Chapter Title : പഴയ കഥകള്‍ [Master]

പാമോ?” പുള്ളി ചോദിച്ചു.

“പാം ചേട്ടാ..ഇന്ന് മെനക്കേട് ആയി ഇരിക്കുവാരുന്നു..എവിടാ വീട്?”

“നമ്മട കുട്ടപ്പന്റെ മുറുക്കാന്‍ കടേടെ വശത്തൂടുള്ള എടവഴിയിലൂടെ പോയാല്‍ അങ്ങേ അറ്റത്തെ വീട്..അവിടെ ആളുണ്ട്...”

“പഴേ വീട് എവിടാ?’

“അത് അമ്പലത്തിന്റെ പൊറകില്‍..അവര്‍ ആ പറമ്പും വീടും വേറെ ആര്‍ക്കോ കച്ചോടം ചെയ്തു. വാങ്ങിച്ചവര്‍ വാടകക്ക് കൊടുക്കുന്നില്ല. അതാ അവര് ഇങ്ങോട്ട് മാറിയത്..ഗള്‍ഫ് ടീമാ..നല്ല കാശ് കിട്ടും..”

“ചെട്ടനെവിടാ ഇന്ന് പണി?”

“എനിക്കൊരു മരംവെട്ടുണ്ട്..നേരത്തെ ഏറ്റു പോയതാ..ഇല്ലേല്‍ ഇതിനു ഞാന്‍ തന്നെ പോയേനെ..ഇന്നുതന്നെ അവര്‍ക്ക് സാധനം മാറ്റണം”

“ശരി ഞാനൊടനെ പോകാം”

“വൈകിട്ട് വെള്ളം മേടിച്ചു തരണം..ഗള്‍ഫുകാരാ..കാശ് നല്ലോണം കിട്ടും”

“ഓ ശരി”

ഞാന്‍ ഒരു ഷര്‍ട്ട് എടുത്ത് ഇട്ടിട്ട് തോര്‍ത്തും എടുത്ത് നേരെ തങ്കപ്പന്‍ ചേട്ടന്‍ പറഞ്ഞ വീട്ടിലെത്തി. ആ ഇടവഴിയുടെ ഏറ്റവും അറ്റത്ത് ഉള്ളിലേക്ക് കയറിയാണ് വീട്. ഒരു ഓടിട്ട സാമാന്യം വലിപ്പമുള്ള വീട്. ഞാന്‍ വീട്ടുമുറ്റത്ത് ചെന്നു മുരടനക്കി. ഉള്ളില്‍ ആരോ ഉണ്ടെന്ന് എനിക്ക് മനസിലായി. രണ്ടോമൂന്നോ വയസുള്ള ഒരു പയ്യന്‍ വെളിയിലേക്ക് ഓടിവന്ന് എന്നെ നോക്കിയിട്ട് ഉള്ളിലേക്കോടി. അല്‍പ്പം കഴിഞ്ഞപ്പോള്‍ അവന്റെ പിന്നാലെ തലയില്‍ തട്ടമിട്ട ഒരു യുവതി ഇറങ്ങി വന്നു. ഇരുനിറമുള്ള കാണാന്‍ വലിയ ഗുണമില്ലാത്ത ഒരു പെണ്ണ്.

“ആരാ” രൂപം പോലെ തന്നെ അവളുടെ സ്വരവും പരമ ബോറയിരുന്നു.

ഞാന്‍ കാര്യം പറഞ്ഞപ്പോള്‍ അവള്‍ തലയാട്ടി. പിന്നെ ഇങ്ങനെ പറഞ്ഞു.

“പഴേ വീട്ടില്‍ ഇക്കാന്റെ ഉമ്മയുണ്ട്..വീട് അറിയുമോ?”

“അറിയും”

“എങ്കില്‍ അങ്ങോട്ട്‌ പൊയ്ക്കോളൂ..സാധനങ്ങള്‍ ഉച്ച കഴിഞ്ഞ് എത്തിച്ചാല്‍ മതി..ലേശം വൈകിയാലും കുഴപ്പമില്ല. എനിക്കിവിടെ കുറെ പണികള്‍ ഉണ്ട്” പോകാന്‍ തിരിഞ്ഞ എന്നോട് അവള്‍ വിളിച്ചു പറഞ്ഞു.

“ശരി”

സമയം രാവിലെ ഒമ്പതുമണി ആയിട്ടേയുള്ളൂ. അങ്ങോട്ട്‌ പോകണോ അതോ വീട്ടില്‍ ചെന്ന് ബാക്കി ഉള്ള ചാരായം കുടിച്ച ശേഷം പോയാല്‍ മതിയോ എന്നെനിക്ക് ഒരു ശങ്ക ഉണ്ടായി. കാരണം പണി ഇല്ലെന്നു കരുതി രാവിലെ ഒന്ന് മിനുങ്ങാന്‍ ഉള്ള മൂഡ്‌ വന്നിരുന്നതാണ്. എന്തായാലും പോയി അതെടുക്കാം എന്ന് കരുതി വീട്ടിലേക്ക് തിരിയുമ്പോള്‍ ആണ് വാറ്റുകാരന്‍ എതിരെ ഒരു സൈക്കിളില്‍