ഒരു ബസ് യാത്ര

Oru  Buss Yathra bY Akhil Kaavan

‌എന്റെ പേര് അഖില്‍. 21 വയസ് ആയി Degree കഴിഞ്ഞതോടെ വീട്ടുകാരും നാട്ടിലെ ഒരു പണിയുമില്ലാത്ത തെണ്ടികള്‍ വരെ ജോലിക്കു പോകുന്നതിനെ പറ്റി ഉപദേശിക്കാന്‍ തുടങ്ങി.അങ്ങനെ ഒരു പണീം ഇല്ലാണ്ട് നടക്കുമ്പോഴാണ് ബാംഗ്ലൂരുള്ള ഫ്രണ്ട് മനു രണ്ട് ദിവസത്തെ ലീവിന് നാട്ടില്‍ വന്നത്.അവന്‍ വീട്ടില്‍ വന്നപ്പോള്‍ എന്റെ സ്നേഹവതിയായ അമ്മ എനിക്കിട്ട് പണി തന്നു.അവനോട് എനിക്ക് ബാംഗ്ലൂരില്‍ വല്ല ജോലിയും ശരിയാക്കി തരാന്‍ പറ്റുമോന്ന് ചോദിച്ചു. അവന്‍ അന്വേഷിക്കാം എന്നു പറഞ്ഞിട്ട് പോയി.രണ്ടു ദിവസം കഴിഞ്ഞപ്പോള്‍ അവന്‍ വിളിച്ചു പറഞ്ഞു ജോലി ശരിയായിട്ടുണ്ടെന്ന്.ഏതൊ ഒരു ഷോപ്പില്‍ ആണ് പണി. അമ്മയുടെ നിര്‍ബന്ധം കാരണം ഞാന്‍ പോവാന്‍ തീരുമാനിച്ചു.അങ്ങനെ പോവണ്ട ദിവസം വന്നു. രാത്രി ഒന്നര മണിക്കാണ് ബസ്.യാത്രയാക്കാന്‍ കസിന്‍ ശരത്ത് ഉണ്ടായിരുന്നു.അവന്‍ ഒരു ബോട്ടില്‍ വെള്ളവും സ്നാക്സും വാങ്ങി തന്നു.ബസ് വന്നു. നോക്കുമ്പോള്‍ ഏറ്റവും പിറകിലെ സീറ്റു മാത്രം ഫ്രീ ആണ്. അവിടെ പോയിരുന്നു.ശരത്തിന് കൈ വീശി കാണിച്ചു.ബസ് പുറപ്പെട്ടു.ഞാന്‍ ഇരിക്കുന്ന സീറ്റില്‍ ആരും ഇല്ലാതതിനാല്‍ കിടന്നുറങ്ങാമെന്ന് വിചാരിച്ചതായിരുന്നു. എന്നാല്‍ അടുത്ത സ്റ്റോപ്പില്‍ നിന്നും ഒരാള്‍ കയറി.സീറ്റു തപ്പി നോക്കുകയായിരുന്നു അയാള്‍.അവസാനം എന്റെ അടുത്ത് സീറ്റു കണ്ടു.ആശ്വാസത്തോടെ അടുത്ത് വന്നിരുന്നു.ഞാന്‍ അയാളെ ശ്രദ്ധിക്കാന്‍ പോയില്ല. അയാള്‍ എന്നോട് എവിടേക്കാണെന്ന് ചോദിച്ചു.ഞാന്‍ കാര്യം പറഞ്ഞു.അയാള്‍ സ്വയം പരിചയപ്പെടുത്തി.സുബിന്‍ ബാംഗ്ലുരിലെ ഒരു കമ്പനിയില്‍ PRO ആയി വര്‍ക്ക് ചെയ്യുകയാണ്.