Chapter Title : ഒരു യാത്രാമോഴി [അനിൽ]

ചേച്ചി ഒരിക്കല്‍ വീണ്ടും നാട്ടിലെത്തി. “ഓ അവര് വന്നിട്ടുണ്ട്..കുടുംബത്താ താമസം..എന്നെ വിളിച്ചാരുന്നു..പെണ്ണിന് ഇവിടെ കോളജില്‍ അഡ്മിഷന്‍ നോക്കാന്‍ വന്നതാ..നിങ്ങള് വേണേല്‍ അങ്ങോട്ട്‌ ഒന്ന് വിളിക്ക്..എനിക്കിതിനെ ഒന്നും കാണുന്നതെ ഇഷ്ടമല്ല’ ശ്രീമതി എന്നോട് ഒരു ദിവസം ജോലി കഴിഞ്ഞു ചെന്നപ്പോള്‍ പറഞ്ഞു. ധന്യ വന്നിട്ടുണ്ട് എന്ന് കേട്ടപ്പോള്‍ എന്റെ സിരകള്‍ ഉണര്‍ന്നു. “എടാ ബിപിനേ..ഞാന്‍ അങ്ങോട്ട്‌ വരുന്നത് നിന്റെ പെമ്പ്രന്നോത്തിക്ക് കെറുവാ..എന്തിനാ ഞാന്‍ വെറുതെ അവളുടെ മോന്ത കാണുന്നത്..എനിക്കാണെങ്കില്‍ അവധിയുമില്ല..ഈ പെണ്ണിന് ഒന്നുരണ്ട് എന്ട്രന്‍സ് എഴുതണം..പിന്നെ ചില കോളജുകളില്‍ ഇന്റര്‍വ്യൂവും ഉണ്ട്..നീ ഒന്ന് സഹായിക്കാമോ എന്നെ” ഞാന്‍ വിളിച്ചപ്പോള്‍ ചേച്ചി ചോദിച്ചു. “എന്താ ചേച്ചി ഞാന്‍ ചെയ്യണ്ടത്?” “നീ ഇവളെ എല്ലാടത്തും ഒന്ന് കൊണ്ടുപോണം..ഇവിടെ വേറെ ആരിരിക്കുന്നു കൊണ്ടുപോകാന്‍..അച്ഛന് പ്രായമായില്ലേ” എന്റെ മനസ്സില്‍ ലഡ്ഡു അല്ല നല്ല ആറ്റംബോംബ്‌ തന്നെ പൊട്ടി അത് കേട്ടപ്പോള്‍. “പിന്നെന്താ ചേച്ചി..ചേച്ചി എന്നാ പോകുന്നത്?” “ഞാന്‍ രണ്ടു ദിവസം കഴിഞ്ഞു പോകും..നീ ഇങ്ങോട്ട് വന്ന് അവളെ കൂട്ടിക്കൊണ്ടു പോകാമോ?” ചേച്ചി ചോദിച്ചു. “എനിക്ക് മറ്റന്നാള്‍ കഴിഞ്ഞേ വരാന്‍ പറ്റൂ..” “അത് മതി…അന്നാ ഞാനും പോകുന്നത്..പോകുന്നെന് മുന്നേ നിന്നെ ഒന്ന് കാണുകേം ചെയ്യാം എന്ന് കരുതി” “ശരി ചേച്ചി” എന്റെ സന്തോഷത്തിന്റെ അളവ് ഇവിടെ പറയണോ? വേണ്ടല്ലോ? ഞാന്‍ ചേച്ചി പറഞ്ഞ വിവരങ്ങള്‍ എന്റെ ഭാര്യയോടു പറഞ്ഞു. “എന്തിനാ ആ പെണ്ണിനെ ഇങ്ങോട്ട് കെട്ടിയെടുക്കുന്നത്? നിങ്ങള്‍ക്ക് വേറെ ജോലി ഇല്ലേ” അവള്‍ കേട്ടപാടെ ചീറി. “എടി അതിന്റെ ഒരു ഭാവിയുടെ കാര്യമല്ലേ..നമ്മള്‍ അല്ലാതെ വേറെ ആരാ അവരെ സഹായിക്കാന്‍” “ഒരു സഹായോം വേണ്ട..നിങ്ങള് വേറെ