഴ്ചകളോ? മാധവൻ അകത്തേക്ക് നടന്നു. അകത്തെ മെഴുതിരി വെട്ടത്തിൻ്റെ മഞ്ഞപ്പിലും മദ്യത്തിൻ്റെ മത്തിലും അയാൾ ആ ചുവന്ന പട്ട് സാരി അയാൾ തിരിച്ചറിഞ്ഞു. പ്രമീള . അമ്മയുടെ പേര് ഡോക്ടർ മാധവൻ്റെ ചുണ്ടിൽ നിന്ന് ഉതിർന്ന് വീണു .

അകത്തേക്ക് അടിച്ച് കയറിയ ഈറൻ കാറ്റിൽ വിറച്ചു പോയ അമ്മ അദ്ദേഹത്തോട് പറഞ്ഞു. "എനിക്ക് തണുക്കുന്നു മാധവേട്ടാ.പോയി ആ വാതിൽ അടയ്ക്കു " . ഒരു യന്ത്രം പോലെ നോട്ട് മാധവൻ പുറകോട്ട് നടന്ന് വാതിലുകൾ ചേർത്തടച്ചു കുറ്റിയിട്ടു.

വിറയ്ക്കുന്ന ശബ്ദത്തിൽ അമ്പരപ്പോടെ ഡോക്ടർ അമ്മയോട് ചോദിച്ചു.
" നീ ഇപ്പോ .... മഴയത്ത് . ..... ഈ രാത്രിയിൽ ....എന്തിനാ? എങ്ങിനെ ഇവിടെ " . സത്യമാണോ മിഥ്യയാണോ