Chapter Title : പല്ലുവേദന തന്ന ജീവിതം [Virgin Kuttan]

നവ്യയെ വിളിക്കാം എന്നു കരുതി.. പിന്നെ അത് വേണ്ട എന്നു വച്ചു.അത് കേൾക്കുമ്പോൾ അവളുടെ മുഖത്തുള്ള ഫീൽ നേരിട്ടു കാണണം എന്ന് തോന്നി. ഉച്ചക്ക് ആണ് ലെറ്റർ കിട്ടിയത്. വൈകുന്നേരം വരെ വെയ്റ്റ് ചെയ്യാം. വൈകുന്നേരം ഞാൻ ജംഗ്ഷനിൽ പോയി.

ക്ലിനിക്ക് തുറന്നിട്ടില്ല. ഞാൻ അവളെ വിളിച്ചു. അവൾ ക്വാർട്ടേഴ്സിൽ ആണ്.ഇന്ന് അവൾ ഹോസ്പിറ്റലിൽ നിന്ന് ഇറങ്ങാൻ ലേറ്റ് ആയി. അതു കൊണ്ട് ക്ലിനിക്ക് തുറന്നില്ല. ഞാൻ നേരെ ക്വാർട്ടേഴ്സിലേക്ക് പോയി.അര മണിക്കൂർ കൊണ്ട് അവിടെയെത്തി. എന്നെ കണ്ട അവൾ അത്ഭുതപ്പെട്ടു. "അല്ലാ,നീയെന്താ ഒന്നും പറയാതെ " "അതെന്താ എനിക്ക് ഇങ്ങോട്ട് വന്നൂടെ?" "അങ്ങനെയാണോടാ ഞാൻ പറഞ്ഞേ?" "ചൂടാവല്ലേ മുത്തേ, ഇതാ നിനക്ക് ഒരു ഗിഫ്റ്റ് " ഇതും പറഞ്ഞു ഞാൻ ലെറ്റർ അവളുടെ കയ്യിൽ കൊടുത്തു. അത് കണ്ട അവൾ സന്തോഷത്തോടെ തുറന്ന് വായിച്ചു. എന്നിട്ട് എന്നെ കെട്ടിപ്പിടിച്ചു. എന്റെ മുഖം മുഴുവൻ ഉമ്മകൾ കൊണ്ട് മൂടി. "ഡാ,നീയത് നേടി, ഞാൻ ഭയങ്കര ഹാപ്പി ആണ് " "സത്യം പറഞ്ഞാൽ ഇതിനു കാരണക്കാരി നീ ആണ്, നിന്റെ പ്രയത്നം കൂടിയില്ലായിരുന്നെങ്കിൽ എനിക്കിത് കിട്ടല്ല." അവളുടെ കണ്ണ് നിറഞ്ഞിരുന്നു. എന്നോട് ഇരിക്കാൻ പറഞ്ഞ്, അവൾ അകത്ത് പോയി, മുഖം കഴുകി തുടച്ചു കൊണ്ട് വന്നു. അവളുടെ മുഖം ശാന്തമായിരുന്നു. " ഇപ്പോൾ സ്ഥിര ജോലി ആയി, അതും KSEB യിൽ എഞ്ചിനീയർ, ഇനി ഒരു പെണ്ണ് കെട്ടാം, ഞാൻ നിന്റെ അമ്മയോട് പറയാം നല്ല ഒരു പെണ്ണിനെ നോക്കാൻ " ഞാൻ ആകെ ഷോക്കായി, ഞാൻ ഈ ഒരു സംസാരം അവളിൽ നിന്ന് പ്രതീക്ഷിച്ചിരുന്നില്ല. "എനിക്ക് ഇപ്പോൾ ഒന്നും വേണ്ട" " ഇപ്പോൾ 31 വയസ്സായി, ഇനി എപ്പോളാ?, നീ ഒന്നും പറയണ്ട ഞങ്ങൾ നല്ലൊരു പെണ്ണിനെ കണ്ടു പിടിച്ചു തരും." ഇതു കേട്ട, എന്റെ നെഞ്ചിൽ ഒരു കല്ലെടുത്തു വച്ചതു പോലെയായി. "മ്... ഞാൻ പോകട്ടെ, കുറച്ച് പണിയുണ്ട് " അതും പറഞ്ഞ് ഞാൻ ഇറങ്ങി നടന്നു.അവൾ പുറകെ നിന്ന് വിളിച്ചെങ്കിലും ഞാൻ തിരിഞ്ഞു നോക്കിയില്ല. കൂടുതൽ