Chapter Title : പ്രേമപൂജ [ക്രിസ്റ്റോ]

ഭയങ്കര സന്തോഷം.. ഒരു അപ്സരസിനെ പോലെയുള്ള പെണ്ണിന് എന്നെ ഇഷ്ടമാണെന്ന്… ഞാനും അത്ര മോശം ഒന്നും അല്ല.. എങ്കിലും സൗന്ദര്യത്തിൽ അവളുടെ അത്രയും വരില്ല..

ഹാളിലെത്തിയതും എന്റെ മൊബൈൽ കയ്യിൽ പിടിച്ച് നോക്കി നിൽക്കുന്ന പൂജയെ കണ്ടതും ഞാൻ ഞെട്ടി..

ഇനി എന്താണോ..

"ഇവളെന്തിനാ ഏട്ടനെ വിളിക്കുന്നെ…?" അവൾ ഫോൺ എനിക്ക് നേരെ നീട്ടിക്കൊണ്ട് ദേഷ്യത്തിൽ ചോദിച്ചു… ഞാൻ ഞെട്ടിക്കൊണ്ട് ഫോണിൽ നോക്കി.. ഈശ്വരാ തൻവി.. തുലച്ചു..

"അ.. അത് അവൾ എന്നെ ഇങ്ങോട്ട് വിളിച്ചതല്ലേ മോളെ…" ഞാൻ മുന്നോട്ട് നടന്ന് പറഞ്ഞതും അവൾ ഫോൺ ടേബിളിൽ തന്നെ വച്ചിട്ട് തിരിഞ്ഞു നടന്നു..

"പൂജ.. നിക്ക് മോളെ… അവൾ എന്നെ ഇങ്ങോട്ട് വിളിച്ചതാ…" ഞാൻ പിറകെ ചെന്ന് അവളുടെ കയ്യിൽ പിടിച്ചു നിര്തിക്കൊണ്ട് പറഞ്ഞു..

"വേണ്ട… ഏട്ടൻ ചുമ്മാ പറയുവാ.. ഏട്ടന് ഇപ്പോഴും ആ ചേച്ചിയെ ഇഷ്ടമാ… ഞാൻ.. ഞാൻ മണ്ടി.." അവൾ കരഞ്ഞു തുടങ്ങി…

ദൈവമേ.. ഇന്നത്തോടെ എല്ലാം കഴിയും..

"നീ ഇങ്ങനെ കരയാതെ.. അവളുമായി ഇപ്പോൾ ഒന്നും ഇല്ല.. എന്റെ മോളാണെ സത്യം.."

"എങ്കിൽ ആ നമ്പർ ബ്ലോക്ക്‌ ചെയ്…" അവൾ വിതുമ്പിക്കൊണ്ട് പറഞ്ഞു…

ഞാൻ തലയാട്ടി തിരിഞ്ഞു ടേബിളിൽ നിന്ന് മൊബൈൽ എടുത്ത് അവളുടെ കോൺടാക്ട് ബ്ലാക്ക് ലിസ്റ്റിലേക്ക് ഇട്ടു.. വാട്സ്ആപ്പ് ചാറ്റിലും ബ്ലോക്ക്‌ ചെയ്തു.. എന്നിട്ട് പൂജയെ കാണിച്ചു.. അവൾക്ക് വേണ്ടി ഞാൻ ഇപ്പോൾ എന്തും ചെയ്യും എന്ന അവസ്ഥയിലായി..

അവൾ കണ്ണ് തുടച്ച് എന്നെ നോക്കി…

"ഇനി എന്നോട് പിണങ്ങുവോ..?" ഞാൻ ചോദിച്ചതും അവൾ ഇല്ലെന്ന് തലയാട്ടി ഓടി വന്ന്