Chapter Title : പ്രകാശം പരത്തുന്നവള്‍ 2 ജെസ്സി [മന്ദന്‍രാജ]

നിക്ക് ... ഞാന്‍ വാതില്‍ തുറക്കാം ..."

അമ്മാമ പുറകിലേക്ക് പോയി അകത്തു കയറി വാതില്‍ തുറന്നു ...

പഴയ തറവാട്ട്‌ വീട് ആണെങ്കിലും അക്കാലത് റെയര്‍ ആയ ഫര്‍ണിച്ചര്‍ ആണ് കൂടുതലും ... നന്നായി അടുക്കി വെച്ചിരിക്കുന്നു

" കുടിക്കാന്‍ എടുക്കാടാ" അമ്മാമ അകത്തേക്ക് പോയി കുറച്ചു കഴിഞ്ഞപ്പോള്‍ ചായയുമായി വന്നു ...നല്ല അസല്‍ എലക്കയിട്ട പാല്‍ ചായ

" ഡാ മോനെ ...നീയിത്രേം പഠിച്ച സ്ഥിതിക്ക് ഇവിടെ നിന്നിട്ടോന്നും ഒരു കാര്യോമില്ല ...വേണേല്‍ ഞങ്ങടെ എസ്റെറ്റില്‍ കണക്കെഴുതാനും മറ്റും തത്കാലം നിക്കാം ...അത് കൊണ്ട് ഒരു പുരോഗതീം ഇല്ല ... അവസാനം വരെ ഇവിടെ നിക്കാന്നെ ഉള്ളൂ ... ... '

ആന്‍റി പറഞ്ഞത് ശെരിയാണ് ... അനിയത്തിയുടെ കല്യാണം വരെ ഇവടെ വേണമെങ്കില്‍ നില്‍ക്കാം ... പക്ഷെ അത് കൊണ്ടൊരു മേല്‍ഗതി ഉണ്ടാവില്ല ...

കുറച്ചു നേരം കൂടി വര്‍ത്തമാനം പറഞ്ഞിട്ട് ഞാനെഴുന്നേറ്റു ...

" അമ്മാമേ ..എന്നാല്‍ ഞാനിറങ്ങട്ടെ ..."

" ആ ...അതെന്നാ പോക്കാടാ കൊച്ചെ ... അച്ചായന്‍ വന്നിട്ട് കണ്ടിട്ട് നാളെ പോയാ മതി ... " വേണ്ടായെന്നു പറഞ്ഞെങ്കിലും അമ്മാമയുടെ നിര്‍ബന്ധം മൂലം അവിടെ തങ്ങേണ്ടി വന്നു ... ഉച്ചക്ക് ഊണും കഴിഞ്ഞൊന്ന് മയങ്ങി ...

നാല് മണി കഴിഞ്ഞാണ് എഴുന്നേറ്റത്... ഹാളിലൊന്നും അമ്മാമയെ കണ്ടില്ല .. വിളിച്ചു നോക്കിയിട്ടും കാണുന്നില്ല ..ഞാന്‍ മുറ്റത്തേക്കിറങ്ങി ...അല്‍പനേരം ജാതിതോട്ടത്തിലും ഒക്കെ കറങ്ങി.... അപ്പോഴാണ്‌ മജീദ്‌ വൈകിട്ടത്തെ കാര്യം പറഞ്ഞത് ഓര്‍മ വന്നത് ... ഞാനാ പുകപ്പുരയിലെക്ക് വെച്ച് പിടിച്ചു