Chapter Title : പ്രകമ്പനം 🐍ഗന്ധർവ ക്ഷേത്രം🐍 [ഗില്ലി ബാല]

കണ്ടപ്പോൾ വേദിക ശരിക്കും ഭയന്നു. തന്റെ ഉള്ളിലെ വികാരം ഇപ്പോൾ മറച്ചു വെക്കാൻ അവൾക്ക് കഴിഞ്ഞില്ല. അവൾ മെല്ലെ തലയാട്ടി. "ഉണ്ട്..."

ശശി ആകെ തകർന്നുപോയതുപോലെ അഭിനയിച്ചു. അവൻ പതിയെ അവളുടെ കഴുത്തിന് പിന്നിൽ കൈ വെച്ചു. ആ തണുത്ത സ്പർശനം അവളുടെ ശരീരത്തിലൂടെ ഒരു മിന്നൽ പിണർ പോലെ പാഞ്ഞുപോയി. അവൾ ആകെ ഒന്ന് വിറച്ചു. ശശി പെട്ടെന്ന് കൈ എടുത്ത് സ്വന്തം തലയ്ക്ക് വെച്ചു.

ശശി: "അയ്യോ... എല്ലാം പോയല്ലോ എന്റെ ഭഗവതിയെ… ! എടി... ആകെ പണി കിട്ടിയല്ലോ!"

അവൻ വെപ്രാളത്തോടെ കൽമണ്ഡപത്തിന്റെ തറയിൽ പോയി ഇരുന്നു. തലയിൽ കൈ വെച്ച് അവൻ എന്തോ വലിയ ദുരന്തം നേരിട്ടതുപോലെ ഇരിക്കുന്നത് കണ്ട് വേദികയ്ക്ക് ടെൻഷനായി. അവൾ ഓടിച്ചെന്ന് അവന്റെ അടുത്തായി ഇരുന്നു.

വേദിക: "എടാ... നീ എന്നെ ടെൻഷൻ അടിപ്പിക്കാതെ. എന്താ കാര്യമെന്ന് വെച്ചാൽ വ്യക്തമായി പറ…."

ശശി ദീർഘശ്വാസം വിട്ടു. "എടി... ഗന്ധർവ്വൻ നിന്നെ ട്യൂൺ ചെയ്യുന്നതിന്റെ ലക്ഷണമാണിത്!"

വേദിക: "ട്യൂണോ….?

എന്താടാ നീ ഈ പറയുന്നത്? എനിക്ക് മനസ്സിലാകുന്നില്ല."

ശശി (മുകളിലേക്ക് നോക്കി): "ഇവളെ എങ്ങനെ പറഞ്ഞു മനസ്സിലാക്കും എന്റെ ഗന്ധർവ്വാ! എടി പൊട്ടി... ഗന്ധർവ്വൻ നിന്നെ നോട്ടമിട്ടു കഴിഞ്ഞു. ഈ അമ്പലത്തിന്റെ ശാപം അതാണ്. ഇവിടുത്തെ ഈ കൽമണ്ഡപത്തിൽ എത്തുന്ന സുന്ദരികളെ ഗന്ധർവ്വൻ തന്റെ വശ്യശക്തി കൊണ്ട് കീഴ്പ്പെടുത്തും."

വേദികയുടെ ശ്വാസം നിലച്ചുപോയി. അവൾ വിറയലോടെ ചോദിച്ചു

. "നീയെന്താ ഈ പറയുന്നേ? അപ്പോൾ എനിക്ക് തോന്നുന്ന ഈ വികാരങ്ങളൊക്കെ..."

ശശി: "അതേ! ഗന്ധർവ്വൻ നിന്നെ നോട്ടമിട്ടതിന്റെ ലക്ഷണമാണിത്.