Chapter Title : രാജവെടി [Master]

നാലുകെട്ടിന്റെ നടുത്തളത്തിലേക്ക് ചെന്നു.

അമ്മയും അമ്മായിയും കൂടി കണ്ടാല്‍ പിന്നെ അവര്‍ക്ക് എത്ര പറഞ്ഞാലും തീരാത്ത വിശേഷങ്ങള്‍ ആണ്. അമ്മായി പെണ്മക്കളെ മൂന്നിനെയും കെട്ടിച്ചു വിട്ടു സ്വതന്ത്രയാണ്. നേരെ മറിച്ച് അമ്മയ്ക്ക് ഞാനൊരു മോളെ ഉള്ളെങ്കിലും എന്നെ എങ്ങനെ കെട്ടിച്ചുവിടും എന്ന ആധി ഒഴിഞ്ഞിട്ട് നേരമില്ല. അച്ഛനെപ്പറ്റി അമ്മ പറഞ്ഞതൊക്കെ സത്യമായിരുന്നു. ഒന്നാം നമ്പര്‍ താമരയാണ് എന്റെ അച്ഛന്‍. എപ്പോഴും വെള്ളത്തില്‍.

അച്ഛന്‍ ജീവിതത്തീ മനസ്സറിഞ്ഞു ചെയ്ത ഏക ജോലി എന്നെ ഉണ്ടാക്കിയതാണെന്ന് അമ്മ ഇടയ്ക്കിടെ പറയാറുണ്ട്. ഇത്രേം സുഖമുള്ള കാര്യം എങ്ങനെയാണ് ഒരു ജോലി ആകുന്നതെന്നെനിക്ക് മനസിലായില്ലെന്നു മാത്രം. രണ്ടാമതൊരു കളി കൂടി കളിച്ച് ഒന്നിനെക്കൂടി നിര്‍മ്മിക്കാന്‍ അച്ഛന് മോഹം ഉണ്ടായിരുന്നു എങ്കിലും, അമ്മ സമ്മതിച്ചില്ലത്രേ. ഈ അമ്മയ്ക്ക് സുഖിക്കാന്‍ കൊതിയില്ലേ? പടച്ചുണ്ടാക്കിയാല്‍ മാത്രം പോരാ വളര്‍ത്താനും പഠിക്കണം എന്ന് അമ്മ പറഞ്ഞു എന്നാണ് ശ്രുതി. അച്ഛന് കഴപ്പ് മാറ്റാന്‍ സുഖിക്കണം. പക്ഷെ പിള്ളേരുണ്ടായാല്‍ അവരെ നോക്കാന്‍ വയ്യ; അതാണ്‌ അമ്മയുടെ പ്രശ്നം. കാര്യം സാധിക്കാന്‍ അടുത്തുകൂടി ഒരു പണി പണിഞ്ഞാല്‍ മതി അച്ഛന്. പിന്നെ ഒമ്പത് മാസം വയറ്റില്‍ ചുമന്ന് കഷ്ടപ്പെട്ട് പ്രസവിച്ച് മുലയൂട്ടി വളര്‍ത്തേണ്ടത് അമ്മയല്ലേ? കല്യാണം കഴിച്ച് എന്നെ അമ്മ പ്രസവിച്ചു കഴിഞ്ഞപ്പോഴേക്കും തറവാട്ടു വകയായി അച്ഛന് കിട്ടിയതില്‍ പകുതി ഏതോ നസ്രാണിക്ക് വിറ്റ്‌ കഴിഞ്ഞിരുന്നു എന്നാണ് കേഴ്വി. എനിക്ക് രണ്ടു വയസ് ആയതോടെ ബാക്കിയുണ്ടായിരുന്ന പറമ്പും വീടുള്‍പ്പെടെ അയാള്‍ക്ക് തന്നെ കൊടുത്തത്രേ. ജോലിക്ക് പോകുന്നത് ബുദ്ധിയില്ലാത്തവരുടെ രീതിയാണെന്ന് ഒരുപക്ഷെ അച്ഛന്‍ വിശ്വസിച്ചിരുന്നിരിക്കാം. പിതൃസ്വത്തായി കിട്ടുന്ന വസ്തുക്കള്‍ വിറ്റ് ജീവിക്കുന്നത് അക്കാലത്തെ മാടമ്പി സംസ്കാരം ആയിരുന്നത്രെ.

പക്ഷെ അങ്ങനെ ജീവിച്ച പല മാടമ്പിമാര്‍ക്കും ബോധം വച്ചത് വളരെ വൈകിയായിരുന്നു; ഉടുതുണിക്ക് മറുതുണി ഇല്ലാത്ത ഗതിയിലേക്ക് അവരുടെ വീട്ടുകാര്‍ എത്തിയ ശേഷം മാത്രം. എല്ലാം നഷ്ടപ്പെട്ട അവരൊക്കെ അസൂയ മൂത്ത് നസ്രാണികളെ കുറ്റം പറയുന്നത് കാണുമ്പോള്‍ എനിക്ക് പുച്ഛം തോന്നാറുണ്ട്. സ്വത്തും പണവും മുടിപ്പിച്ച് കള്ളുംകുടിച്ചു പെണ്ണും പിടിച്ച് ഈ ‘തറവാട്ടുകാര്‍’ ആഘോഷിച്ചു ജീവിച്ചപ്പോള്‍, നസ്രാണികള്‍ കഷ്ടപ്പെട്ട് ജോലി ചെയ്ത് സ്ഥലവും സ്വത്തും ഉണ്ടാക്കി.