പൂമഴ പെയ്ത തീരങ്ങൾ 4

Poomazha Peitha Theerangal Part 4 | Author : Spulber

[ Previous Part ] [ www.kkstories.com ]

✍️… ഇന്നലെ ദേവദാസ് വീട്ടിൽ പോയി വരാൻ പറഞ്ഞപ്പോ തന്നെ സുഷമ ആ വിവരം ബാബുരാജിനെ അറിയിച്ചിരുന്നു.. രാവിലെ ചെലപ്പോ നീയെന്നെ കൊണ്ടാക്കണം എന്നും പറഞ്ഞിരുന്നു.. അന്ന് പിന്നെ അവനെ വിളിക്കാൻ സുഷമക്ക് അവസരമൊന്നും കിട്ടിയില്ല.. രാവിലെയും അവസരം കിട്ടിയില്ല.. അവൾ ബസിൽ കേറിയതിന് ശേഷമാണ് പിന്നെ ബാബുവിനെ വിളിക്കാൻ അവൾക്ക് പറ്റിയത്..

ഒരു കിലോമീറ്റർ അപ്പുറത്തുള്ള ബസ് സ്റ്റോപ്പിൽ ഇറങ്ങാനും, പത്ത് മിനിറ്റിനകം താനെത്താമെന്നുമാണ് ബാബു പറഞ്ഞത്.. അതനുസരിച്ച് അവളുടെ വീട്ടിലേക്ക് പോകുന്ന ബസിൽ നിന്ന് ഒരു കിലോമീറ്റർ അപ്പുറത്ത് സുഷമ ഇറങ്ങി..ഇതൊന്നുമറിയാതെ സുഷമയുടെ മൊബൈൽ പരിശോധിക്കാനായി ദേവദാസ് വീട്ടിലേക്ക് കാറിൽ പറക്കുകയായിരുന്നു..

സുഷമയിറങ്ങി പത്ത് മിനിറ്റിന് മുമ്പ് തന്നെ ബാബു പൾസർ ബൈക്കുമായി സുഷമയുടെ അടുത്ത് വന്ന് നിർത്തി..അവൻ ഹെൽമെറ്റൂരിയപ്പോഴാണ് സുഷമക്ക് ആളെ മനസിലായത്..

“ ഇത്ര പെട്ടെന്നെത്തിയോടാ

ചക്കരേ… ?”..

പ്രേമാർദ്രയായ കാമുകിയുടെ ഭാവചലനങ്ങളോടെ സുഷമ ചോദിച്ചു..

“എന്റെ ചേച്ചി വിളിച്ചാ പറന്നെത്തില്ലേ ഞാൻ…”..

അവനും ഒരു കാമുകനായി..

“എന്നാ പോകാം…?”..

“ഉം… എങ്ങോട്ടാ… ?”..

“എങ്ങോട്ട് വേണേലും വിട്ടോ… ഞാനിവിടെ ഇരിക്കും…”..

ബൈക്കിന്റെ സീറ്റിൽ പിടിച്ച് കൊണ്ട് സുഷമ പറഞ്ഞു..

“അപ്പോ ചേച്ചിയുടെ വീട്ടിലേക്കല്ലേ പോവേണ്ടത്… ?”..

“ഉം… അങ്ങോട്ടും പോണം… അതിന് മുമ്പ് നമുക്ക് വേറെങ്ങോട്ടെങ്കിലും പോവാടാ കുട്ടാ… എനിക്ക് നിന്റൊപ്പം കൊറേ ദൂരം ഈ വണ്ടിയിൽ പോണം…”..

“ അത് വേണോ ചേച്ചീ… ?”..

“പിന്നെ… ?.. വീട്ടീന്ന് ചാടാൻ ഒരവസരം കിട്ടിയതാ… ഇത് ഞാൻ മുതലാക്കും… നീ വണ്ടിയെടുക്ക് മുത്തേ…”..

സുഷമ വണ്ടിയുടെ പിന്നിൽ കയറാൻ ഭാവിച്ചു..

“നിക്ക് ചേച്ചീ… ഈ ഹെൽമെറ്റ് വെക്ക്…"..

ഹാന്റിലിൽ തൂക്കിയിട്ട വേറൊരു ഹെൽമെറ്റെടുത്ത് ബാബു അവൾക്ക് കൊടുത്തു..

“ഈ കുന്തം വെക്കണോ ബാബൂ… ?”..

മുഖം ചുളിച്ച് കൊണ്ട് സുഷമ ചോദിച്ചു..

“ഉം… ഇല്ലേൽ ആരേലും കാണൂലേ ചേച്ചീ… ?”..

“കണ്ടോട്ടെ… അതിനെന്താ…?”..

“ എന്നാ തൽക്കാലം കാണണ്ട… ഇതങ്ങ് വെച്ച് വണ്ടിയിൽ കേറിയാൽ മതി…”..

സുഷമ ഒട്ടും ഇഷ്ടത്തോടെയല്ലാതെ ആ ഹെൽമെറ്റ് വാങ്ങി തലയിൽ വെച്ചു..ആദ്യമായാണവൾ ഹെൽമെറ്റ് വെക്കുന്നത്..അതിന്റെയൊരു ബുദ്ധിമുട്ട് അവൾക്കുണ്ടായിരുന്നു..

“ഇനി കയറിക്കോ ചേച്ചീ… സാരിയുടുത്തത് കൊണ്ട് ഒരു വശത്തേക്ക് ചരിഞ്ഞിരിക്കാനേ പറ്റൂ…”..