Chapter Title : ഒരു മെസ്സേജിന് അപ്പുറം 2 [പറവ 🍁]

നാട്ടിലേക്കുള്ള യാത്ര cancel ചെയ്ത് ഞാൻ വീണ്ടും റൂമിലേക്ക് തിരിച്ചു വന്നു.

HR-നെ വിളിച്ച് യാത്ര cancel ചെയ്ത കാര്യവും, രണ്ട് ദിവസം കഴിഞ്ഞ് വീണ്ടും ജോലിയിൽ join ചെയ്യുമെന്നും അറിയിച്ചു.

പിന്നെ വീട്ടിലേക്ക് വിളിച്ച് യാത്ര cancel ചെയ്ത കാര്യം പറഞ്ഞു.

Airport-ൽ നിന്ന് ടാക്സിയിൽ റൂമിലേക്ക് തിരിച്ചു വരുമ്പോൾ, ദുബായ് നഗരത്തിലെ തിരക്കേറിയ റോഡുകളിലൂടെ വാഹനം പതുക്കെ മുന്നോട്ട് നീങ്ങുകയായിരുന്നു.

പുറത്ത് എല്ലാം പതിവുപോലെ തന്നെയായിരുന്നു…

റോഡിൽ നിറയെ വാഹനങ്ങൾ, ചുറ്റും ലൈറ്റുകൾ, ആളുകളുടെ തിരക്ക്…

പക്ഷേ എന്റെ ഉള്ളിൽ മാത്രം ഒന്നും പതിവുപോലെ ആയിരുന്നില്ല.

യാത്ര cancel ചെയ്തതിന്റെ വിഷമം മനസ്സിൽ ഉണ്ടായിരുന്നു. അതിലും കൂടുതൽ, സിനുവിനെ കാണാൻ കഴിയാതെ പോയതിന്റെ സങ്കടം. എത്ര ദിവസങ്ങളായി ആ യാത്രയെക്കുറിച്ച് ഞാൻ ചിന്തിച്ചിരിക്കുന്നു.

നാട്ടിൽ എത്തിയാൽ ആദ്യം എന്ത് സംസാരിക്കും… അവളെ നേരിൽ കാണുമ്പോൾ എങ്ങനെയായിരിക്കും… അവളുടെ മുഖത്തേക്ക് നോക്കി സംസാരിക്കാൻ കഴിയുമോ… അങ്ങനെ ഒരുപാട് ചെറിയ ചെറിയ ചിന്തകൾ മനസ്സിൽ കൂട്ടിവെച്ചായിരുന്നു ഞാൻ ആ യാത്രയ്ക്ക് തയ്യാറായത്.

പക്ഷേ… ഒരു നിമിഷം കൊണ്ട് എല്ലാം അവസാനിച്ചു.

ടാക്സിയുടെ window-യിലൂടെ പുറത്തേക്ക് നോക്കിയിരുന്നെങ്കിലും, ഞാൻ കാണുന്നത് ദുബായ് ആയിരുന്നില്ല. മനസ്സിൽ മുഴുവൻ സിനു മാത്രമായിരുന്നു, അവളുടെ message-ുകൾ… അവൾ അയച്ച photos…

എന്നോട് സംസാരിക്കുമ്പോഴുള്ള അവളുടെ ശബ്ദം… ചിലപ്പോൾ ഒന്നും പറയാതെ വെറുതെ voice message അയക്കുന്ന ആ ചെറിയ ശീലം… എല്ലാം ഓർമ്മ വന്നു.

ഫോൺ എടുത്ത് അവളുടെ chat തുറക്കണം എന്ന് പലതവണ തോന്നി. പക്ഷേ തുറന്നില്ല. കാരണം അവളുടെ messages