Chapter Title : പ്രൈവറ്റ് ബാങ്ക് [Sreelakshmi]

അവിടെ ഒരു വെളുത്തു തുടിത്ത ഒരുത്തി ഇരിക്കുന്നുണ്ടായിരുന്നു. കണ്ടപ്പോ തന്നെ എനിക്ക് ആളെ പിടികിട്ടി, നമ്മുടെ പടത്തിലെ ഒരു നായിക ഇതാ എന്‍റെ മുന്നിൽ ഇരിക്കുന്നു. ഞാൻ അവരോടു കാര്യങ്ങൾ പറഞ്ഞു. പക്ഷെ കുട്ടിക്ക് മലയാളം അത്ര നന്നായിട്ട് അറിയില്ല. നല്ലതുപോലെ അറിയാവുന്ന മലയാളത്തിൽ അവർ പറഞ്ഞു, ഇതിന്‍റെ ഒക്കെ കാര്യങ്ങൾ താഴെ ഉള്ള സഫ ആണ് കൈകാര്യം ചെയ്യുന്നത്, അവൾ ഇല്ലെങ്കിൽ ഒരു സൗമ്യ ഉണ്ട്. അവിടെ പോയി പറയാൻ പറഞ്ഞ ആ ഹിന്ദിക്കാരി മുഖം തരാതെ എന്തോ വര്‍ക്കിൽ മുഴുകി.

സംസാരിച്ചിട്ട് ഇനി കാര്യമില്ല എന്ന് തോന്നിയതുകൊണ്ടുതന്നെ ഞാൻ വീണ്ടും താഴേക്ക് പോകാൻ ഒരുങ്ങി. താഴെ ചെന്നപ്പോൾ അവിടെ ഉണ്ടായിരുന്ന ഒരു ക്യാബിനിൽ കയറി സഫ ആരെന്നു ചോദിച്ചു. പെട്ടെന്നുള്ള ആ ചോദ്യം കേട്ട ആ യുവതി ആദ്യം ഒരൽപം നീരസം കാണിച്ചെങ്കിലും ചിരിച്ചുകൊണ്ട് വർത്താനം പറയാൻ ആരംഭിച്ചു.

അത് തന്നെ ആയിരുന്നു സഫ. ഞാൻ രാവിലെ മുതൽ വന്നു നിൽക്കുന്ന കാര്യവും ബാങ്ക് കാരണം എനിക്ക് ഉണ്ടായ എട്ടിന്‍റെ പണിയും നല്ല രീതിയിൽ തന്നെ പറഞ്ഞു. എല്ലാം കേട്ടിട്ട് നല്ല ചിരിയോടുകൂടെ തന്നെ സഫ എന്നോട് പാൻകാർഡ് ആവശ്യപ്പെട്ടു. എന്‍റെ പാൻ നമ്പർ കണ്ടിട്ട് ഒരു കമന്ൻ്റും അവൾ പറഞ്ഞു, ഓർത്തു ഇരിക്കാൻ എളുപ്പമുള്ളതാണല്ലോ എന്ന്. എന്‍റെ ഒരു ദേഷ്യവും നിരാശയും ഒക്കെ അത് കേട്ടപ്പോൾ കുറഞ്ഞു,

ഞാൻ അതെ എനിക്ക് അത് കാണാതെ അറിയാം എന്ന് മറുപടി കൊടുത്തു. ഞാൻ എവിടെയാണ് പഠിച്ചത്, ഇപ്പോൾ എന്ത് ചെയ്യുന്നു, എവിടെയാണ് താമസം എന്നൊക്കെ