Chapter Title : റാണിയും രാജിയും പിന്നെ ഞാനും 4

വരുന്നത് കണ്ടൂന്ന് പാലോട്ടിലെ രമച്ചേച്ചി പറഞ്ഞല്ലോ”

ഞാന്‍ ആകെ ചമ്മി. ആ പണ്ടാരം ആരാണാവോ? അവളെന്തിനാണ് ഞാന്‍ വരുന്നത് കാണാന്‍ നിന്നതെന്ന് ആര്‍ക്കറിയാം.

“എന്താ രണ്ടാളുംകൂടി ഇരുട്ടില്‍..ഉം?”

പെട്ടെന്ന് രാജിയുടെ ശബ്ദം എന്നെയും അവളെയും ഒരേപോലെ ഞെട്ടിച്ചു.

“നീയോ..നിനക്ക് ഉറക്കമില്ലേടി?’ റാണി ചോദിച്ചു.

“ചേച്ചി എന്താ ഉറങ്ങുവാണോ?”

ഇരുട്ടില്‍ ഞങ്ങള്‍ മൂവര്‍ക്കും പരസ്പരം കാണാന്‍ സാധിക്കുന്നുണ്ടായിരുന്നില്ല. എങ്കിലും ആരൊക്കെ എവിടെയാണ് എന്ന് മങ്ങിയ വെളിച്ചത്തില്‍ അറിയാന്‍ കഴിയുന്നുണ്ടായിരുന്നു.

“ഞാന്‍ ഇവനോടൊരു കാര്യം ചോദിക്കാന്‍ വന്നതാ” റാണി പറഞ്ഞു.

“രാത്രീലോ? ഉം ഉം..” രാജി അര്‍ത്ഥഗര്‍ഭമായി മൂളി.

“സത്യമാടി പൊട്ടീ..വൈകിട്ട് ഞാന്‍ ചോദിച്ചപ്പോള്‍ ഇവന്‍ മുങ്ങിക്കളഞ്ഞു..”

“എന്താ ചേച്ചി സംഭവം?”

റാണി എഴുന്നേറ്റ് രാജിയുടെ കാതില്‍ എന്തോ കുശുകുശുക്കുന്നത് ഞാന്‍ കണ്ടു. അത് കേട്ടപ്പോള്‍ രാജി കുടുകുടെ ചിരിച്ചു.

“യ്യോ..സത്യമാണോ?” അവള്‍ ചിരിക്കിടെ ചോദിച്ചു.

“പയ്യെ ചിരിക്ക് പെണ്ണെ..അമ്മ കേള്‍ക്കും” റാണി അവളെ ശാസിച്ചു.

“ശരിയാണോ ഏട്ടാ..” രാജിയുടെ ചോദ്യം എന്നോടായിരുന്നു.

“എനിക്കറിയത്തില്ല..ഇവള്‍ക്ക് പ്രാന്താ”

“എടാ ഞാനൊരു കുത്ത് വച്ചുതരും. നീ അറിയാതെ അതവിടെ വരില്ല..ഉറപ്പാ എനിക്ക്”

“ഞാനൊരു സത്യം പറഞ്ഞാല്‍ നിങ്ങള്‍ ആരോടെങ്കിലും പറയുമോ?” ഞാന്‍ അവസാനം ഒരു കള്ളം മനസ്സില്‍ കണ്ടുകൊണ്ട് പറഞ്ഞു.

“പറ” രണ്ടും ഒരേസ്വരത്തില്‍ പറഞ്ഞു.

“കുഞ്ഞമ്മയുടെ കാലിനു ചെറിയ പ്രശ്നം. നമ്മുടെ തോമ ഇല്ലേ..അയാള്‍ ഒരു തിരുമ്മലുകാരന്‍ ആണ്. കുഞ്ഞമ്മ അയാളെക്കൊണ്ട് കാലു തിരുമ്മിച്ചു എന്നാണ് തോന്നുന്നത്. അയാളാണെങ്കില്‍ പെണ്ണ് കെട്ടിയിട്ടുമില്ല. കുഞ്ഞമ്മയെ തൊടുകയും പിടിക്കുകയും ഒക്കെ ചെയ്തപ്പോള്‍..അയാള്‍ക്ക് വല്ല...” ഞാന്‍ അര്‍ദ്ധോക്തിയില്‍ നിര്‍ത്തി.

ചെറിയ ഒരു നിശബ്ദത അവിടെ പടര്‍ന്നുപിടിച്ചു.