Chapter Title : ഒരു സാധാരണക്കാരന്റ്റ കഥ [Noufal Kottayam]

ഒപ്പം കാലിഫോർണിയയിൽ ആണ് താമസ്സം. രണ്ട് മൂന്ന് വർഷം കൂടുമ്പോൾ ഒരിക്കൽ വരും. അളിയന് ദുബായിയിൽ ആഡ്നോക്ക് എന്ന കമ്പനിയിൽ ആണ് ജോലി. അഞ്ച് വർഷം മുമ്പ് കല്യാണം കഴിച്ചു. ഭാര്യ സുമി എന്ന് ഞങ്ങൾ വിളിക്കുന്ന സുമയ്യ. ഒരു മകൾ. ഇടയ്ക്ക് ഒന്നോ രണ്ടോ മാസത്തെ അവധിക്ക് സുമിയെയും മോളേയും ദുബായിലേക്ക് കൊണ്ട് പോയത് അല്ലാതെ അവരെ സ്ഥിരമായി കൂടെ താമസിപ്പിക്കാൻ അളിയൻ ശ്രമിച്ചിട്ടില്ല.

നല്ല ജോലി ആയത് കൊണ്ട് 4 മാസം കൂടുമ്പോൾ ഒരാഴ്ചത്തേക്ക് നാട്ടിൽ വന്ന് പോകും. സുമിയേയും മോളേയും കൂടെ താമസിപ്പിക്കാത്തതിന്റ്റ കാരണം ഒരികൽ ഞാൻ ചോദിച്ചിരുന്നു. വീട്ടിൽ വാപ്പായും ഉമ്മയും ഒറ്റയ്ക്ക് ആകില്ലേ അളിയാ എന്നാണ് അവൻ മറുപടി പറഞ്ഞത്. സുമി വളരെ നല്ല ഒരു കുട്ടി ആയിരുന്നു. എല്ലാവരോടും നല്ല സ്നേഹത്തോടെ പെരുമാറും. ഷഹാനയുടെ വീട് ഈരാറ്റപേട്ടയിൽ ആണ്. എന്റ്റ വീട് കോട്ടയത്തും. ഞങ്ങൾ മാസത്തിൽ ഒന്ന് എങ്കിലും ഈരാറ്റുപേട്ടയിലെ വീട്ടിൽ പോകുക പതിവാണ്. അങ്ങനെ പോകുന്ന അവസരങ്ങളിൽ ഞാനും സുമിയും ധാരാളം സംസാരിക്കും.

പുസ്തകങ്ങളും സിനിമയും ഒക്കെ ഞങ്ങളടെ ഇഷ്ട വിഷയങ്ങൾ ആയിരുന്നു. അങ്ങനെ ഇരിക്കുമ്പോൾ ആണ് അളിയൻ ഒരു മാസത്തെ ആനുവൽ ലീവിന് വന്നത്. അളിയൻ വന്നത് പ്രമാണിച്ച് കുറച്ച് ദിവസം ഞങ്ങളും കൂടി അവിടെ ചെന്ന് നിൽക്കാൻ വാപ്പ നിർബന്ധിച്ചു. പ്രത്യേകിച്ച് തിരക്കുകൾ ഒന്നും ഇല്ലാത്ത സമയം ആയതിനാൽ ഒരു വെള്ളിയാഴ്ച  ജുമുഅക്ക് ശേഷം ഞാനും ഷഹാനയും മക്കളും കൂടി ഈരാറ്റുപേട്ടയിലേക്ക് തിരിച്ചു. ഷഹാനയുടെ വീട്ടിലെ എല്ലാവരും നല്ല സ്നേഹമുള്ളവരാണ്, എന്നാലും വാപ്പായും അളിയനുമായി സംസാരിക്കുമ്പോൾ എനിക്ക് പലപ്പോഴും ഒരു ആശയ ദാരിദ്ര്യം അനുഭവപ്പെട്ടിട്ടുണ്ട്.

പുസ്തകങ്ങളും സിനിമയും ചരിത്രവുമൊക്കെയാണ് എന്റ്റ ഇഷ്ട വിഷയങ്ങൾ എങ്കിൽ രാഷ്ട്രീയവും ബന്ധുക്കളുടെ കുറ്റവും കുറവും ഒക്കെ ആയിരുന്നു അവരുടെ ഇഷ്ട വിഷയം. അളിയന്റ്റ കല്യാണത്തിന് ശേഷമാണ്, എനിക്ക് സംസാരിക്കാൻ ഒരു കമ്പനി കിട്ടിയത്. ബാക്കിയുള്ളവർ ഉമ്മറത്തിരുന് സൊറ പറയുമ്പോൾ ഞാനും സുമിയും സ്വീകരണമുറിയിൽ ഞങ്ങളുടേതായ സംസാരങ്ങളിൽ മുഴുകി ഇരിക്കും.

ഇങ്ങനെ ഒക്കെ ആണെങ്കിലും പേട്ടയിലെ വീട്ടിൽ പോകുന്നതിൽ എനിക്ക് സന്തോഷം