Chapter Title : റാണിപത്മിനി 2 [അപ്പന്‍ മേനോന്‍]

കുറച്ച് ദിവസം കഴിഞ്ഞപ്പോള്‍ പതിവില്ലാതെ ഒരു ദിവസം വൈകീട്ട് ഹരിയേട്ടന്‍ എന്നെ വിളിച്ച് ഹരിയേട്ടനു പ്രമോഷന്‍ ആയി എന്നു പറഞ്ഞു. അടുത്ത മാസം ഒന്നാം തിയതി പുതിയ ഓഫീസില്‍ ഹാജരാകണം. പക്ഷെ ജോലി കോഴിക്കോട് ജില്ലയില്‍ തന്നെ. കാറുള്ളതുകൊണ്ട് എന്നും വൈകീട്ട് ഇപ്പോഴുള്ള വീട്ടിലേക്ക് വരാം. അതുകൊണ്ട് വീട് മാറ്റം ഒന്നും വേണ്ടാ. പിന്നെ പ്രമോഷന്‍ കിട്ടിയ വകയില്‍ ഹരിയേട്ടന്‍ സഹപ്രവര്‍ത്തകര്‍ക്കും അവരുടെ ഫാമിലിക്കും വേണ്ടി കോഴിക്കോട്ടിലെ ഒരു ബാര്‍ ഹോട്ടലില്‍ 28-നു രാത്രി ഒരു പാര്‍ട്ടി അറേഞ്ച് ചെയ്യുന്നുണ്ട്. അതുമാത്രവുമല്ലാ അന്നാ ഹരിയേട്ടന്റെയും പത്മിനി ചേച്ചിയുടേയും എട്ടാം വിവാഹ വാര്‍ഷികവും. അതിനു രവിയേട്ടന്‍ വരുന്നുണ്ട്. രവിയേട്ടന്റെ കൂടെ നീയും വരണം. സമ്മതിച്ച് ഞാന്‍ ഫോണ്‍ വെച്ചു. കുറച്ച് കഴിഞ്ഞപ്പോള്‍ രവിയേട്ടന്‍ വിളിച്ചു. അപ്പോള്‍ ഹരിയേട്ടന്‍ വിളിച്ച കാര്യം ഞാന്‍ പറഞ്ഞു. അപ്പോള്‍ രവിയേട്ടന്‍ പറഞ്ഞു...വിവേ...ഞാന്‍ പോകുന്നില്ലാ. കാരണം...ഈ പാര്‍ട്ടി എന്നൊക്കെ പറഞ്ഞാല്‍ ആര്‍.ഡി.യോ, തഹസീല്‍ദാര്‍, വില്ലേജ് ഓഫീസര്‍ അങ്ങിനെ വലിയ വലിയ ഉദ്യോഗസ്ഥര്‍ ഒക്കെ ഉണ്ടാകും. അവരൊക്കെ ഇംഗ്ലീഷിലായിരിക്കും സംസാരിക്കുക. വിവക്ക് അറിയാമല്ലോ ഞാന്‍ പത്തുവരെയേ പഠിച്ചിട്ടുള്ളു. ഇംഗ്ലീഷ് എനിക്ക് ദഹിക്കാത്ത ഒരു സംഗതിയാ. അതുമാത്രവുമല്ല, ചേട്ടന്‍ ഒരു പലചരക്ക് കട നടത്തുന്നു എന്നൊക്കെ അവര്‍ അറിഞ്ഞാല്‍ അത് ഹരിക്കും മോശമല്ലേ. നീ പിന്നെ ഒരു ഡ്രിഗിക്കാരന്‍ ആയതുകൊണ്ട് സാരമില്ലാ. കൂടാതെ നിനക്ക് ഇംഗ്ലീഷും അറിയാം. അതുകൊണ്ട് നീ മാത്രം പോയാല്‍ മതി. അങ്ങിനെ ഞാന്‍ ഹരിയേട്ടന്റെ വീട്ടില്‍ പോയി. പാര്‍ട്ടിക്ക് പോകുമ്പോള്‍ ഹരിയേട്ടന്‍ ഒരു ഇളം മഞ്ഞ ജുബ്ബയും ഒരു കസവ് മുണ്ടും ഉടുത്തിരുന്നു.