Chapter Title : പുനസമ്മേളനം [NEETHU]

.സമ്മതമെന്നോ അല്ലെന്നോ അവൻ പറഞ്ഞില്ല .കൂടുതൽ വിശദീകരിക്കാൻ അവളും നിന്നില്ല 26 ന് അവൾ വീണ്ടും വിവാഹിതയാകുമെന്നു മാത്രം അവനോട് അവൾ തീർത്തു പറഞ്ഞു .അതങ്ങനെ തീരുമാനമായി .അമ്മയോടും അവൾ കാര്യം പറഞ്ഞു ..എന്തായാലും അമ്മക്ക് സന്തോഷമായി .ഏറെ നാളായി മറ്റൊരു വിവാഹത്തിന് നിർബന്ധിച്ചിട്ടും സമ്മതിക്കാതിരുന്ന മകൾ തന്നെ ഒരാളെ കണ്ടെത്തി .അതും അവൾ ഒരിക്കൽ ജീവനേക്കാൾ ഇഷ്ടപ്പെട്ടിരുന്ന ആൾ .മകളുടെ ജീവിത ദുഃഖത്തിൽ ഏറെ പ്രയാസം അനുഭവിക്കുകയായിരുന്നു ആ അമ്മ .ഇനിയുള്ള കാലം മകൾ സന്തോഷപൂർവ്വമായ ദാമ്പത്യ ജീവിതം നയിക്കുമെന്ന് അവർ പ്രത്യാശിക്കുന്നുണ്ടാവണം ..23 മുതൽ ഞങ്ങൾ രണ്ടാളും അവധിയിൽ പ്രവേശിച്ചു മക്കൾ രണ്ടാളും സ്കൂളിൽ പോയി ..23 ന് രാവിലെ അവൾ എന്നെ ഫോണിൽ വിളിച്ചു .....

ഹലോ

ഹലോ ....എന്താടി

നിനക്കെന്താ പ്രോഗ്രാം

ഓഹ് പ്രത്യേകിച്ച് ഒന്നുമില്ല ...എന്തെ

നമുക്കൊന്ന് പുറത്തു പോയാലോ

എന്തെ പ്രത്യേകിച്ച്

കുറച്ചു പർച്ചെയ്‌സ് ചെയ്യാനുണ്ട്

ഓക്കേ എപ്പോ പോണം

അര മണിക്കൂർ കഴിഞ്ഞു നീ ഇറങ്ങിക്കോ ഞാൻ റെഡി ആയി നിക്കാം

ഹമ് ഓക്കേ

അരമണിക്കൂർ കഴിഞ്ഞു ഞാനും റെഡി ആയി ബൈക്കും എടുത്തു അവളുടെ വീട്ടിലേക്ക് പോയി .ഗേറ്റിന്റെ മുന്നിൽ അണിഞ്ഞൊരുങ്ങി അവൾ നിൽക്കുന്നുണ്ടായിരുന്നു .അവളുടെ അടുത്ത് വണ്ടി നിർത്തി ഞാൻ താഴെ ഇറങ്ങി ....

നീ എന്തിനാ ഇറങ്ങിയേ .....പോകാമായിരുന്നല്ലോ അതല്ലെടി ...ഇത്രയുമൊക്കെയായിട്ടും ഞാൻ അമ്മയെ ഒന്ന് കണ്ടില്ല .'അമ്മ എന്ത് വിചാരിക്കും എനിക്കെന്തെങ്കിലും വിരോധമാണെന്നല്ലേ കരുതു .

ഹമ് എന്ന കേറീട്ടു പോവാം ....

അവളുടെ കൂടെ ഞാൻ അകത്തേക്ക് കയറി ......