Chapter Title : പണയപ്പണ്ടങ്ങൾ 1 [Dr. Wanderlust]

കിട്ടും, അതൊ ഞാൻ പോലീസും കോടതിയുമായി പോകണോ? നിങ്ങള് മൂന്നും ആണ് ജാമ്യം നിന്നതും, അവനു കാശു കൊടുക്കാൻ എന്നേ നിർബന്ധിച്ചതും. അപ്പോൾ സമാധാനം നിങ്ങള് പറയണം. കച്ചവടത്തിൽ നഷ്ടം വരുന്നത് ഈ സേവിച്ചന് പിടിക്കുകേല.. അത്തരം അവസരങ്ങളിൽ ഞാൻ ചിലപ്പോൾ ചെകുത്താനായി മാറും. അത്കൊണ്ട് നിങ്ങള് പറ. " സേവിച്ചൻ മൂന്ന് പേരെയും നോക്കി.

കാവ്യയും, സുഷമയും കല്യാണിയമ്മയുടെ പിന്നിൽ നിന്നു പരുങ്ങിയതല്ലാതെ ഒന്നും മിണ്ടിയില്ല.

മിണ്ടാതെ നിന്നാൽ സേവിച്ചൻ ദേഷ്യപ്പെടുമെന്ന് മനസ്സിലാക്കിയതിനാൽ കല്യാണിയമ്മ പതിയെ സംസാരിച്ചു തുടങ്ങി.

" മോനെ അത്..."

"വേണ്ട. നിങ്ങളെന്നെ മോനെ എന്ന് വിളിക്കണ്ട, സേവിച്ച എന്ന് വിളിച്ചാൽ മതി. ആ പഴയ ബന്ധമൊക്കെ കാശ് തന്നപ്പോൾ തന്നെ തീർന്നു.."

കല്യാണിയമ്മ ഒന്ന് ഉമിനീരിറക്കി. "അത് സേവിച്ച ഇന്നലെ പറഞ്ഞതിൽ കൂടുതലൊന്നും ഞങ്ങൾക്ക് പറയാനില്ല. കലേഷ് ആ പൈസ എന്ത് ചെയ്തെന്നു പോലും അറിയില്ല. അവൻ പോയിട്ട് ആറു മാസമായി ഇപ്പോൾ വിളിച്ചാൽ ഫോൺ പോലും എടുക്കില്ല."

"നിർത്ത്‌ തള്ളേ...." സേവിച്ചൻ സോഫയിൽ നിന്നും ചാടിയെഴുന്നേറ്റ് കൈ ചൂണ്ടി.

"നിങ്ങളിങ്ങനെ അവന്റെ കൊണവതികാരം പറയാതെ കാശിന്റെ കാര്യം പറ... ഇനിയെന്റെ ഭാഷ മാറും."

"സേവിച്ച അത് അവൻ വന്നാൽ ഉടനെ ഞങ്ങളത് തരാം.." കല്യാണിയമ്മയെ വിയർത്തൊഴുകാൻ തുടങ്ങി. ഇങ്ങനെ ഒരു വിചാരണ അവര് പ്രതീക്ഷിച്ചിരുന്നില്ല. അവൻ വന്നു തന്റെ മേത്തു കുതിര കയറി പോകുമെന്ന് മാത്രമേ ശരിക്കും അവർ കരുതിയുള്ളു.

"അവൻ വന്നിട്ട് നീയൊക്കെ ഉണ്ടാക്കും. ഞാൻ അത് വിശ്വസിച്ചു വായിൽ വിരലിട്ട് ഇരിക്കണമല്ലേ." അവൻ പതിയെ മുന്നോട്ട് വന്നു.