Chapter Title : പണക്കാരന്റെ ഭാര്യയും കൂലിപണിക്കാരന്റെ ഭാര്യയും 3 [MKumar]

ദൈവമേ... അത് സ്വപ്നം ആയിരുന്നോ...

അത് സത്യം ആയിരുന്നെങ്കിൽ... ഇല്ല... ഞാൻ ഇവളെ ആ സത്യം അറിയിക്കില്ല... ഇവൾ എന്റെ സുമതി ആണ്... എന്റെ മാത്രം സുമതി ആയിരിക്കും.... )

അയാൾ അവളുടെ നെറ്റിയിൽ ഉമ്മ വച്ചപ്പോൾ അവൾ ഉണർന്നു.... അവൾ ആ കട്ടിലിൽ നിന്ന് എഴുന്നേറ്റു...

"ഏട്ടാ... വേദന കുറവുണ്ടോ...."

"നീ എന്റെ കൂടെ ഉള്ളത് കൊണ്ട് വേദന ഒന്നും അറിഞ്ഞില്ല...."

"ഒന്ന് പോ ഏട്ടാ...."

" പെണ്ണേ... നീ എന്റെ അടുത്ത് ഉള്ളപ്പോൾ എനിക്ക് വേറെ ഒന്നും ഓർമ ഉണ്ടാവില്ല.."

"അപ്പൊ പിന്നെ ഇന്നലെ എന്തിനാണ് എന്നെ വിട്ട് പോയേ..."

"നീ അങ്ങനെ വീണ്ടും പറഞ്ഞപ്പോൾ എനിക്ക് ആകെ വിഷമം ആയി... അതുകൊണ്ട് ആണ് ഞാൻ ഇറങ്ങി പോയത്..."

അവൾ കരഞ്ഞു കൊണ്ട്

"ഞാൻ അങ്ങനെ പറഞ്ഞത് കൊണ്ടല്ലേ... നിങ്ങൾക്ക് ആക്‌സിഡന്റ് പറ്റിയത്..."

"നീ ആദ്യം കരയുന്നത് നിർത്തു... ഞാൻ റോഡിലൂടെ ഒന്നും നോക്കാതെ നടന്നപ്പോൾ ആണ് ആ വണ്ടി ഇടിച്ചത്.... അല്ലാതെ നീ അങ്ങനെ പറഞ്ഞത് കൊണ്ടല്ല...."

പക്ഷേ അവൾ കരഞ്ഞു കൊണ്ട് പുറത്തേക്ക് പോയി... അയാൾ വീണ്ടും ആലോചനയിൽ മുഴുകി...

" ഞാൻ കാരണം ആണ് അയാൾക്ക്‌ ഈ അപകടം പറ്റിയത്... എന്നിട്ട് എന്നെ വിഷമപ്പിക്കണ്ട എന്ന് കരുതി കള്ളം പറഞ്ഞു... അയാൾ എന്തിനാണ് എന്നെ ഇങ്ങനെ സ്നേഹിക്കുന്നെ.... "

അതിന് ഒരു ഉത്തരം ആയി ഒരു ചോദ്യം വന്നു...

"സുമതി.... രാജന് എങ്ങനെ ഉണ്ട്.."

അയൽവക്കത്തെ ആ ചേച്ചി ആയിരുന്നു...

"ഏട്ടന് കുഴപ്പമില്ല... ചെറിയ വേദന ഉണ്ടായിരുന്നു... അത് ഇന്ന്