Chapter Title : പാപശൽഭം 20 [Shanushinu] [ജസ്ന രോഹിത്തിൽ അലിയുമ്പോൾ]
പറഞ്ഞു.
അന്ന് ഉച്ചയ്ക്ക് അവരുടെ ഭക്ഷണം സ്യൂട്ടിനോട് ചേർന്നുള്ള സ്വകാര്യ ടെറസ്സ് ഗാർഡനിൽ വെച്ചായിരുന്നു.
ബാംഗ്ലൂരിലെ തണുത്ത കാറ്റേറ്റ്, മേഘങ്ങൾക്കരികിലിരുന്ന് ലോകോത്തര ഷെഫുമാർ തയ്യാറാക്കിയ കോണ്ടിനെന്റൽ വിഭവങ്ങളും കാശ്മീരി പുലാവും രോഹിത് സ്വന്തം കൈകൊണ്ട് അവൾക്ക് വാരിക്കൊടുത്തു. ഓരോ ഉരുള കഴിക്കുമ്പോഴും ജസ്നയ്ക്ക് താൻ ഭൂമിയിലല്ല, ഏതോ സ്വപ്നലോകത്തിലെ രാജകുമാരിയാണെന്നാണ് തോന്നിയത്.
അന്ന് കുമരകത്ത് തന്നെ മറ്റുള്ളവരുടെ മുന്നിൽ പ്രദർശനവസ്തുവാക്കാൻ നോക്കുകയും ചെയ്ത ഷാഹിദിന്റെ പെരുമാറ്റവും, തന്നെ ഒരു അമൂല്യ രത്നം പോലെ ഉള്ളംകയ്യിൽ വെച്ച് നോക്കുന്ന രോഹിത് കുമാറിന്റെ രാജകീയമായ കരുതലും തമ്മിലുള്ള വ്യത്യാസം അവളുടെ മനസ്സിനെ അയാളിലേക്ക് കൂടുതൽ ആഴത്തിൽ വേരൂന്നിപ്പിച്ചു.
എന്നാൽ ആ പ്രണയലോകത്തിനിടയിലും, പുറംലോകത്തെ തന്റെ കാവൽക്കാരനെ തൃപ്തിപ്പെടുത്താനുള്ള ജാഗ്രത ജസ്ന കൈവിട്ടില്ല.
ഉച്ചകഴിഞ്ഞ് മൂന്നുമണിയായപ്പോൾ—കാനഡയിൽ പുലർച്ചെ അഞ്ചുമണിക്ക് ഷാഹിദ് ഉറക്കമുണരുന്ന സമയത്ത്—ജസ്ന തന്റെ ഫോൺ എടുത്ത് വാട്ട്സ്ആപ്പിൽ ഷാഹിദിന് ഒരു വോയിസ് നോട്ട് അയച്ചു. രോഹിത് തൊട്ടരികിലിരുന്ന് കൗതുകത്തോടെ അവളുടെ കള്ളക്കളി കണ്ടു രസിക്കുകയായിരുന്നു.
"ഗുഡ് മോർണിംഗ് ഇക്കാ..." ജസ്ന അല്പം തളർന്ന, എന്നാൽ സ്നേഹം തുളുമ്പുന്ന സ്വരത്തിൽ റെക്കോർഡ് ചെയ്തു: "ഞാൻ ഹോട്ടലിൽ വന്ന് ഒന്ന് ഫ്രഷ് ആയ ഉടനെ തന്നെ റാഹില മാഡം എന്നെ വി.എഫ്.എസ് സെന്ററിലേക്ക് കൊണ്ടുവന്നു ട്ടോ. ഇവിടെ നല്ല തിരക്കാണ്. ഇപ്പോൾ ഡോക്യുമെന്റ് വെരിഫിക്കേഷന്റെ ക്യൂവിലാണ് നിൽക്കുന്നത്. അകത്ത് ഫോൺ ഉപയോഗിക്കാൻ പാടില്ലെന്ന് കർശന നിയമമുണ്ട്, ഇപ്പോൾ വാഷ്റൂമിൽ വന്നപ്പോൾ ഇക്കയ്ക്ക് ഒന്ന് മെസ്സേജ് ഇട്ടതാ. വൈകുന്നേരം റൂമിൽ തിരിച്ചെത്തിയിട്ട് ഞാൻ വിളിക്കാം ട്ടോ... ഓഫീസിൽ പോകുമ്പോൾ ശ്രദ്ധിച്ചു പോണേ, ഉമ്മ!"
വോയിസ്
💬 Comments
View all comments