പടക്കുതിര

പടക്കുതിര 1
Padakkuthira Part 1 bY Ammus

എന്‍റെ യഥാര്‍ത്ഥ പേര് ഞാന്‍ പറയുന്നില്ല കൂട്ടുകാരെ (അല്ലെങ്കില്‍ ഒരു പേരിലെന്തിരിക്കുന്നു ? ). ഞാന്‍ എന്റെ സ്വന്തം ജീവിത കഥ, പ്രീയപ്പെട്ട വായനക്കാര്‍ക്കായി വിവരിക്കാം. ഒരു കൂട്ടുകുടുംബത്തിലാണ്‌ ഞാന്‍ ജനിച്ചു വളര്‍ന്നത്‌. എന്റെ അമ്മയും കുടുംബവും, രണ്ടു അമ്മാവന്മാരും അവരുടെ കുടുംബവും, മുത്തശ്ശിയും (അമ്മയുടെ അമ്മ) ഉള്‍പ്പെട്ട ഒരു വലിയ കുടുംബം. എന്റെ അച്ഛനും അമ്മയ്‌ക്കും ഞാനുള്‍പ്പെടെ നാലു കുട്ടികള്‍, ഒരു അമ്മാവന്‌ മൂന്നു കുട്ടികളും, മറ്റേ അമ്മാവന്‌ രണ്ടു കുട്ടികളും ഉണ്ടായിരുന്നു. ആകെ ഞങ്ങള്‍ ഒന്‍പത്‌ കുട്ടികള്‍. എനിക്ക്‌ മൂത്തത്‌ ഒരു ചേച്ചിയും ഇളയത്‌ ഒരു അനിയനും ഒരു അനിയത്തിയും. എന്റെ ഒരു വല്യമ്മച്ചി (അമ്മയുടെ ചേച്ചി) വിവാഹംകഴിച്ച്‌ മറ്റൊരിടത്താണ്‌ താമസിക്കുന്നത്‌.

ഈ വല്യമ്മച്ചിക്ക്‌ ഒരാണും രണ്ട്പെണ്‍ മക്കളുമുണ്ട്. എന്റെ മറ്റൊരമ്മാവന്‍ അമ്മായിയോടൊപ്പം മലേഷ്യയിലാണ്‌. അവരുടെ കുട്ടികള്‍ ഊട്ടിയിലും, ത്രിശ്ശിനാപ്പള്ളിയിലുമായി പഠിക്കുന്നു. ഞങ്ങള്‍ക്ക്‌ കുറെയധികം കൃഷി ഭൂമി ഉണ്ടായിരുന്നു. മിക്ക ദിവസങ്ങളിലും പാടത്തും പറമ്പിലുമൊക്കെ പണിക്കാരുിണ്ടാകുമായിരുന്നു. അവരോടൊപ്പം കാര്യങ്ങള്‍നോക്കിയും, പഠിത്തവും കളിയുമൊക്കെയായി ഞങ്ങളുടെ കുട്ടിക്കാലം വളരെ രസകരമായിരുന്നു.

ആണ്‍കുട്ടികളില്‍ മുതിര്‍ന്നത്‌ ഞാന്‍ ആയിരുന്നതിനാല്‍, ഞാനായിരുന്നു അവരുടെ നേതാ