Chapter Title : പെണ്ണൊരുത്തി 4 [Devil With a Heart] [Climax]

പുറത്ത് നിന്ന് വാതിൽ തുറക്കാൻ ആവിശ്യപ്പെട്ടിട്ടും ചേച്ചി വാതിൽ തുറന്നില്ല

വീട്ടിലെ കുറെയൊക്കെ ജോലികൾ ഒതുക്കി അന്ന് വൈകിട്ട് ഞങ്ങൾ ടൗണിലേക്ക് പോയി.. ഇവിടുത്തെ ടൗണൊക്കെ ഇപ്പോഴും പഴയ കാലഘട്ടത്തിലാണ്.. ഒരുപാട് മോഡേൺ ഒന്നുമായിട്ടില്ല.. ആവിശ്യത്തിനുള്ള എല്ലാം സാധനങ്ങളും ഇവിടെ നിന്നും കിട്ടും.. എന്നാൽ വലിയ മാളുകളോ പോഷ് റെസ്റ്റോറന്റുകളോ അവിടെ ഉണ്ടായിരുന്നില്ല.. വീട്ടിലേക്കുള്ള പർച്ചേസിങ്ങിനിടയിൽ ഞാൻ മറ്റൊരു സെക്ഷനിലേക്ക് നടന്നു.. കുറച്ചു നേരത്തിനു ശേഷം ആവിശ്യമുള്ളതും വാങ്ങി ചേച്ചിയുടെ അടുത്തേക്ക് വരുമ്പോളാണ് കാണാൻ സ്വല്പം സുമുഖനായ ഒരാൾ ചേച്ചിയോട് സംസാരിച്ചു നിൽക്കുന്നത് ഞാൻ കണ്ടത്.. ഏതാണ്ട് ഒരു ടോവിനോയുടെ ഛായയുള്ളപോലെ എനിക്ക് തോന്നി..

അവരുടെ അടുത്തേക്ക് നടന്നെത്തിയപ്പോൾ.. ചേച്ചിയുടനെ എന്നെ നോക്കി ചിരിച്ചിട്ട്..

“എടാ ഇത് അർജ്ജുൻ” പറഞ്ഞിട്ട് ചേച്ചി എന്റെ കയ്യിൽ ചുട്ടിപ്പിടിച്ചു ചേർത്തു നിർത്തി

ആരാണെന്നറിയാതെ ഞാൻ അയാളുടെ മുഖത്തേക്ക് നോക്കിയപ്പോൾ

“ഇയാളാണോ അശ്വതിയുടെ ബോയ്ഫ്രെണ്ട്?”

“അതെന്ത്രാ മൈരേ എനിക്കതായിക്കൂടെ” എന്നെനിക്ക് പെട്ടെന്ന് മനസ്സില് പറയാൻ തോന്നിയത്, പക്ഷെ ഞാനത് പറഞ്ഞില്ല

“അപ്പൊ ശെരി അർജ്ജുൻ ബൈ” ചേച്ചി അയാളോട് ബൈ പറഞ്ഞിട്ട് എന്റെ കയ്യിൽതൂങ്ങി നടന്നു

“ആരാ ചേച്ചീ അത്?”

“അതറിയില്ലേ?”

“അതാ അറിഞ്ഞൂടാന്ന്.. ആരാ അയാള്?”

“അതർജ്ജുൻ!... അർജ്ജുൻ ദേവ്!!”

“ദേ ചേച്ചീ ഒരുമാതിരി മൻഷനെ ആസ്സാക്കുന്ന വർത്താനം പറയല്ലേ!!”

“ഹയ് ചൂടാവാതെ ചെറുക്കാ.. എനിക്കും അയാളുടെ പേരല്ലാതെ വേറൊന്നുമറീലടാ!!”

“ഏഹ് അപ്പൊ എന്നെ പരിചയപ്പെടുത്തിയതോ?”

“അതയാള് വന്ന് എന്നെയൊന്നു വളയ്ക്കാൻ നോക്കീതാടാ..”

“എന്തോന്നാ!!”

“ഹാ നീയിങ്ങനെ കിടന്ന് തുള്ളാതെ.. വളരെ മാന്യമായിട്ട് വന്നെന്റെ പേര് ചോദിച്ചു കാണാൻ കൊള്ളാമെന്നു