Chapter Title : പാപശലഭം 5 ചൂടും തണുപ്പും [Shanushinu]

തിരക്കിലേക്ക് കയറിയതോടെ ഷാഹിദിന്റെ സങ്കടം ഒക്കെ മാറി അവിടെ ഒരു ദീർഘ യാത്ര പോവുന്ന ട്രാവലറുടെ ടെൻഷൻ ആയി.

ഇത്തിഹാദ് എയർവേയ്സിന്റെ (Etihad Airways) ചെക്ക്-ഇൻ കൗണ്ടറിന് മുന്നിൽ വലിയൊരു ക്യൂ ഉണ്ടായിരുന്നു. ക്യൂവിൽ നിൽക്കുമ്പോഴൊക്കെ അവന്റെ ശ്രദ്ധ ട്രോളിയിലിരിക്കുന്ന പെട്ടികളിലായിരുന്നു.

തൂക്കം കറക്റ്റ് ആയിരിക്കുമോ, കൂടുതലുണ്ടെങ്കിൽ അവർ കുത്തിത്തുറക്കാൻ പറയുമോ എന്നൊക്കെയോർത്ത് ചെറിയ ടെൻഷനോട് കൂടി അവൻ ക്യൂവിൽ നിന്നു. ഒടുവിൽ കൗണ്ടറിൽ എത്തിയപ്പോൾ, പെട്ടികൾ ബെൽറ്റിലേക്ക് വെച്ചു.

കൃത്യം 23 കിലോ! വലിയൊരു ആശ്വാസത്തോടെ അവൻ മനസ്സിൽ രാഹുലിന് നന്ദി പറഞ്ഞു, ബോർഡിങ് പാസ് വാങ്ങി.

പിന്നീടുള്ളത് ഏറ്റവും വലിയ കടമ്പയായ സെക്യൂരിറ്റി ക്ലിയറൻസ് ആണ്. വലിയൊരു ലൈനിൽ നിന്ന് ഇഴഞ്ഞുനീങ്ങി സെക്യൂരിറ്റി പോയിന്റിൽ എത്തിയപ്പോൾ ബെൽറ്റും ഷൂസും ഊരി ട്രേയിൽ വെച്ചു.

ഹാൻഡ് ബാഗ് തുറന്ന് ലാപ്ടോപ്പ് പുറത്തെടുത്ത് മറ്റൊരു ട്രേയിൽ വെച്ചു. കാനഡ വിടുന്നതിന് മുൻപുള്ള ആ ഒരു സമ്മർദ്ദം നിറഞ്ഞ പ്രോസസ്സ് അവനെ ഈ തണുപ്പത്തും ചെറുതായി വിയർപ്പിച്ചു.

ശരീര പരിശോധനയും കഴിഞ്ഞ് തന്റെ സാധനങ്ങളെല്ലാം തിരികെ ബാഗിലാക്കി, ഷൂസും ധരിച്ച് പുറത്തിറങ്ങിയപ്പോഴാണ് ശരിക്കും ഒരു വലിയ ഭാരം ഒഴിഞ്ഞ ആശ്വാസം അവനുണ്ടായത്.

ഡ്യൂട്ടി ഫ്രീ ഷോപ്പുകളുടെ വലിയ ലോകത്തൂടെയൊക്കെ കറങ്ങി നടന്നു കണ്ട് അവൻ തന്റെ ബോർഡിങ് ഗേറ്റിനടുത്തുള്ള സീറ്റിൽ ചെന്നിരുന്നു. അവിടെയുള്ള ടിം ഹോർട്ടൺസിൽ (Tim Hortons) നിന്ന് ഒരു കോഫിയും വാങ്ങി സീറ്റിൽ റിലാക്സ് ചെയ്തിരിക്കുമ്പോഴാണ് കാനഡയുടെ ഒരു പ്രത്യേകത അവൻ ശ്രദ്ധിക്കുന്നത്.

നാട്ടിൽ പോകാൻ നിൽക്കുമ്പോൾ പോലും അവന്റെ കണ്ണുകൾ ചുറ്റുമുള്ള സുന്ദരികളിൽ ഉടക്കിനിൽക്കുകയായിരുന്നു.