Chapter Title : പ്രാണനാഥൻ നൽകിയ പരമാനന്ത സുഖങ്ങൾ 4 [Teller of tale]

എല്ലാവരോടും പെട്ടന്ന് കമ്പനി ആയി. പ്രത്യേകിച്ച് ജിത്തിനോട്. ലഞ്ച് കഴിക്കാനും, ഇടക്കൊന്നു വെളിയിൽ പോയി ചായ കുടിക്കാനുമെല്ലാം അവൻ ജിത്തിനെ ഒപ്പം കൂട്ടി. ശരിക്കും അവൻ വന്നതിനു ശേഷമാണ് ജിത്ത് ഓഫീസിൽ മറ്റുള്ളവരുമായി കുറച്ചുകൂടി ഫ്രീ ആകാൻ തുടങ്ങിയത്. മലയാളം ശരിക്കറിയില്ല എങ്കിലും മലയാളി ആണെന്നറിഞ്ഞാൽ ദീപു പിന്നെ ആരോടും മലയാളത്തിലെ സംസാരിക്കു.

പൊട്ടത്തരം എഴുന്നള്ളിക്കുന്നതിന് ഒരു പരിധിയും ഉണ്ടായിരുന്നില്ല. എന്നാലും ഒരു മടിയും, നാണവുമില്ലാതെ എന്തും വിളിച്ചു പറയും. ജിത്തിന് ശരിക്കും ടൈംപാസ്സ് ആയി അവന്റെ വരവ്. വഴിയേ സാറയുടെ കാര്യം ജിത്ത് ദീപുവിനോട് പറഞ്ഞു. പറഞ്ഞു എന്നല്ല പറയേണ്ടി വന്നു. കാരണം പലപ്പോളായി വരുന്ന അവളുടെ കോളുകളും, അവളുടെ കോൾ വരുമ്പോൾ ഉള്ള അവന്റെ മുഖത്തെ മാറ്റങ്ങളും കൊണ്ട് ദീപു പലപ്പോളായി അവനോട് ആരാണെന്നു ചോദിച്ചിരുന്നു.

അവനോട് പറയാതെ പറ്റില്ല എന്ന സാഹചര്യത്തിൽ ജിത്ത് അവനോട് എല്ലാം തുറന്ന് പറഞ്ഞു. അടുത്തുണ്ടായിട്ടും പരസ്പരം ഒന്ന് മതിവരുവോളം കാണാൻ പറ്റാതെ, തന്നിലുള്ള സ്നേഹം എത്രയെന്ന് അവളുടെ ഒപ്പം നിന്ന് പകർന്നു കൊടുക്കാൻ പറ്റാതെ ഓരോ ദിവസവും കഴിച്ചുകൂട്ടുന്നതിന്റെ വേദന ജിത്ത് അവനെ അറിയിച്ചു.

"എടാ... അവളെ തട്ടിട്ട് നീ ഓടെടാ.." എല്ലാം കേട്ട് കഴിഞ്ഞപ്പോൾ അതായിരുന്നു ദീപുവിന്റെ മറുപടി.

"അവളെ തട്ടിയിട്ട് ഞാൻ എങ്ങോട്ട് ഓടാൻ ദീപൂ?..." അത് കേട്ട് ജിത്ത് അമ്പരന്ന് അവനെ നോക്കി.

"എടാ..അവളെ കൊണ്ട് ഓടി കല്യാണം കഴിക്കാൻ ". ദൈവമേ, അവളെയുംകൊണ്ട് ഒളിച്ചോടാനാണ് ഈ മരപൊട്ടൻ പറയുന്നത്. ജിത്ത് തലയിൽ കൈ വച്ചു പോയി.

"അതൊന്നും അത്ര ഈസി അല്ല