Chapter Title : ഒരു ചെറിയ തുടക്കം 1 [ദീപക്]

റൂമിൽ മോൾ ( അഞ്ജലി ) മൊബൈലിൽ ഗെയിമും കളിച്ചു കിടക്കുവായിരുന്നു,

ഞാൻ :- അഞ്ചു ,ഞാൻ ഒരുപാട് വട്ടം മോളോട് പറഞ്ഞിട്ടുണ്ട് എപ്പോഴും ഇങ്ങിനെ ഗെയിമും കളിച്ചു സമയം കളയരുതെന്ന്, ഒരുപാട് പഠിക്കാനില്ലേ നിനക്ക്, വല്ലപ്പോഴും അതൊക്കെ എടുത്ത് വെച്ച് വായിച്ചു പടിക്ക്,

അഞ്ചു :- ഞാൻ എല്ലാം പഠിച്ചു കഴിഞ്ഞിട്ടാണ് അച്ഛാ മൊബൈൽ എടുത്തത്,

ഞാൻ :- ദൈവത്തിനറിയാം, റിസൾട് വരുമ്പോ പാസ്സ് ആയമാതി അച്ഛന്റെ പുന്നാര മോൾ,

അഞ്ചു :- അതോർത്ത് അച്ഛൻ പേടിക്കേണ്ട, ഞാൻ കോപ്പി അടിച്ചതാണേലും പാസ് ആയിരിക്കും,, ഹി ഹി ഹി,,

ഞാൻ :- അങ്ങിനെ ജയിച്ചിട്ട് എന്ത് കിട്ടാനാ അഞ്ജലി മാഡം???

അഞ്ചു :- അത് മിസ്റ്റർ അച്ഛൻ, എങ്ങിനേലും ഒന്ന് പാസ് ആയാപ്പോരേ, എനിക്ക് കൂടുതൽ പഠിക്കാനൊന്നും താല്പര്യമില്ല, എനിക്ക് ഈ ഡിഗ്രി കഴിഞ്ഞിട്ട് വേണം ഫാഷൻ ഡിസൈണിന് പോവാൻ, ഒരു നല്ല ഫാഷൻ ഡിസൈനർ ആവണം അതാണ് എന്റെ ആഗ്രഹം, ഞാൻ ഡിഗ്രിക്ക് ചേരുന്നതിനു മുന്നേ പറഞ്ഞതല്ലേ എനിക്ക് പേടിക്കണ്ട എന്നെ ഈ കോഴ്സിന് ചേർത്തോളാൻ, അമ്മേം അച്ഛനുമല്ലേ അത് ഇപ്പോ വേണ്ട ഇപ്പോ പഠിച്ചാമതിയെന്നും പറഞ്ഞു എന്നെ കോളേജിൽ ചേർത്തത്.

ഞാൻ :- അത് പിന്നെ നിന്റെ 'അമ്മ മഹാറാണിക്കാണ് നിന്നെ കോളേജിൽ പഠിപ്പിക്കാൻ കൂടുതൽ ആഗ്രഹം, സാരല്ല 2 വര്ഷം കഴിയട്ടെ എന്നിട്ട് നമ്മുക് ആലോചിക്കാം,,

അഞ്ചു :- എന്താണ് മിഷ്ടർ അച്ഛൻ ആലോചിക്കാൻ പോകുന്നത്, എന്നെ ഏതേലും കൊന്തന്റെ കയ്യിൽ കൊടുക്കുന്ന കാര്യമാണോ??

ഞാൻ :- അയ്യടാ,,, അവളുടെ ഒരു പൂതി കണ്ടില്ലേ,,, കല്യാണമൊക്കെ സമയാവുമ്പോ അങ്ങോട്ട് നടത്തും, അതേപ്പറ്റി ന്റെ പൊന്നുമോൾ ഇപ്പൊ ആലോചിച്ചു തല പുകയ്ക്കേണ്ട...

അഞ്ചു :- ഓ,, പിന്നെ,, കോപ്പ്,, എഡോ അച്ഛാ, എനിക്കിപ്പോ കല്യാണോം കളിയാടോം ഒന്നും വേണ്ട. എന്നെ ഒന്ന് ഫാഷൻ ഡിസൈൻ പഠിക്കാൻ ഒന്ന് സമ്മതിച്ചാൽ മതി, കേട്ടോ മിഷ്ടർ തന്തപ്പിടി...

ഞാൻ :- ഓ,, തമ്പുരാട്ടി പറയുംപോലെ കേട്ടോളം, എന്താ മതിയോ അഞ്ജലി മാഡം.

എന്താ ഇവിടെ അടീം ബഹളോം,