റാഗിങ് [Mausam Khan Moorthy]

റാഗിങ് Raging | Author : Mausam Khan Moorthy പുതിയ അധ്യയന വർഷം കോളജിലെത്തിയ വിദ്യാർത്ഥികളെ സ്വീകരിക്കുന്നതിനായി സംഘടിപ്പിച്ച 'നവാഗതർക്ക് സ്വാഗതം' പരിപാടിക്കിടെയാണ് അവൻ ഞങ്ങളുടെ ശ്രദ്ധ കവരുന്നത്.ഞങ്ങളെന്ന് പറഞ്ഞാൽ ഞാനും.പൂജയും,അസ്മയും.ഞങ്ങൾ ഉറ്റ സുഹൃത്തുക്കളായിരുന്നു.കോളജിൽ 'മൂവർ സംഘം' എന്നാണ് ഞങ്ങൾ അറിയപ്പെട്ടിരുന്നത്.അവസാനവർഷ ബയോടെക്‌നോളജി വിദ്യാർത്ഥിനികളായിരുന്ന ഞങ്ങൾ കോളേജിനടുത്തുള്ള ഹോസ്റ്റലിലാണ് താമസിച്ചിരുന്നത്. അവന് നല്ല ഉയരവും വെളുത്ത നിറവുമുണ്ടായിരുന്നു.പൂച്ചക്കണ്ണുകളുണ്ടായിരുന്നു.തോൾ വരെ അവൻ മുടി നീട്ടി വളർത്തിയിരുന്നു.ഒരു കൂസലുമില്ലാതെ കൂളിംഗ് ഗ്ലാസൊക്കെ വെച്ച് ച്യൂയിങ്ഗവും ചവച്ച് സദസ്സിന്റെ ഏറ്റവും പിന്നിലെ കസേരകളിലൊന്നിൽ ആയിരുന്നു അവനിരുന്നത്. "എടീ അവനെ നമുക്കൊന്ന് പൊരിച്ചെടുക്കണം.അവൻറെയൊരു ഇരിപ്പും ഭാവവുമൊക്കെ കണ്ടില്ലേ..?!ഈ കോളജ് മൊത്തം അവൻ വിലക്ക് വാങ്ങിയ പോലെ...വലിയ ഏതാണ്ട് താരത്തെ പോലെ.."-പൂജ കുശുമ്പോടെ പറഞ്ഞു.പിന്നെ വൈകിയില്ല,ഞങ്ങൾ നേരെ അവനടുത്തേക്ക് ചെന്നു.അവൻറെ വലതുവശത്തെ കസേരയിൽ ഞാനിരുന്നു.ഇടതുവശത്ത് പൂജയും,പിന്നിൽ അസ്മയും ഇരിപ്പുറപ്പിച്ചു.പന്തികേട് തോന്നിയിട്ടാവണം അവൻ കൂളിംഗ് ഗ്ലാസ് എടുത്ത് ഷർട്ടിന്റെ പോക്കറ്റിൽ വെച്ചു.പിന്നെ ഒരു പരുങ്ങലോടെ അവിടെ നിന്നും എഴുന്നേറ്റ് പോകാനൊരുങ്ങി.എന്നാൽ അവൻറെ വലതു കയ്യിൽ ഞാനും ഇടതു കയ്യിൽ പൂജയും പിടുത്തമിട്ടു. "അനങ്