Chapter Title : ഒരു തുടക്കകാരന്‍റെ കഥ ഭാഗം 8 [ഒടിയന്‍]

താഴേക്കിറങ്ങി

പല്ലും തേച്ച് അടുക്കള പുറത്തുടെ നടക്കുകയായിരുന്നു.

“ ഡാ നീ എന്റെ കൊച്ചിന്റെ മേത്ത് കേറി കിടക്കുമല്ലേ “

ആ ചോദ്യം കേട്ട് ഞെട്ടി അവൻ അടുക്കള വാതിലിലേക്ക് മിഴിച്ചുനോക്കി

ദേ നിൽക്കുന്നു കുഞ്ഞമ്മ

“ ഒന്ന് മെല്ലെപറ കുഞ്ഞമ്മേ “

കുഞ്ഞമ്മ അല്പം ശബ്ദം താഴ്ത്തി

“ എന്റെ കൊച്ചിനെ പേടിപ്പിച്ചതും പോരാ “

“ ഞാനോ … ഞാനാണെന്ന് ആരുപറഞ്ഞു “

“ പിന്നേ… അത്രയും വല്യ കാറിക്കുവൽ കേട്ടിട്ടും നീ മാത്രം എണീക്കാത്തപ്പോഴേ എനിക്ക് തോന്നി നീ തന്നാ വന്നെന്ന് . ദേ ഇപ്പൊ മെല്ലെ പറ എന്ന് പറഞ്ഞപ്പോൾ ഉറപ്പായി “

കള്ളം പിടിച്ചതിന്റെ ചമ്മലിൽ നാണത്തിൽ അവൻ തല താഴ്ത്തി

“ നാണമില്ലെടാ പാതിരാത്രി .. അയ്യയ്യേ ..”

“ എന്നതാ കുഞ്ഞേ എനിക്കെന്തോ ഉറക്കം വന്നില്ല അപ്പോൾ അവളെ കാണാൻ തോന്നി പോയതാ , ഞാൻ അറിഞ്ഞോ ആ നീർക്കോലി അവളുടെ കൂടെ കിടക്കുന്നത് “

“ കഷ്ടം .. “

“ ഓ പിന്നെ … എന്റെ പെണ്ണിന്റെ അടുത്തല്ലേ “

“ ആയിട്ടില്ല”

“ ഇനി എന്നാ ആകാന “

“ ചേച്ചിയെ ദേ ഈ ചെക്കനെ വേകം കെട്ടിച്ചോ ഇല്ലേൽ പണി ആകുമെ “

“ ഈ പെണ്ണുംപിള്ള നാണം കെടുത്തും “

അതും പറഞ്ഞവൻ ഓടി

കുളി ഒക്കെ കഴിഞ്ഞവൻ തിരിച്ചു വന്നപ്പോൾ അമ്മു ചായ എടുത്ത് വയ്ക്കുകയായിരുന്നു .

“  അമ്മു ഡ്രെസ്സ്….”

“ മുറിലുണ്ട് അപ്പുവേട്ടാ “

അപ്പു മുറിയിൽ പോയി ഡ്രെസ്സും മാറി വന്നു .

ചായ കുടിക്കുമ്പോൾ അമ്മു അടുത്തുവന്നു

“ നമുക്ക് ഇന്നൊരു സ്ഥലംവരെ പോകാം അമ്മുട്ടീ “

“ സ്ഥലത്തോ എങ്ങോട്ട് “

“ നിന്റെ കൂടെ കുറച്ച്നേരം