Chapter Title : പൊന്നരഞ്ഞാണമിട്ട അമ്മായിയും മകളും 30 [Wanderlust]

മരിച്ചതിന്റെ വിഷമമൊന്നും അവൾക്കില്ല. തന്റെ ജോലി കാര്യങ്ങളിൽ ഒക്കെ ശ്രദ്ധിച്ച് ആള്  നല്ല ഹാപ്പിയാണ്. ഭർത്താവ് മരിച്ച സ്ത്രീകളെ ചില കഴുകൻ കണ്ണുകൾ നോട്ടമിടുന്നതൊക്കെ അവൾ എന്നോട് പറയും. ലീനയെപ്പോലൊരു സുന്ദരിയെ കൊത്തിപ്പറിക്കാൻ കാത്തിരിക്കുന്നവർ ഒട്ടും കുറവല്ല. പിള്ളേര്  മുതൽ കിളവന്മാർ വരെ നീളും ആ ലിസ്റ്റ്.

അച്ഛൻ ദുബായിൽ ഉള്ള ബിസിനസ് എല്ലാം മതിയാക്കി നാട്ടിലേക്ക് വന്നു. മാമന്റെ സ്ഥാപനങ്ങൾ എല്ലാം വിറ്റ്  നിർമലേട്ടനും നാട്ടിൽ എത്തി. അച്ഛന്റെ നേതൃത്വത്തിൽ നാട്ടിൽ തന്നെ എന്തെങ്കിലും തുടങ്ങാനുള്ള പ്ലാൻ ആണ്. അതിന്റെ ചെറിയ ഓട്ടപ്പാച്ചിലിൽ ആണ്. അമ്മായിയും ഷിൽനയും വീണ്ടും പഴയ ജീവിതത്തിലേക്ക് തിരിച്ചുവന്നു. ഇപ്പോൾ വീടും പഴയപോലെ ചിരിയും കളിയും നിറഞ്ഞതായി. ഒരു ദിവസം ഞങ്ങൾ എല്ലാവരും കൂടി ഷെട്ടി സാറിനെ കാണാൻ  അദ്ദേഹത്തിന്റെ വീടുവരെ പോയി. നല്ല ഗംഭീര സ്വീകരണം തന്നെയായിരുന്നു സാറിന്റെ വീട്ടിൽ. ഇരു വീടുകളും തമ്മിൽ ഇപ്പോൾ നല്ലൊരു ബന്ധം ഉടലെടുത്തിട്ടുണ്ട്. അച്ഛൻ ബിസിനസ് തുടങ്ങുന്ന കാര്യം പറഞ്ഞപ്പോൾ ഷെട്ടി സാർ എല്ലാ സഹായവും വാഗ്ദാനം ചെയ്തിട്ടുണ്ട്. വിരോധമില്ലെങ്കിൽ എന്നോട് വീണ്ടും ജോലിയിൽ പ്രവേശിക്കണം  എന്നുകൂടി പറഞ്ഞിട്ടാണ് ഞങ്ങളെ  യാത്രയാക്കിയത്.

……………..

ഒരു ദിവസം ഷിൽനയെയും കൂട്ടി തുഷാരയുടെ വീടുവരെ പോയി. ലീനയ്ക്കും തുഷാരയുടെ അമ്മയെ കാണണമെന്ന് പറഞ്ഞതുകൊണ്ട് പോകുന്ന വഴി അവളെയും കൂടെ കൂട്ടി. ഷിൽനയും ലീനയും നല്ല കൂട്ടാണ് ഇപ്പോൾ. തുഷാരയുടെ അമ്മയോടും മുത്തശ്ശിയോടും കുറേ  നേരം സംസാരിച്ചിരുന്നു. തുഷാരയുടേത് സാധാരണ മരണം അല്ലെന്നും അതൊരു ആസൂത്രിത കൊലപാതക ശ്രമത്തിന്റെ ഭാഗമായിരുന്നു എന്നും അവരോട് പറയേണ്ടി വന്നു. മുഴുവൻ