Chapter Title : രാധമ്മ, ഹോം നഴ്സ് [ഋഷി]

ഈ ചേച്ചീണ്ടടാ മുത്തേ... അവൻ്റെ തേങ്ങൽ മെല്ലെ നിലയ്ക്കും വരെ അവളവനെ കെട്ടിപ്പിടിച്ച് അവിടെയിരുന്നു. അവൻ്റെ പുറത്തവൾ തഴുകിക്കൊണ്ടിരുന്നു...

കൗസു കൊണ്ടുവന്ന ചിക്കൻസൂപ്പ് സ്പൂണിൽ കോരി അവളവനെയൂട്ടി. അവനെ തന്നോടു ചേർത്തു കൊഞ്ചിച്ചു.. അവനുറങ്ങും വരെ...

അന്നു മുതൽ എല്ലാ ദിവസവും രാധ അവൻ്റെയൊപ്പം കൂടുതൽ സമയം ചെലവഴിച്ചു... എന്നും രണ്ടു വട്ടം അവൻ്റെ ദേഹം മുഴുവനും പ്രത്യേകിച്ചും പിൻഭാഗം അവൾ ഇത്തിരി ഡെറ്റോളു ചേർത്ത ഇളം ചൂടുള്ള വെള്ളത്തിൽ തോർത്തു മുക്കിത്തുടച്ചു.. പിന്നെ അവനെ പ്രാതലൂട്ടിയിട്ട് വീൽച്ചെയറിലിരുത്തി അച്ഛൻ്റേമമ്മേടേമൊപ്പം കുറേ നേരം. അതുകഴിഞ്ഞവൾ അവനേയും കൊണ്ട് വീൽച്ചെയറിലിരുത്തി അവരുടെ പൂന്തോട്ടത്തിൽ നടന്നു... അവൻ്റെയൊപ്പം ഇത്തിരി ടീവിയോ സിനിമകളോ കണ്ടു... അവൻ ക്ഷീണിക്കുമ്പോൾ അവളവൻ്റെയൊപ്പം മെത്തയിലവനെ ചേർത്തു പിടിച്ചു മയങ്ങി...

അവിടുന്നങ്ങോട്ടുള്ള ദിവസങ്ങളിൽ അവർ തമ്മിൽ അഴിക്കാനാവാത്ത ഒരു ബന്ധം വളർന്നുവന്നു... എന്നും താഴെ പ്രാതലും അച്ഛൻ്റേമമ്മേടേം കൂടെ ചെലവഴിക്കണ നിമിഷങ്ങളും കഴിഞ്ഞാൽ കണ്ണൻ അവൻ്റെ ചേച്ചീടൊപ്പമാണ് ഉണർന്നിരിക്കുന്ന നിമിഷങ്ങൾ ചെലവിട്ടത്...

കണ്ണാ... ആദ്യത്തെ ദിനങ്ങളിലൊരിക്കൽ.. അവൾ ചോദിച്ചിരുന്നു...നീയെപ്പഴും വീട്ടിൽ നിന്നാണോ പഠിച്ചത്?

അല്ലേച്ചീ... അവൾ നീട്ടിയ കയ്യിലവൻ മെല്ലെ പിടിച്ചു... അച്ഛന് ബിസിനസ്സാവശ്യങ്ങൾക്കായി ശ്രീലങ്കയിലും, തായ്ലണ്ടിലും, കൊറിയയിലുമൊക്കെ ധാരാളം ടൂറു പോവണമായിരുന്നു. അമ്മയില്ലാതെ അച്ഛന് ജീവിക്കാനാവില്ല. അതോണ്ട് രണ്ടുപേരും ടൂറിലായിരുന്നു. ചേച്ചി കോളേജിൽ... ഞാൻ കൊറേ കൊല്ലങ്ങള് ബോർഡിങ്ങ് സ്ക്കൂളിലാണ് പഠിച്ചത്.

നിനക്കവിടെ ഒത്തിരി കൂട്ടുകാരൊണ്ടായിരുന്നോടാ?

ഇല്ലേച്ചീ! സത്യം പറഞ്ഞാൽ ഞാനൊരു നാണംകുണുങ്ങിയായിരുന്നു... ചേച്ചിയോട് പറയാല്ലോ!

ഇപ്പഴുമതേ! രാധ അവനെ നോക്കി മന്ദഹസിച്ചപ്പോൾ അവൻ്റെ മുഖം തുടുത്തു... കണ്ടില്ലേ! സത്യം പറഞ്ഞപ്പോ ചേച്ചീമെന്നെ കളിയാക്കുവാ!

ഡാ