Chapter Title : ഒരു പിറന്നാൾ സമ്മാനം [ആൽബി]

ഇതിപ്പോ ആർക്കാ പ്രശ്നം?

അതൊന്നുമറിയില്ല രമണി.അവനോട് ചോദിച്ചാ കടിച്ചുകീറാൻ വരും.ആ പെണ്ണിനോട് എന്തുകണ്ടാ ചോദിക്കുക.നേരാത്ത നേർച്ചകളില്ല.ഇനി പഴവങ്ങാടിയിൽ ഒരു ഉരുളി നേരുവാ.ഈശ്വരൻ തന്നെ തുണ.

പിറ്റേന്ന് ക്ലാസ്സിൽ നോട്ടീസും ആയി വന്നതാണ് ശങ്കരേട്ടൻ."എന്താ നോട്ടീസില്"ശോഭ മിസ്സ്‌ ഒപ്പിട്ടു വാങ്ങി. സെക്കന്റ്‌ ഇയർ സ്റ്റുഡന്റ്സിന്റെ ടൂർ ആയിരുന്നു വിഷയം.മൂന്ന് ദിവസത്തെ പ്രോഗ്രാം.

"ശരത്തോന്നു നിന്നെ"ഒരു സായാഹ്‌നം വീട്ടിലേക്ക് കയറാൻ തുടങ്ങിയ അവൻ ശബ്ദംകേട്ട് തിരിഞ്ഞു.

മഹേഷും വൃന്ദയും ഗേറ്റിനുമുന്നിൽ തന്നെയുണ്ട്.അവൻ അടുത്തേക്ക് ചെന്നു.

ഹായ്, മഹേഷേട്ടാ.ഇന്നെന്നാ നേരത്തെ എത്തിയോ.എന്താ ടീച്ചറെ വിളിച്ചേ.

നീ അകത്തേക്ക് വാ ചോദിക്കട്ടെ.

അല്ല എന്താ ടീച്ചറെ?

നീയെന്താടാ,ടൂറിൽ പങ്കെടുക്കുന്നില്ലേ??

ഇല്ല ടീച്ചറെ,എന്റെ സാഹചര്യം ഒക്കെ അറിയാവുന്നതല്ലേ.മൂന്ന് ദിവസം ചിലവ് എത്രയാന്നാ.അച്ഛൻ ഇപ്പൊത്തന്നെ ബുദ്ധിമുട്ടിയാ കാര്യങ്ങൾ നടത്തുന്നെ അതിനിടയിൽ ഇതുംകൂടി. വേണ്ട ടീച്ചറെ ശരിയാവില്ല.

എന്റെ ക്ലാസിലെ ഒരു കുട്ടിമാത്രം മാറിനിൽക്കുന്നത് ശരിയാണോ ശരത്തെ,ഏത് പ്രശനത്തിനാ പരിഹാരമില്ലാത്.

മഹേഷ്‌ അവനെ തോളിലൂടെ കയ്യിട്ട് ചേർത്തുനിർത്തി."ഡാ പൈസയല്ലേ നിന്റെ പ്രശനം.ഈ പൈസക്ക് വീട്ടിൽ എന്തൊക്കെ ചെയ്യാം എന്ന് നീ ചിന്തിക്കുന്നു. നല്ലതുതന്നെ. പക്ഷെ ഈ സമയം ആസ്വദിക്കാൻ ചിലതുണ്ട്. അതൊക്കെ നഷ്ടമാക്കിയാൽ പിന്നീട് തിരിഞ്ഞുനോക്കുമ്പോൾ അത്‌ വല്ലാത്തൊരു ശൂന്യതയായി തോന്നും.അതുകൊണ്ട് നീയും പോകുന്നു.പൈസ ദാ ഇവള് കൊടുത്തു അതോർത്തു ബേജാറ് വേണ്ട.അതുകൊണ്ട് ബലംപിടിക്കാതെ പോയിവരാൻ നോക്ക്"

ടൂർ ദിനം വന്നെത്തി.മൂന്നു ബസ് നിറയെ കുട്ടികളുമായി അവർ യാത്രതിരിച്ചു.ഒപ്പം അധ്യാപകരും.ഓരോ ഗാങ് തിരിഞ്ഞു കുട്ടികൾ പാട്ടും ബഹളവും ആയപ്പോൾ ശരത് മുൻവശത്തെ സീറ്റിൽ സ്ഥാനം പിടിച്ചു.അവൻ ഒറ്റക്കായതിനാൽ ആവണം വൃന്ദ അവനോടൊപ്പം കൂടി.

ശരത്തെ നിനക്ക് അവരുടെ കൂടെ കൂടിക്കൂടെ.

ആഗ്രഹം ഇല്ലാഞ്ഞിട്ടല്ല.ഇത്രനാളും മാറിനടന്നിട്ട്, പെട്ടെന്ന് കേറി ഒട്ടാൻ ഒരു മടുപ്പ്.ചിലപ്പോൾ എന്റെ സാഹചര്യം പിന്നോട്ട് വലിക്കുന്നതാവാം.

ശരി,ടൂർ തീരുന്നേനു മുന്നേ നീ അവരിൽ ഒരാളായിരിക്കണം.ഒരിക്കലും ഒന്നിൽ നിന്നും മാറി നടക്കരുത്.യൂ ഹാവ് ടു ഫൈറ്റ് ത്രൂ സം ബാഡ് ഡേയ്‌സ് ടു എൺ യുവർ ബെറ്റർ ഡേയ്‌സ് ഓഫ് ലൈഫ്.നീ കേട്ടിട്ടില്ലേ ഈ വരികൾ.

എന്താ ടീച്ചറെ സൊള്ളുവാണോ,ഇവിടെ ഞങ്ങളിൽ ചിലരൊക്കെയുണ്ട്.മുന്നിലെന്തോ ആവശ്യത്തിന് വന്ന വിവേക് കമന്റ്‌