Chapter Title : പാഠം ഒന്ന് പ്രണയം മീര ടീച്ചർ [LustRaavan]

സ്റ്റോപ്പിൽ നിന്ന് കോളേജ് ഗേറ്റിലേക്കുള്ള ആ ചെറിയ ദൂരം അവർ ഒരേ വേഗതയിൽ നടന്നു. വഴിയിലുടനീളം വിദ്യാർത്ഥികൾ മീര ടീച്ചറെ നോക്കി "ഗുഡ് മോർണിംഗ്" പറയുന്നുണ്ടായിരുന്നു. സിദ്ധാർത്ഥ് തന്റെ തല താഴ്ത്തി, ആരും ശ്രദ്ധിക്കാത്ത വിധം അവളോടൊപ്പം നടക്കാൻ ശ്രമിച്ചു.

കോളേജ് ഗേറ്റ് കടന്നതും മീര സ്റ്റാഫ് റൂമിലേക്കുള്ള ഇടനാഴിയിലേക്ക് തിരിഞ്ഞു. പോകുന്നതിന് മുൻപ് അവൾ ഒന്ന് നിന്നു, എന്നിട്ട് സിദ്ധാർത്ഥിനെ നോക്കി പതുക്കെ പറഞ്ഞു:

"ക്ലാസ്സിൽ വെച്ച് കാണാം... വൈകുന്നേരം നേരത്തെ വരണമെന്ന് അമ്മ പറഞ്ഞിട്ടുണ്ടാകുമല്ലോ?"

മറുപടിക്ക് കാത്തുനിൽക്കാതെ അവൾ നടന്നുനീങ്ങി. അവളുടെ ഹൈഹീൽ ചെരുപ്പുകൾ വരാന്തയിൽ തട്ടുമ്പോഴുണ്ടാകുന്ന ആ ശബ്ദം സിദ്ധാർത്ഥിന്റെ കാതുകളിൽ മുഴങ്ങി. അവൻ പതുക്കെ തന്റെ ക്ലാസ്സിലേക്ക് നടന്നു.

ക്ലാസ്സിലെത്തി തന്റെ പതിവ് സീറ്റിലിരിക്കുമ്പോഴും അവന്റെ മനസ്സ് ശാന്തമായിരുന്നില്ല. അല്പസമയത്തിനകം മീര ടീച്ചർ ക്ലാസ്സിലേക്ക് വരുമെന്നും, ആ പച്ച സാരിയും പതസാരത്തിന്റെ കിലുക്കവും വീണ്ടും തന്റെ മുന്നിലെത്തുമെന്നും ഓർത്തപ്പോൾ അവന്റെ ഉള്ളിൽ ഒരു ചെറിയ കാറ്റു വീശുന്നത് പോലെ തോന്നി.

ബോർഡിൽ ചോക്ക് കൊണ്ട് എഴുതുന്ന ശബ്ദം കേൾക്കാൻ അവൻ കാതോർത്തു...

ക്ലാസ്സിൽ മീര ടീച്ചർ പാഠം എടുത്തുകൊണ്ടിരിക്കുമ്പോഴും സിദ്ധാർത്ഥ് തന്റെ പുസ്തകത്തിലെ ഒരു വരിയിൽ കണ്ണുനട്ടിരിക്കുകയായിരുന്നു. പക്ഷേ അവന്റെ ചിന്തകൾ മറ്റെവിടെയോ ആയിരുന്നു.

"ഞാൻ ഈ കാണിക്കുന്നത് ശരിയാണോ?" അവന്റെ മനസ്സ് അവനോട് തന്നെ ചോദിച്ചു.

അവളോടുള്ള ഈ തോന്നലിനെ 'പ്രണയം' എന്ന് വിളിക്കാമോ? അതോ വെറുമൊരു ആരാധന മാത്രമാണോ? തനിക്ക് അറിവ് പകർന്നു തരുന്ന, തന്നെ നേർവഴിക്ക് നടത്തേണ്ട ഒരാളെ മറ്റൊരു കണ്ണിലൂടെ നോക്കുന്നത് തെറ്റല്ലേ? ഓരോ തവണ