Chapter Title : പൂമഴ പെയ്ത തീരങ്ങൾ 4 [സ്പൾബർ]

അവിടെ ഒരുക്കിയിരുന്നു.. മുരടൻ സ്വഭാവമൊക്കെ വിട്ട് നല്ല സൗഹൃദത്തിലാണ് ദേവദാസ് അവരോട് പെരുമാറിയതും..

സുഷമക്കും അതെല്ലാം അൽഭുതമായെങ്കിലും ഭർത്താവിന്റെ ഈ മാറ്റത്തിൽ ലേശം പേടിയും അവൾക്ക് തോന്നി.. രണ്ടാമത് ഇരുപതിനായിരം രൂപ അക്കൗണ്ടിൽ നിന്ന് നഷ്ടപ്പെട്ടത് ഇത് വരെ തന്നോട് ചോദിക്കാത്തത് അവളെ ഞെട്ടിച്ചിരുന്നു.. ഒരു രൂപക്ക് പോലും കണക്ക് പറയുന്ന ഭർത്താവിന്റെ മൗനം വരാനിരിക്കുന്ന കൊടുങ്കാറ്റിന് മുമ്പുള്ള ശാന്തതയാണോന്ന് അവളൊന്ന് സംശയിച്ചു..

ദേവദാസിന്റെ പെരുമാറ്റത്തിൽ അടിമുടി ഒരു ദുരൂഹത സുഷമക്ക് തോന്നി..തന്നോടും തന്റെ വീട്ട്കാരോടും ഇത്ര സ്നേഹത്തോടെ പെരുമാറുന്നത് എന്തോ കാര്യസാധ്യത്തിനാണെന്ന് തോന്നും പോലെയാണ്..

“സന്തോഷമായോടീ നിനക്ക്… ?”..

ദേവദാസ് ചിരിയോടെ സുഷമയോട് ചോദിച്ചു… അയാൾ പതിയെയാണ് വണ്ടിയോടിക്കുന്നത്.

എന്തിനാണാ ചോദ്യം എന്നറിയാതെ സുഷമ തലയാട്ടി..

“നിനക്കിനി വേറെ എവിടേക്കെങ്കിലും പോണോ… ?. വല്ല സിനിമക്കോ മറ്റോ…?”..

സുഷമ വിശ്വാസം വരാതെ ഭർത്താവിനെ നോക്കി.. വർഷങ്ങൾ നീണ്ട ദാമ്പത്യത്തിൽ ഒരിക്കലും കേട്ടിട്ടില്ലാത്ത ചോദ്യമാണിത്..

“വേണ്ട… നമുക്ക് വീട്ടിലേക്ക് പോയാ മതി… “..

എന്തോ ഒരു കെണി തനിക്കായി ഒരുങ്ങിയിരിപ്പുണ്ടെന്ന് സുഷമക്ക് ഉറപ്പായി..അതെന്താണെന്ന് ഒരൂഹവും കിട്ടിയതുമില്ല..ആ ഇരുപതിനായിരത്തിനെ പറ്റി തന്നോട് ചോദിക്കാത്തത് തന്നെ വലിയൊരു കെണിയാണ്..പക്ഷേ ചോദിച്ചിട്ടും പ്രത്യേകിച്ച് കാര്യമൊന്നുമില്ല.. തെളിവില്ലല്ലോ..താൻ വീട്ടിൽ നിന്ന് പുറത്തിറങ്ങിയിട്ടുമില്ല..ആ എ ടി എം കാർഡ് തന്റെ അലമാരയിൽ ഭദ്രമായി ഇരിപ്പുണ്ട്.. ചോദിച്ചാലും താൻ നിഷേധിക്കും.. ഒരിടത്തും ഇങ്ങേരത് പരാതിപ്പെടുകയുമില്ല..

“പിന്നെ സുഷമേ… ചെറിയൊരു പ്രശ്നമുണ്ടായി… നമ്മുടെ മറ്റേ അക്കൗണ്ടില്ലേ… അതീന്ന് പിന്നെയും കുറച്ച് പൈസ നഷ്ടപ്പെട്ടു…”..

ഡ്രൈവ് ചെയ്യുന്നതിനിടയിൽ സുഷമയുടെ മുഖത്തേക്ക് ശ്രദ്ധിച്ച് നോക്കി ദേവദാസ് പറഞ്ഞു..

“അയ്യോ, പിന്നെയും പൈസ പോയോ ഏട്ടാ… ?..എത്രയാ പോയത്… ?”..

പൈസ നഷ്ടപ്പെട്ട ആധിയോടെ സുഷമ ചോദിച്ചു… അവളുടെ ഭാവം കണ്ട് ദേവദാസ് ഉള്ളിൽ ചിരിച്ചു..

“ഉം… ഇപ്പോ ഒരാഴ്ചയായി… ഇരുപതിനായിരം തന്നെയാ ഇത്തവണയും പോയത്… നിനക്ക് വിഷമമാകണ്ടല്ലോന്ന് കരുതി പറയാതിരുന്നതാ… “..

“ഇതങ്ങിനെ വിട്ടാ പറ്റില്ല ഏട്ടാ… നമുക്ക് പോലീസിൽ പരാതി കൊടുക്കാം…”..

അത് കേട്ട് ദേവദാസിന് ഉറക്കെ ചിരിക്കാൻ തോന്നി..ആ അക്കൗണ്ടിൽ നിന്ന് പണം നഷ്ടപ്പെട്ടാൽ താൻ പരാതി കൊടുക്കില്ലെന്ന്