Chapter Title : പുതുരാഗം.. പുതുവർണം.. 1 [സ്പൾബർ]

പക്ഷേ, അലനെ ഗൾഫിലേക്കയക്കാൻ ലിസിക്ക് താൽപര്യമില്ലായിരുന്നു.. അവൻ എന്നും തന്റെ കൺമുന്നിൽ തന്നെ വേണം എന്നാണവൾ ആഗ്രഹിച്ചത്..

ഇതിന്റെ പേരിൽ ജോബിയോട് അവൾക്കൽപം മുഷിയേണ്ടിയും വന്നു..

അന്ന് വൈകീട്ട് വീട്ടിലേക്ക് വന്ന സായിയോട് ബിസിനസിനെ പറ്റിയെല്ലാം ലിസി ചോദിച്ച് മനസിലാക്കി..

“”നിനക്ക് വിശ്വാസമുണ്ടോടാ സായീ… ?.

വിജയിക്കുമെന്ന് നിനക്ക് വിശ്വാസമുണ്ടെങ്കിൽ നമുക്കിത് നടത്താം… “

ലിസി സായിയോട് ചോദിച്ചു..

“” വിജയിക്കും ആന്റീ… നല്ല പാർക്കിംഗ് ഒക്കെയുള്ളതല്ലേ നമ്മുടെ ബിൽഡിംഗിന്… ഇപ്പോ വണ്ടി നിർത്താനുള്ള സൗകര്യമൊക്കെയാ ആളുകൾ നോക്കുന്നത്…

എനിക്ക് പ്രതീക്ഷയുണ്ട്… “”..

അവന്റെ ആത്മവിശ്വാസം ലിസിക്ക് ധൈര്യമായി..

“” പിന്നെ ഒരു ജോലിക്കാരനായി ഞാനുമുണ്ടാവില്ലേ… കാര്യങ്ങളൊക്കെ ഞാൻ നോക്കിക്കോളാം ആന്റീ… “”..

വിനീത വിധേയനെപ്പോലെ സായി അത് പറഞ്ഞപ്പോ ലിസിക്ക് സഹിക്കാനായില്ല..

“ ജോലിക്കാരനോ… ?.നീയോ… ?..

നീ അങ്ങിനെയാണോ കുട്ടാ ഞങ്ങളെ കുറിച്ച് കരുതിയേ… ?..

അതിനെത്ര പണം വേണോ അത് ഞാൻ മുടക്കും… നീയും അലനും തുല്യ പാർട്ട്ണർമാർ…

അതിനിനി ഏന്തേലും എഗ്രിമെന്റ് വേണമെങ്കിൽ അതും നമുക്ക് ശരിയാക്കാം… “..

താൻ വിചാരിച്ച സംഗതി ഏറ്റതിൽ സായിക്ക് തുള്ളിച്ചാടാൻ തോന്നി… പത്ത് പൈസ മുടക്കില്ലാതെ ഒരു കടയുടെ പാർട്ട്ണറാവുകയാണ്..

“” അല്ലാ… എനിക്കൊരു സംശയം… തുണിക്കട തുടങ്ങാനാണോ നിങ്ങള് രണ്ടും എഞ്ചിനിയറിംഗ് വരെ പഠിച്ചത്…?””..

എല്ലാം കേട്ടിരുന്ന അലീന അവരെ കളിയാക്കും പോലെ ചോദിച്ചു..

“” അല്ല ചേച്ചീ… പഠിച്ചത് എഞ്ചിനിയറാവാൻ തന്നാ..

ഏതേലും നല്ല അവസരം വന്നാ ഞങ്ങൾ തീർച്ചയായും ജോലിക്ക് പോകും…

എന്ന് കരുതി ഒരു ബിസിനസ് ചെയുന്നതിൽ എന്താണ് തടസം….?”..

“” അത് തന്നെ… നല്ല കാര്യം തന്നെയാടാ മോനേ… നീയതിന്റെ ബാക്കി കാര്യങ്ങളൊക്കെ തുടങ്ങിക്കോ…””

ലിസി ഉൽസാഹത്തോടെ പറഞ്ഞു.. അതിൽ നിന്ന് കിട്ടുന്ന വരുമാനമായിരുന്നില്ല അവളുടെ ലക്ഷ്യം..തന്റെ മോനെ എല്ലാറ്റിനും പ്രാപ്തനാക്കി എടുക്കുക എന്ന ഉദ്ദേശം മാത്രമേ അവൾക്കുണ്ടായിരുന്നുള്ളൂ.. ഒന്നുമില്ലാത്ത സായിക്ക് ഒരു സഹായമാകട്ടേന്നും അവൾ ചിന്തിച്ചു..

✍️✍️✍️..

കടയുടെ പണി തുടങ്ങി…രാവും പകലും സായി,അലന്റെ വീട്ടിൽ കയറിയിറങ്ങി..

മിക്ക ദിവസങ്ങളിലും അവിടെ അന്തിയുറങ്ങി…

ഓരോരോ പ്രവർത്തികളിലൂടെ അവനിലുള്ള വിശ്വാസം അവൻ ഊട്ടിയുറപ്പിച്ചു..

ലിസിക്കും അലീനക്കും അവനെ പൂർണ വിശ്വാസമായി..

അവന്റെ അഭിപ്രായത്തിനനുസരിച്ചായി വീട്ട് കാര്യങ്ങൾ വരെ…

ഈ സമയത്താണ് ലിസിക്ക് ചില സംശയങ്ങൾ തോന്നിത്തുടങ്ങിയത്.. ചില നേരത്ത് സായിയുടെ നോട്ടത്തിൽ എന്തോ വശപ്പിശക്…

തന്റെ തോന്നലാകുമെന്ന് കരുതി ആദ്യം അവഗണിച്ചെങ്കിലും