Chapter Title : ഒരു ചെന്നൈ പാലക്കാട്‌ യാത്ര [Aju Anand]

കമ്പാർട്മെന്റിലേക്ക് ഞാൻ മോനെ കയറ്റി എന്നിട്ട് ബാഗുകൾ ഉള്ളിലേക്ക് ഇട്ട് അതിലേക്ക് ഞാനും കയറി ട്രെയിൻ വേഗത്തിലായി. അപ്പോഴും ഞങ്ങളെ യാത്രയാക്കാൻ വന്ന മോളും ചേട്ടനും അപ്പോഴും എത്തിയില്ല.

ഒരു സാധാ കംപ്പാർട്മെന്റിന്റെ പകുതിയുടെ പകുതി മാത്രം പോലും ഇല്ല ഭിന്നശേഷിക്കാരുടെ കംപാർട്മെന്റ്. ഞങ്ങൾ അകത്തേക്ക് കയറി.അഭിമുഖമായി നാലുപേർക്ക് ഇരിക്കാവുന്ന രണ്ട് സീറ്റുകൾ. സാധാരണ സീറ്റുകളെക്കാൾ കുറച്ചു ചെറുതാണെന്ന് തോന്നുന്നു. ഭാഗ്യം ഒരു സ്ത്രീ ഉണ്ട് അവരുടെ കൂടെ ഭർത്താവ് ആണെന്ന് തോന്നുന്നു ആൾക്ക് കണ്ണ് കാണില്ല എന്ന് തോന്നുന്നു കറുത്ത കണ്ണട വച്ചിട്ടുണ്ട്. അവർ രണ്ടുപേരും ഒരു സീറ്റിൽ ഇരിക്കുന്നു.

ഓപ്പോസിറ്റ് സീറ്റിൽ വെള്ള ജുബ്ബയും മുണ്ടും ധരിച്ചു ഒരു 56-56 വയസ്സ് തോന്നിക്കുന്ന ഒരാൾ ജനലരികിൽ ഇരിക്കുന്നു അയാളുടെ വാക്കിങ് സ്റ്റിക്ക് ജന്നലിൽ ചാരി വച്ചിട്ടുണ്ട് ഒരു കാൽ വെപ്പുകാൽ ആണ്. ഞാനും മോനും ആ സീറ്റിൽ ഇരുന്നു. അയാൾ ഞങ്ങളെ നോക്കി ചിരിച്ചു. ലേഡീസിൽ കയറാൻ പറ്റിയില്ല അതാണ് ഇതിൽ കയറിയത് എന്ന് അയാളോട് മലയാളം കളർന്ന എന്റെ തമിഴിൽ പറഞ്ഞു. പ്രശ്നം ഇല്ലയെ ലേഡീസ് ഒരു കൂട്ടമായിരിക്ക് ഗാർഡ് ഒന്നും വന്നില്ലെങ്കിൽ ഇതിൽ തന്നെ ഇരുന്നോളു എന്ന് പറഞ്ഞു. ഞാൻ ചേട്ടനെ വിളിച്ചു ഞങ്ങൾ കയറി സീറ്റ്‌ ഒക്കെ ഉണ്ട് പ്രശ്നമൊന്നും ഇല്ല എന്നും അവരോട് പൊക്കോളു എന്നും പറഞ്ഞു ഫോൺ വച്ചു.

അടുത്തിരുന്ന ആൾ കോയമ്പത്തൂർ ഇറങ്ങാൻ ആണെന്നും അയാളുടെ മകളെ അവിടെ ആണ് കെട്ടിച്ചു വിട്ടതെന്നും പറഞ്ഞു. ആളെ കണ്ടിട്ട് ഒരു മാന്യൻ ആണെന്ന് തോന്നി ഞങ്ങൾക്ക് പാലക്കാട്‌