Chapter Title : പ്രണയവുംപൂക്കളും വർണശലഭങ്ങളും 1 [സ്പൾബർ]

ഒഴുകുന്ന ആ തോടും അവളുടെ കൂട്ടുകാരാണ്.. ചെടികളും പൂക്കളും ആ വനത്തിലെ വന്മരങ്ങളുമായും അവൾ കൂട്ടാണ്..

പൂ മണം വീശി വരുന്ന കാറ്റിനോട് പോലും കാർത്തിക സംസാരിക്കും.. ചില ദിവസം ഇല്ലത്തൂന്ന് വരുമ്പോ എന്തേലും കഴിക്കാനെടുത്ത് വൈകുന്നേരം വരെ കാർത്തിക ആ തോട്ടിൻ കരയിലിരിക്കും..

ഇരുൾ മൂടിയ വിജനമായ ആ സുന്ദര പ്രകൃതിയിലിരിക്കുമ്പോൾ വല്ലാത്തൊരാശ്വാസമാണ് കാർത്തികക്ക്..

അവൾക്കിളയത് മൂന്ന് അനിയത്തിമാരാണ്.. മൂന്നും നല്ല സുന്ദരിമാരായ തമ്പുരാട്ടിക്കുട്ടികൾ.. അവർക്കനുയോജ്യരായ ഭർത്താക്കന്മാരെയും കിട്ടിയിട്ടുണ്ട്..എന്നാൽ ആ മൂന്ന് അനിയത്തിമാരെയും ചേർത്ത് വെച്ചാൽ പോലും കാർത്തിയുടെ സൗന്ദര്യത്തിനടുത്തെത്തില്ല..

അഭൗമ സൗന്ദര്യമുള്ള ഒരു മാദകത്തിടമ്പാണ് കാർത്തികത്തമ്പുരാട്ടി.. അവളുടെ സൗന്ദര്യത്തിൽ മയങ്ങിപ്പോയ പലരും കല്യാണാലോചനയുമായി വന്നെങ്കിലും അതെല്ലാം ചൊവ്വാദോഷത്തിൽ തട്ടി മുടങ്ങിപ്പോയി.. അതിലൊന്നും വിശ്വാസമില്ലാത്ത ചില പുരോഗമന ചിന്താഗതിക്കാർ വന്നെങ്കിലും അതും പല കാരണങ്ങളാൽ നടന്നില്ല..

അതൊക്കെ കാർത്തികക്ക് മുപ്പത് വയസ് വരെ ഉള്ള കാര്യങ്ങളാണ്.. ഇപ്പോ അവൾക്ക് ആലോചനയൊന്നും വരാറില്ല..അങ്ങിനെ ഒരാൾ ഇല്ലത്തുണ്ടെന്ന് ഇപ്പോ പലർക്കുമറിയില്ല..എന്നാലും ഓരോ വയസ് കൂടുന്തോറും അവളുടെ സൗന്ദര്യവും കൂടുകയായിരുന്നു..ഇന്നൊരു സൗന്ദര്യധാമമാണ് കാർത്തികത്തമ്പുരാട്ടി..പക്ഷേ, അവൾക്കറിയില്ല അവളുടെ സൗന്ദര്യം..

കിളികളും മീനുകളും പൂക്കളും തന്നെ കൊതിയോടെ നോക്കുന്നത് തന്റെ സൗന്ദര്യം കണ്ടിട്ടാണെന്നും അവൾക്കറിയില്ല.. മുപ്പത് വയസ് വരെ പല വസ്ത്രങ്ങളും ധരിച്ചിരുന്നെങ്കിലും ഇപ്പോ സാരി മാത്രേ അവളുടുക്കൂ..

വാല്യക്കാരികൾ അലക്കി മടക്കി വെക്കുന്ന ഏതേലും ഒരു സാരിയെടുത്തുടുക്കും.. സാരി ഉടുക്കുകാന്ന് പറയാൻ പറ്റില്ല.. അങ്ങ് വാരിച്ചുറ്റും..അതിന്റെ ഞൊറിവുകളിടാനോ മുന്താണി ശരിയാക്കാനോ അവൾ മെനക്കെടാറില്ല..

നീളൻ മുടിയൊന്ന് ചീകി വാരിക്കെട്ടും.. ഒരു പൗഡർ പോലും മുഖത്തിടില്ല..എന്നാലും ജ്വലിക്കുന്ന സൗന്ദര്യമായിരുന്നു കാർത്തികത്തമ്പുരാട്ടിക്ക്..

✍️✍️✍️… കുടിക്കാൻ