Chapter Title : ?പ്രീതിഹാര? 2 [അവസാന പാദം] [കൊമ്പൻ]

പ്രീതിയെന്റെ കൈകളെ ഇറുക്കി ഇറുക്കി പിടിച്ചു. ഒപ്പം തലയുയർത്തി എന്നെയൊന്നു നോക്കികൊണ്ടിരുന്നു.

“എന്താ…”

“ഉഹും…എന്തോ പോലെ.”

“ഹലോ…നീ കോളേജ് പഠിക്കുമ്പോ എന്താ പറഞ്ഞെ?”

“എന്ത്…” പ്രീതി നാണിച്ചുകൊണ്ട് മാധുരിയോട് മറുപടി പറഞ്ഞു.

“പ്രണയമെന്നാൽ നിഷ്‍കളങ്കമാണ്, പ്രണയിക്കുമ്പോ ഒരിക്കലും സ്വാർഥത പാടില്ല! മോഹിക്കുന്നയാളെ മനസുകൊണ്ട് കൊഞ്ചിക്കാം…പക്ഷെ സ്വന്തമാക്കണമെന്ന ആഗ്രഹം പാടില്ല!! എന്നൊക്കെ പറഞ്ഞിട്ട്…”
മാധുരി പ്രീതിയുടെ പേടിപ്പിക്കാൻ കണ്ണുരുട്ടി.

“അതുമാത്രമോ ? ഇതൊക്കെ കൊണ്ട് തന്നെ എനിക്ക് ഈ ലോകത്തു ആരോടും പ്രണയം ഉണ്ടാകില്ല!! എന്നും പറഞ്ഞിട്ടില്ലേ? മാധുരീ…. ഇവൾ എന്തൊക്കെയാണ്….അന്ന് ഹോസ്റ്റലിൽ തള്ളി മറിച്ചത്…” ശരണ്യയും വിട്ടുകൊടുക്കാതെ കൂടി.

“അത് അന്നല്ലേ….ഞാൻ!!!” പ്രീതി പാവത്തെപോലെ എന്റെ തോളിൽ ഒന്നുടെ ചേർന്നിരുന്നു.

“ദേ പെണ്ണെ ഞാൻ വല്ലോം പറയുമേ…അല്ലെങ്കിൽ വേണ്ട അമൽ പ്രീതിയെ ഞങ്ങൾ നിർത്താൻ പറയുന്ന വരെ ചുണ്ടു കോർത്ത് നാവുകടിച്ചുറിഞ്ചിയെ… ”

“ഹേ എന്താ …”

“പറഞ്ഞത് കേട്ടില്ലേ ഫ്രഞ്ച് കിസ്!!!” ജ്യോത്സ്ന ചിരിച്ചുകൊണ്ട് കൈ രണ്ടും കൂട്ടിയിടിച്ചു.

“അമൽ പ്ലീസ്….എനിക്ക്.”

“സീ പ്രീതിക്ക് ഒക്കെയല്ല! അതുകൊണ്ടാണ് ….അല്ലെങ്കിൽ ഞാൻ….” ഞാനെന്റെ പെണ്ണിനെ മനസ് കൊണ്ട് പൊതിഞ്ഞു പിടിച്ചു.

“അതൊന്നും പറഞ്ഞാൽ പറ്റില്ല!” മാധുരിയ്ക്കും വാശിയായി

“ജസ്റ്റ് ഒന്ന് കിസ് ചെയ്താൽ പോരെ..” ജ്യോത്സ്നനയും പറഞ്ഞു.

“കണ്ടോ കണ്ടോ അവളുടെ നാട്യമാണ്‌ ഇതൊക്കെ! കുറച്ചു മുൻപ് രണ്ടാളും കൂടെ ജിലേബി തിന്നത് ആരും അറിഞ്ഞില്ലന്നാണോ…” ശരണ്യ അടുത്ത അസ്ത്രം പ്രയോഗിച്ചു.
ഇനി പറഞ്ഞു നില്ക്കാൻ പറ്റില്ലെന്ന് എനിക്കും പ്രീതിക്കും മനസ്സിലായതും ഞാനും അവളും മുഖത്തോടു മുഖം നോക്കി. പ്രീതി ചുണ്ടു നനച്ചുകൊണ്ട് ശ്വാസം നീട്ടി വിട്ടു.