Chapter Title : രാജമ്മ തങ്കച്ചിയുടെ സേവ് ദ ഡേറ്റ് 3 [സ്വപ്‌ന കൂട്ടിക്കൽ]

കാപ്പിയിട്ടു കുടിച്ചിട്ടു പുറത്തിറങ്ങി നിൽപ്പായി.

നല്ലൊരു വീടായിരുന്നു ശശാങ്കന്‌റേത്. തമ്പുരാട്ടിപുരം തറവാട്ടിലേക്ക് തന്‌റെ കൈസഹായിയായി തമ്പിയദ്ദേഹമാണ് ശശാങ്കനെ കൊണ്ടുവന്നത്. എന്നാൽ താമസിയാതെ തന്നെ രാജമ്മ തങ്കച്ചിയുടെ വിശ്വസ്തനായി ശശാങ്കൻ മാറി. രാജമ്മ തങ്കച്ചി മനസ്സിൽ നിരീക്കുന്ന കാര്യം തൊട്ടടുത്ത നിമിഷം നടത്തിക്കൊടുക്കാൻ ശശാങ്കനു വല്ലാത്ത മിടുക്കായിരുന്നു. അതിനാൽ തന്നെ താമസിയാതെ തന്നെ തങ്കച്ചിയുടെ പ്രധാനഭൃത്യനായി അയാൾ മാറി. നല്ല ശമ്പളവും ഒട്ടേറെ ആനുകൂല്യങ്ങളുമുള്ളതിനാൽ ശശാങ്കൻ അഭിവൃദ്ധി പ്രാപിച്ചു. കറുകച്ചാലിൽ സ്വന്തമായി രണ്ടേക്കർ പുരയിടം തങ്കച്ചി അയാൾക്ക് എഴുതിക്കൊടുത്തിരുന്നു. ആ പുരയിടത്തിലാണ് ധാരാളം മുറികളുള്ള ഇരുനിലവീട് അയാൾ പണിതുയർത്തിയത്. നല്ലൊരു നായർ തറവാട്ടിൽ ജനിച്ച വിശാലത്തിനെ ശശാങ്കൻ വളച്ച് ഒളിച്ചോടി വന്നതാണ്.

കുറച്ചുസമയം കഴിഞ്ഞതോടെ ആ വീടിന്‌റെ ഗേറ്റ് കടന്ന് പഴയ പിക്കപ്പ് വാൻ എത്തി. അതിൽ നിന്നു മാത്തുവും ലാസറും ഇറങ്ങി. ഇടുക്കിയിൽ നിന്നു കറുകച്ചാലിലേക്കു മൂന്നുമണിക്കൂറോളം യാത്ര ചെയ്തു ക്ഷീണിച്ചായിരുന്നു അവരുടെ വരവ്. കറുത്തുതടിച്ച രണ്ട് കരിമാക്കാൻമാരായിരുന്നു മാത്തുവും ലാസറും. മസിലുകൾ എഴുന്നു നിൽക്കുന്ന തടിച്ച എന്നാൽ ഉറച്ച ശരീരം. ഉയരം കുറവായിരുന്നു ഇരുവർക്കും. ചുവപ്പും പച്ചയും നിറത്തിൽ പുള്ളികളുള്ള കൈലിമുണ്ടുകളാണ് ഇരുവരും ധരിച്ചിരുന്നത്.

എവിടെയായിരുന്നു തവളപൃക്കാടികളെ ഇതുവരെ. രാത്രിയെത്തുമെന്ന് പറഞ്ഞിട്ട് ഇപ്പോ പുലർച്ചെ നാലായല്ലോ- ഇറങ്ങിയപാടെ ശശാങ്കൻ അവരെ തെറിവിളിച്ചു.

ഓഹ് എന്നാ വർത്താനമാ ശശാങ്കേട്ടാ, രാത്രി വിളിച്ച് ഉടൻ വരാൻ പറഞ്ഞാൽ അങ്ങിറങ്ങാൻ പറ്റുമോ. നമ്മുടെ തോട്ടത്തിന്‌റെ കാര്യമൊക്കെ ഏൽപിച്ചിട്ടല്ലേ ഇറങ്ങാൻ പറ്റൂ.- ലാസർ ഒരു സിഗററ്റ് കത്തിച്ചുവലിച്ചുകൊണ്ട് ചോദിച്ചു.

ദേ ഇവിടെക്കിടന്ന് താളം ചവുട്ടാതെ രണ്ടെണ്ണവും വന്നുകിടന്ന് ഉറങ്ങാൻ നോക്ക്. രാവിലെ