പൂര്‍ണേന്ദു

Poornendhu | Author : Daada

അമ്പല മുറ്റത്തു കൂടി നടക്കവേ '' ഇന്ദുവേ.., ഒന്നു നിക്കെടീ ''
എന്നുള്ള വിളി കേട്ട് പൂര്‍ണേന്ദു തിരിഞ്ഞു നോക്കിയതും.,

വേഗത്തില്‍ നടന്നു വരുന്ന അശ്വതിയെ കണ്ടു.
'' അയ്യോടീ., നിന്‍റെ കാര്യം ഞാന്‍ മറന്നു പോയി..!! ''
പൂര്‍ണേന്ദു ക്ഷമാപണത്തോടെ പറഞ്ഞതും.,
'' വേറെ പലതും ചിന്തിച്ച് നടക്കുന്നുണ്ടാവും..?! ''
അശ്വതി വീര്‍പ്പിച്ച മുഖവുമായി പറഞ്ഞു.
അതുകേട്ടൊരു ഞെട്ടല്‍ മുഖത്തുണ്ടായെങ്കിലും പെട്ടന്നാ ഭാവം മാറ്റിയിട്ട് അശ്വതിയെ നോക്കി പുഞ്ചിരി തൂകി പൂര്‍ണേന്ദു.
'' അതേയ്., ഇന്ന് നീ വരുമല്ലോ അല്ലേ..?! അതോ അതും ഇതേ പോലെ എന്തേലും ചിന്തിച്ച് നടന്ന് മറന്നു പോകോ..?! ''
ക്ഷേത്ര കോംപൗണ്ടില്‍ പാര്‍ക്ക് ചെയ്തിരുന്ന ഇലക്ട്രിക് സ്കൂട്ടറിന്‍റെ സീറ്റു തുറന്ന് കൈയ്യിലിരുന്ന ഇല ചീന്തിലെ പ്രസാദം വച്ചു കൊണ്ട് ചോദിക്കവേ പൂര്‍ണേന്ദു അശ്വതിയുടെ തോളത്ത് പതിയെ തല്ലി.
'' ചുമ്മാതങ്ങനെ പറഞ്ഞുണ്ടാക്കല്ലേ..?! ഞാന്‍ മറക്കാതെ വന്നോളാം..?! ''
'' വന്നാ നിനക്ക് കൊള്ളാം., ഇല്ലേല്‍ അവനെന്നെ വച്ചേക്കില്ല...!! അതേ പോലെ നിന്നേം...?! ''
അശ്വതി ഈണത്തില്‍ പറഞ്ഞു കൊണ്ട് ഹെല്‍മറ്റ് വച്ചിട്ട് സാരിത്തുമ്പ് കറക്കി അരയില്‍ തിരുകിയിട്ട് സ്കൂട്ടറില്‍ കയറി ഇരുന്നു.
'' വന്നോളാടീ.., നീ പൊക്കോ..?! ''
ചിരിയോടെ പൂര്‍ണേന്ദു പറഞ്ഞതും., അശ്വതി സ്കൂട്ടര്‍ വളച്ച് ഓടിച്ചു പോയി.
ആ പോക്ക് നോക്കി നില്‍ക്കവേ പൂര്‍ണേന്ദുവിന്‍റെ ചിന്തകളില്‍ പലതും തെളിഞ്ഞു വന്നു തുടങ്ങി.

കോളേജില്‍ പഠിക്കുന്ന കാലം മുതല്‍ കൂട്ടായതാണ് അശ്വതിയോടൊപ്പം.
പഠിത്തം കഴിഞ്ഞ് പിന്നെ കുറേ വര്‍ഷങ്ങള്‍ക്ക് ശേഷം ഫെയ്സ്ബുക്ക് വഴി വീണ്ടും സൗഹൃദം പുതുക്കിയെടുത്തു.
അവളുടെ ശുപാര്‍ശയില്‍ ഇവിടെയുള്ളൊരു യു.പി സ്കൂളില്‍ ജോലിയും കിട്ടി.
അശ്വതി താമസിക്കുന്നതിനു ഒരു കിലോമീറ്റര്‍ അകലെ താമസവും ശരിപ്പെടുത്തി തന്നു.
സ്വന്തമായി ആരുമില്ലാത്ത തനിക്ക് ഇപ്പോള്‍ സ്വന്തമെന്ന് പറയാന്‍ ഇവളേ ഉള്ളൂ.
ആ ആളുടെ മകന്‍റെ പിറന്നാളാണിന്ന്.
ആദിത്യന്‍റെ.., ഞങ്ങളുടെയെല്ലാം ആദി കുട്ടന്‍റെ..!!

സ്കൂളെത്തും വരെ ചിന്തകളില്‍ മുഴുകി നടന്ന പൂര്‍ണേന്ദു., പിള്ളേരുടെ ബഹളങ്ങളൊക്കെ കേട്ടതും പതിയെ ചിന്തകളെല്ലാം വിട്ടിട്ട് സ്റ്റാഫ്റൂമിലേക്ക് നടന്നു.

'' ആഹാ.., സുന്ദരിയായിട്ടുണ്ടല്ലോ ടീച്ചര്‍..?! ''

യാമിനി ടീച്ചറുടെ പുകഴ്ത്തലിനൊരു ചിരി കൊടുത്ത പൂര്‍ണേന്ദു തിരിഞ്ഞു നോക്കിയപ്പോള്‍ കണ്ടത് സാരിയുടെ ഇടയിലൂടെ കാണാമായിരുന്ന തന്‍റെ വയറും പൊക്കിള്‍ചുഴിയും ആര്‍ത്തിയോടെ നോക്കുന്ന ജോസ് സാറിനെയാണ്.
പെട്ടെന്ന് സാരി നേരെ പിടിച്ചിട്ട് രൂക്ഷമായി ജോസിനെ നോക്കിയ പൂര്‍ണേന്ദു അവിടെ നിന്നും ഓഫീസ് റൂമിലേക്ക് നടന്നു.
പെട്ടെന്ന് കൈയ്യിലിരുന്ന ഫോണില്‍ മെസേജ് നോട്ടിഫിക്കേഷന്‍റെ ശബ്ദം കേട്ടതും.,
അതിലേക്ക് നോക്കിയ പൂര്‍ണേന്ദുവിന്‍റെ ഭാവം പെട്ടെന്ന് മാറി തുടങ്ങി.
ദേഷ്യത്താല്‍ വലിഞ്ഞു മുറുകിയ ഭാവം പതിയെ നാണവും ശൃംഗാരവും കൂടി കലര്‍ന്ന ഭാവമായി.

'' ഹായ്., ഞാനിപ്പോഴാ മെസേജ് കണ്ടത്..? റിപ്ലേ ലേറ്റാക്കിയതിന് സോറീ..?! ''

കൃഷ്ണ എന്ന ഐഡിയില്‍ നിന്നുള്ള ആ മെസേജ് കണ്ടതും.,
പൂര്‍ണേന്ദു എന്ന നാല്‍പ്പതുകാരി ഒരു പതിനെട്ടുകാരിയെ പോലെ.,
ഫോണിലേക്കും അതേ പോലെ ചുറ്റിനും ആരെങ്കിലും കാണുന്നുണ്ടോ എന്നും