പതിനെട്ടാം പട്ടയിലെ കള്ളും കുടങ്ങൾ..[Simona]

പതിനെട്ടാം പട്ടയിലെ കള്ളും കുടങ്ങൾ.. 
Pathinettam Pattayile Kallum Kudangal | Author : Simona

"..........പെണ്ണങ്ങുവളർന്നു... കെട്ടിച്ചുവിട്ടാൽ ഒരു കൊച്ചിനെ പെറാനായി ..
അല്ലെ ദാസേട്ടാ... "

വര്ഷങ്ങള്ക്കു ശേഷം വീണ്ടും ആ നാട്ടിൻപുറത്തെത്തിയ സന്തോഷത്തിൽ, ടാക്സിയിൽ നിന്നിറങ്ങി, വീടിന്റെ പടിക്കെട്ടുകൾ ചാടിക്കയറി, ഷോൾഡറിൽ തൂങ്ങിയിരുന്ന ബാക് പാക്ക് ഇറയത്തേക്കെറിഞ്ഞ് അമ്മായിയെ ഇറുക്കെ കെട്ടിപ്പിടിച്ചുനിൽക്കേ, ഇറയത്തെ ചാരുകസേരയിൽ മലർന്നിരുന്ന ദാസമ്മാവൻ അമ്മായിയുടെ കമന്റ് കേട്ട് പൊട്ടിച്ചിരിക്കുകയായിരുന്നു....

"..........പോ അമ്മായി...
അയ്യേ!!.... "

കവിളുകൾ നാണത്താൽ തുടുപ്പിച്ച് ബാഗുമെടുത്ത് വീടിനകത്തേക്കോടുമ്പോൾ, ദാസമ്മാമന്റെയും റാണിമ്മായിയുടെയും ചിരി ഉമ്മറത്തുനിന്ന് ഉയർന്നു കേൾക്കാമായിരുന്നു...

ബാഗ്, തട്ടിൻപുറത്ത്, എനിക്കായി ഒരുക്കിവെച്ചിരുന്ന ഒറ്റമുറിയിൽ കൊണ്ടുവെച്ച്, ചുരിദാർ മാറ്റി ഷോർട്സും ടി ഷർട്ടും ധരിച്ച് പുറത്തിറങ്ങുമ്പോൾ, ഒരുപാട് ഓർമ്മകളുടെ മണമുള്ള ആ പഴയവീട്ടിൽ വീണ്ടുമെത്തിയതിന്റെ വല്ലാത്ത എക്സൈറ്റ്മെന്റിലായിരുന്നു ഞാൻ..

വര്ഷം മൂന്നായിരിക്കുന്നു...... അവസാനമായി ഇവിടെ വന്നിട്ടിപ്പോ..

തറവാട്ടിലായിരുന്നപ്പോൾ എല്ലാ വെക്കേഷനും ഇവിടെയായിരുന്നു..
കൂടെയുള്ള, ചിറ്റപ്പന്റേം വലിയച്ഛന്മാരുടേം മക്കളൊക്കെ സിറ്റികളിലുള്ള അവരുടെ മറ്റു ബന്ധുവീടുകളിലേക്ക് പൊയ്ക്കൊണ്ടിരുന്നപ്പോൾ, എ