Chapter Title : പുതുരാഗം.. പുതുവർണം.. 1 [സ്പൾബർ]

ഇനി നോക്കാത്ത ചികിൽസയില്ല..

മുന്തിയ ഹോസ്പിറ്റലിൽകൊണ്ടുപോയി ചികിൽസിക്കുന്നതിന് പുറമേ, ഏത് പ്രാർത്ഥനാ യോഗത്തിനും ലിസി, അലനേയും കൊണ്ട് പോകും..

എന്നിട്ടും അലന്റെ സ്വഭാവത്തിൽ കാര്യമായ മാറ്റമുണ്ടായില്ല..

ഡിഗ്രിക്ക് പഠിക്കുമ്പോഴും അവന് ഒരു കൂട്ടുകാരൻ പോലുമില്ല.. അവന്റെ സ്വഭാവത്തിന് ആരുമവനുമായി കൂട്ടുകൂടിയതുമില്ല..

ഒറ്റപ്പെട്ട് ജീവിക്കുന്ന അവനെ കാണുമ്പോഴേ ലിസിക്ക് കരച്ചിൽ വരും.

തന്നെയും, ഈ സ്വത്തുക്കളും സംരക്ഷിക്കേണ്ടവൻ ഒന്നിനും കൊള്ളാത്തവനായി നടക്കുന്നതിൽ ലിസിക്കുണ്ടായ മാനസിക പ്രയാസം ചെറുതല്ല..

ഡിഗ്രിയും കഴിഞ്ഞ് എഞ്ചിനിയറിംഗിന് ചേർന്ന അലൻ, കൃത്യം രണ്ട് മാസമായപ്പോ തനിക്കൊരു ബൈക്ക് വേണമെന്ന് പറഞ്ഞപ്പോ അൽഭുതത്തോടെയാണ് ലിസിയത് കേട്ടത്..

കാരണം ഇന്ന് വരെ അവനൊന്നും ആവശ്യപ്പെട്ടിരുന്നില്ല.. പഠിക്കാനുള്ള പുസ്തകങ്ങളും, പേനയും,

പെൻസിലുമല്ലാതെ വേറൊന്നും അവനാവശ്യപ്പെട്ടിരുന്നില്ല..

ഇതിപ്പോ ഒരു ബൈക്കാണവൻ ചോദിച്ചിരിക്കുന്നത്..

അവനൊരു പത്ത്ബൈക്ക് വാങ്ങിക്കൊടുക്കാനും ലിസിക്ക് സന്തോഷമേ ഉണ്ടായുള്ളൂ..

പിന്നെയും, പലപല മാറ്റങ്ങളും ലിസി അവനിൽ കണ്ടു..

താനെടുത്ത് കൊടുക്കുന്ന ഷർട്ടും പാന്റും എതിർത്തൊന്നും പറയാതെ എടുത്തിട്ട് പോകുന്ന അലൻ, തനിക്കിന്നീ ഷ്ർട്ട് മതിയെന്നും, ഈ പാന്റാണ് താനിന്ന് ഇടുന്നതെന്നും പറയാൻ തുടങ്ങിയപ്പോ ലിസിക്കുണ്ടായ സന്തോഷം ചെറുതല്ല.

തന്റെ മോൻ ഒരാണായി മാറുന്നത് അമ്പരപ്പോടെയവൾ കണ്ടു..

ഇപ്പോൾ ഇടക്കവൻ ലിസിയോട് സംസാരിക്കാനും തുടങ്ങി..

അലീനയോട് കോളേജിലെ വിശേഷങ്ങളൊക്കെ പറയാനും തുടങ്ങി..

എന്ത് തമാശ കേട്ടാലും ചിരിക്കാത്ത അലൻ ടി വി യിൽ കാണുന്ന ചില കോമഡികൾക്കൊക്കെ ചിരിക്കാനും തുടങ്ങി..

തന്റെ മകന് ഈ മാറ്റം എങ്ങിനെയുണ്ടായി എന്ന് മാത്രം ലിസിക്ക് മനസിലായില്ല..

തന്റെ പ്രാർത്ഥനയുടെ ഫലമായി കർത്താവ് കനിഞ്ഞതാവും എന്ന് ലിസി വിശ്വസിച്ചു..

എന്നാൽ അലീന, അവൻ പഠിക്കുന്ന കോളേജിൽ നടത്തിയ ഒരന്വോഷണത്തിൽ വേറൊരു കാര്യമാണ് അവളറിഞ്ഞത്..

അവിടെ പഠിക്കുന്നവരും, പഠിപ്പിക്കുന്നവരും അലീനക്ക് പരിചയക്കാരായുണ്ട്..

എഞ്ചിനിയറിംഗ് കോളേജിൽ ക്ലാസ് തുടങ്ങിയ അന്ന് മുതൽ അലനൊരു സുഹൃത്തിനെ കിട്ടിയിട്ടുണ്ട്..

അടുത്തടുത്തിരിക്കുന്ന അവർ രണ്ടും എല്ലാറ്റിനും ഒരുമിച്ചാണ്..കാന്റീനിലേക്കും, കളിസ്ഥലത്തേക്കും, മൂത്രമൊഴിക്കാൻ പോവുന്നത് വരെ രണ്ടാളും ഒരുമിച്ച്.. രണ്ടാളും പഠനത്തിൽ മിടുക്കരാണ്.. ഒരു മനുഷ്യനോട് മുഖത്ത് നോക്കി സംസാരിക്കാത്ത അലൻ, സ്റ്റേജിൽ കയറി ഒരു പാട്ട് പാടി എന്ന് കൂടി കേട്ടപ്പോ അലീനക്ക് വിശ്വസിക്കാനായില്ല..

അവരെ രണ്ട് പേരെയും ഒരുമിച്ചല്ലാതെ കോളേജിൽ കാണാൻ കഴിയില്ല..

തന്റെ സഹോദരനെ ഇത്രയും മാറ്റിയെടുത്ത ആ കൂട്ടുകാരനെ കുറിച്ച് അലീന കൂടതലന്വോഷിച്ചു…

അവന്റെ പേര് സായിപ്രസാദ്..

തങ്ങളുടെ വീട്ടിൽ നിന്നും ഒരഞ്ച് കിലോമീറ്റർ ദൂരത്തിലാണ് അവന്റെ കുടുംബം..

വളരെ ദരിദ്ര കുടുംബം..