Chapter Title : പൈനാപ്പിൾ ലൈം ജ്യൂസ്‌ 2 [ഒറ്റയ്ക്ക് വഴിവെട്ടി വന്നവൻ]

നിന്റച്ഛന് ഡൽഹിയിൽ പൈനാപ്പിൾ നടലായിരുന്നോ പണി.. ഏഹ്ഹ്..."

​അവൾ ആ കത്തി ഒന്ന് വീശി കാണിച്ചു. ആ വെളിച്ചം എന്റെ കണ്ണിൽ തട്ടി മിന്നി.

"അപ്പൂ...അത്... വേണ്ട....!"

​"നീ.. നീ ആ കത്തി എന്തിനാ കയ്യിൽ പിടിച്ചിരിക്കുന്നത്? ഇതാണോ എന്റെ കൈ അഴിക്കാൻ നീ കണ്ടുപിടിച്ച വഴി?!!"

ഞാൻ ചോദിച്ചു.

​അവൾ ആ കത്തിയും പൈനാപ്പിളും ടേബിളിൽ വെച്ചിട്ട് എന്റെ അടുത്തേക്ക് നടന്നു വന്നു.

​"ഇല്ലൈ അപ്പൂ... ഇത് പൈനാപ്പിൾ കട്ട് പണ്ണാൻ താഴെ ഇന്നലത്തെ വൈറ്റെർ അണ്ണന്റെ കൈയിൽ നിന്ന് വാങ്ങിയതാ. നിന്റെ കൈ അഴിക്കാൻ എനിക്ക് ഈ കത്തി വേണ്ട. ആനാ നീ ഇപ്പടി പേടിച്ചോടി നിൽക്കുന്നത് പാക്കുമ്പോ എനിക്ക് നല്ല തമാശയാ ഇരിക്കുത്!"

​അവൾ പതുക്കെ ആ ഷാളിന്റെ കെട്ടിന് അടുത്തു വന്നു. ആ കയ്യിലിരുന്ന കാർ ചാവി അവൾ ബെഡിലേക്ക് എറിഞ്ഞു.

​"ദാ... നിന്റെ വണ്ടി. ആരും അടിച്ചോണ്ട് പോയിട്ടില്ല. ഇനി നീ പാവം മാതിരി ഇരുന്നാൽ ഞാൻ ഈ കെട്ട് അഴിച്ചു തരാം. ഇല്ലേൽ നിന്നെ കെട്ടിയിട്ട് തന്നെ ഞാൻ ഈ പൈനാപ്പിൾ മുഴുവൻ തിന്നും. പുരിഞ്ചുതാ?!!"

​അവൾ ആ കത്തി കൈയ്യിലെടുത്ത് ഒരു പൈനാപ്പിൾ മുറിക്കാൻ തയ്യാറെടുക്കുന്നത് കണ്ടപ്പോൾ ഞാൻ പതുക്കെ ബെഡിൽ ഇരുന്നു. പൈനാപ്പിൾ റാണിയുടെ കയ്യിൽ കത്തി ഇരിക്കുന്നത് കൊണ്ട് അടങ്ങിയിരിക്കുകയേ നിവൃത്തിയുള്ളൂ എന്ന് എനിക്ക് മനസ്സിലായി.

അവൾ എന്നെ മൈൻഡ് ചെയ്യുന്നു പോലുമില്ല!

ആ കത്തി കയ്യിലെടുത്ത് അതിവിദഗ്ദ്ധമായി പൈനാപ്പിളിന്റെ തൊലി ചെത്തി മാറ്റുകയാണ്.

ആ കത്തിയുടെ മുന മേശപ്പുറത്ത് ഉരയുന്ന ശബ്ദം കേൾക്കുമ്പോൾ എന്റെ ഉള്ളിൽ ഒരു ചെറിയ മിന്നൽ പാഞ്ഞു.

​"എടീ... ഇതൊന്ന് ആദ്യം ചെയ്യേടീ... ഈ കെട്ടൊന്ന് അഴിക്ക് ആദ്യം!"

ഞാൻ കെട്ടിയ കൈകൾ അവളുടെ മുഖത്തിന് നേരെ കാട്ടി ആഞ്ഞു പറഞ്ഞു.

​പക്ഷേ അവൾ കൂൾ ആണ്. എന്റെ ബഹളമൊന്നും കേട്ട ഭാവമേ ഇല്ല.

ചെത്തി മിനുക്കിയ പൈനാപ്പിൾ അവൾ ഓരോ കഷ്ണങ്ങളായി അരിഞ്ഞു പ്ലേറ്റിലേക്ക് ഇട്ടു.

എന്നിട്ട് ഒരു കഷ്ണം എടുത്ത് ആസ്വദിച്ചു വായിലിട്ടു.

ബാക്കി കഷ്ണങ്ങൾക്കിടയിൽ നിന്ന്