Chapter Title : പട്ടുപാവാടക്കാരി 13 [SAMI]

എടുത്തു സംഗീതയുടെ മൊബൈലിലേക്ക് റിങ് ചെയ്തു... താഴെ അവളുടെ മൊബൈൽ റിങ്  ചെയ്യുന്ന ശബ്ദം കേട്ടു

മൊബൈൽ ഒന്നും എടുക്കാതെ വീടും തുറന്ന് ഇട്ട് ഇവരെല്ലാം ഇതെവിടെ പോയി...

പിന്നെ ശരണ്യയുടെ മൊബൈലിലേക്ക് വിളിച്ചു

എന്തേ ചേട്ടാ

നിങ്ങൾ എവിടെയാ ?

ഞങ്ങൾ പറമ്പിലുണ്ട്...

ചേട്ടൻ വീട്ടിൽ എത്തിയോ ?

ഹാ എത്തി...

എന്നാൽ ഞങ്ങൾ വരാം..

നിങ്ങൾ എവിടെയാ നിൽക്കുന്നേ

ഞങ്ങൾ ഈ കുളത്തിന്റെ അടുത്തുണ്ട്....

അവിടെയെന്താ ?

ചുമ്മാ വന്നതാ ചേട്ടാ...

അമ്മയോ ?

അച്ഛനും അമ്മയും ആരുടെയോ വീട്ടിലേക്ക് പോയി...

ആണോ...  എന്നാൽ നിങ്ങൾ അവിടെ നിക്ക് ഞാൻ അവിടേക്കു വരാം....

ഞാൻ വീട് ലോക്ക് ചെയ്ത് കുളത്തിന്റെ അടുത്തേക്ക് നടന്നു....

ഒന്നര ഏക്കർ തെങ്ങിൻ തോപ്പാണ് വീടിന്റെ പുറകെ വശത്തു... അതിന്റെ ഒരു സൈഡിലായി ഒരു കുളവും... അത്ര വലുപ്പമില്ലെങ്കിലും തോടുമായി ബന്ധമുള്ളതിനാൽ എപ്പോളും വൃത്തിയായി കിടക്കും പിന്നെ എല്ലാ കൊല്ലവും അച്ഛൻ കുളം തേവിപ്പിക്കാറുമുണ്ട്, ചെറുപ്പത്തിൽ കൂട്ടുകാരുമായി നീന്തി തുടിച്ചു നടന്ന കുളമാണ് ഇപ്പോൾ ആ വശത്തേയ്ക്കേ പോകാറില്ല...

കുളത്തിന്റെ പടികൾ ഇറങ്ങിയതും  കുളത്തിലേയ്ക്ക് കാലും നീട്ടി വച്ചുകൊണ്ട് ഇരുന്നിരുന്ന മൂന്നെണ്ണവും എന്നെ തിരിഞ്ഞു നോക്കി....

എന്നെ കണ്ടതും ശരണ്യ ചെറുതായൊന്ന് ചിരിച്ചു...

എന്താടി ചിരിക്കൂന്നേ ?

ഒന്നുമില്ല... അവൾ ചിരി നിർത്തി പറഞ്ഞു

മൂന്നും എന്റെ പറ്റി എന്തോ കാര്യമാണ് പറഞ്ഞിരുന്നത് അതാണ് എന്നെ കണ്ടപ്പോൾ എല്ലാരും സംസാരം നിർത്തിയതും ശരണ്യ എന്നെ നോക്കി ചിരിച്ചതും...

പറയെടി.... എന്നെ പറ്റി എന്തോ ആണല്ലോ....

ചേട്ടന് നീന്താൻ അറിയോ ? അതിനു ഇടയ്ക്ക് കയറി സംഗീത ചോദിച്ചു...

അറിയാലോ... ഞാൻ പണ്ടൊക്കെ എപ്പോളും ഇതിലായിരുന്നു കുളിച്ചിരുന്നത്...

ഞാൻ കണ്ടിട്ടുണ്ട്.... മാളു പറഞ്ഞു...

അതെപ്പോൾ ?

ഞാൻ ഇവിടെ വരുമ്പോളൊക്കെ ചേട്ടനും ചേട്ടന്റെ ഫ്രണ്ട്സും കൂടെ ഇതിൽ കിടന്ന് മറിയുന്നതൊക്കെ  ഞാൻ കണ്ടിട്ടുണ്ട്... എന്നിട്ട് ആന്റി വടിയുമായി വരും എന്നാലേ ഇതിൽ നിന്നും ഇവർ കയറു.... അവൾ ചിരിച്ചുകൊണ്ട് പറഞ്ഞു

എന്നിട്ടെന്താ ചേട്ടൻ ഇപ്പൊ കുളത്തിൽ കുളിക്കാത്തെ ? ശരണ്യ ചോദിച്ചു

ഇപ്പോൾ ഫ്രണ്ട്‌സ് ഒന്നും ഇവിടെ ഇല്ലാ.... ഒറ്റക്ക് വന്ന് കുളിക്കാൻ എനിക്ക് വട്ടല്ലേ...

ഞങ്ങളെ വിളിച്ചാൽ പോരെ... ഞങ്ങൾ വരുമല്ലോ.... ശരണ്യ പറഞ്ഞു

അതേ... ഇവൾക്ക് ഈ കുളം കണ്ടപ്പോ മുതൽ നീന്തൽ പഠിക്കണമെന്ന്... സംഗീത ശരണ്യയെ സപ്പോർട് ചെയ്തു

എങ്ങിനെ നീന്തൽ