Chapter Title : പ്രണയവുംപൂക്കളും വർണശലഭങ്ങളും 1 [സ്പൾബർ]

മാറിയിട്ടില്ലെന്ന് അവൾക്ക് തോന്നി..

പക്ഷേ ഇനി കുടിക്കാനുള്ള വെള്ളമില്ല.. അവനാണെങ്കിൽ നാവ് നീട്ടുന്നുമുണ്ട്.. സാരമില്ല.. ഈ തോട്ടിലെ വെള്ളവും നല്ലതാണ്.. താനെത്രയോ തവണ കുടിച്ചിട്ടുണ്ട്..അവൾ ബക്കറ്റിൽ നിന്ന് വെളളം കോരി അവന്റെ വായിലേക്കൊഴിച്ച് കൊടുത്തു..

അവളെ അൽഭുതപ്പെടുത്തിക്കൊണ്ട് അവൾ ഒഴിച്ച് കൊടുക്കുന്ന വെള്ളം മുഴുവൻ അവൻ കുടിച്ചു..കണ്ണുകൾ പലവട്ടം പിടപ്പിച്ച് പതിയെ അവൻ കണ്ണ് തുറന്നു..പേടിയോടെ ചുറ്റും നോക്കിയ അവൻ മുന്നിലിരിക്കുന്ന കാർത്തികയുടെ മുഖത്തേക്ക് തുറിച്ച് നോക്കി..

പെട്ടെന്നവൻ ചാടിയെണീറ്റു.. പക്ഷേ സഹിക്കാനാവാത്ത വേദനയാൽ അവൻ അലറിക്കരഞ്ഞ് കൊണ്ട് മെത്തയിലേക്ക് തന്നെ വീണു.. അവൻ മുട്ടിന് താഴെ കാലിൽ അമർത്തിപ്പിടിച്ച് ഉറക്കെ കരഞ്ഞു..

അവന്റെ കാലിന് സാരമായ പരിക്ക് പറ്റിയിട്ടുണ്ടെന്ന് കാർത്തികക്ക് മനസിലായി..

“നി… നിങ്ങളാരാ… എന്താ നിങ്ങൾക്ക് പറ്റിയത്… ?”..

വിറയലോടെ കാർത്തിക ചോദിച്ചു..പക്ഷേ വേദന സഹിക്കവയ്യാതെ വീണ്ടും അവന്റെ ബോധം പോയി.. കാർത്തിക അവന്റെ കാലിലൊന്ന് പരിശോധിച്ചു.. കുറേ മുറിവുകൾക്കിടയിൽ ചെറിയൊരു കുഴി അവൾ കണ്ടു..

സൂക്ഷിച്ച് നോക്കിയ കാർത്തിക ഞെട്ടിപ്പോയി..അതൊരു വെടിയുണ്ട കയറിയതാണെന്ന് പേടിയോടെ അവളറിഞ്ഞു.. ഈശ്വരാ..ഇതാരാണ്..?. കാട്ടിൽ നിന്ന് വെടിയേറ്റ് ഇറങ്ങിവന്ന ഇവൻ ഒരു ക്രിമിനലാണോ..?.ഇപ്പോ കാർത്തികക്ക് ശരിക്കും പേടി തോന്നി..എന്നാലും അവളാകെയൊന്ന് പരിശോധിച്ച് നോക്കി..വേറെ വെടിയുണ്ടകളൊന്നും അവന്റെ ദേഹത്ത് കണ്ടില്ല..

ആ തുളഞ്ഞ് കയറിയ വെടിയുണ്ട പുറത്തെടുക്കാതെ ഇവനൊരടി നടക്കാനാവില്ലെന്ന് അവൾക്ക് മനസിലായി.. വെടിയുണ്ട പുറത്തെടുക്കണമെങ്കിൽ ഹോസ്പിറ്റലിൽ പോണം.. ഇല്ലത്തിന്റെ മുറ്റത്ത് വരെയേ വണ്ടി വരൂ.. അവിടെ വരെ ഇവനെ എടുത്തോണ്ട് പോകേണ്ടിവരും.

അത്രയും ദൂരം ഇവനെ താങ്ങി നടക്കാൻ തനിക്കാവില്ല..ചുരുങ്ങിയത് നാല് പേരെങ്കിലും വേണ്ടി വരും..എന്ത് ചെയ്യും..?.

പിന്നെയും