Chapter Title : പാത്തൂന്റെ പുന്നാര കാക്കു 9 [അഫ്സൽ അലി]

അന്നയെയും കൂട്ടി അവരുടെ കൂട്ടുകാരനായിരുന്ന ഷബീബിന്റെ വീട്ടിലേക്ക് ആണ് പോയത്. ചെല്ലുന്ന കാര്യം വിളിച്ചു പറഞ്ഞതുകൊണ്ട് അവൻ അവരെയും കാത്ത് ഉമ്മറത്തു തന്നെ നിൽപുണ്ടായിരുന്നു.

"എന്താണ് മക്കളെ പാതിരാത്രിക്ക്?"

വാപ്പയും ഉമ്മയും ഗൾഫിൽ ഉള്ള ഷബീബിന്റെ വീട്ടിലേക്ക് സ്കൂട്ടിയിൽ വന്നിറങ്ങിയ കൂട്ടുകാരികളോട് അവൻ ചോദിച്ചു. മാതാപിതാക്കൾ അടുത്തില്ലാതെ വളർന്ന ഷബീബ് എല്ലാ തരത്തിലും ഒറ്റക്കുള്ള ജീവിതം ആഘോഷമാക്കി ജീവിക്കുകയാണ്. ആ വലിയ വീട്ടിൽ അവനെ ശ്രദ്ധിക്കാൻ അവന്റെ ഉമ്മ നിർത്തിയത് അവളുടെ തന്നെ കൂട്ടുകാരി ആയിരുന്ന ഉഷയെ ആയിരുന്നു. സ്ഥിരജോലിയില്ലാതെ കഷ്ടപ്പെടുന്ന ഭർത്താവിനൊത്ത് ജീവിക്കുന്ന ഉഷയുടെ കഷ്ടപ്പാടിൽ അവൾക്ക് അതൊരു സഹായവും ആയിരുന്നു.

കല്യാണം കഴിഞ്ഞു വർഷങ്ങൾ ആയിട്ടും കുട്ടികൾ ഇല്ലാത്തത് ഉഷയുടെ കുഴപ്പം കൊണ്ടാണെന്നു ഡോക്ടർമാർ വിധി എഴുതിയപ്പോൾ ഭർത്താവ് ശശിക്ക് അവളോടുള്ള സ്നേഹവും കുറഞ്ഞു.

ഷബീബിനെ ശ്രദ്ധിക്കാനും അവന്റെ കാര്യങ്ങൾ നോക്കാനുമായി അവൾ ആ വീട്ടിൽ തന്നെ താമസമാക്കി... പക്ഷെ അവളുടെ ശ്രദ്ധ ചെറുതായൊന്നു മാറിയതും അടുക്കള യോട് ചേർന്നുള്ള മുറിയിലെ അവളുടെ കിടത്തം ഷബീബിന്റെ കിടപ്പറയിലേക്ക് മാറി.

പണത്തിനു യാതൊരു കുറവും ഷബീബിനില്ല... അതുകൊണ്ട് തന്നെ ഉഷയും ഇന്നൊരു പണക്കാരി കൊച്ചമ്മയെ പോലെ ജീവിക്കുന്നു...

"ഷബീ... നീയീ ബാഗ് ഒന്ന് ഇവിടെ വെക്കണ"

"എന്താടി ഇത്?"

"കുറച്ചു പണമാ... എല്ലാം നാളെ വിശദമായി പറഞ്ഞു തരാം... ഇത് ഏല്പിക്കാൻ നിന്നെയല്ലാതെ വേറെ ആരെയും വിശ്വാസമില്ല"

പണം അടങ്ങിയ ബാഗ് ഷബീബിനെ അല്ലാതെ മറ്റാരെയും ഏല്പിക്കാൻ അവർക്ക് മനസ്സ് വന്നില്ല. രാഖിയെയും അന്നയെയും അടുത്തറിയുന്ന അവരുടെ ഏക കൂട്ടുകാരനാണ് ഷബീബ്...

എസ് ഐ ഹമീദിന്റെ