Chapter Title : രാത്രിയിലെ വിരുന്ന് [അക്കാമ്മ]

നാട്ടിൽ നിന്ന് വരികയാണ് എന്ന് പറഞ്ഞിട്ടും അവർ ഞങ്ങളെ സംശയത്തോടെ ചോദ്യം ചെയ്യാൻ തുടങ്ങി. അവർ ഞങ്ങളുടെ ലഗേജ് പരിശോധിച്ചപ്പോൾ നാട്ടിൽ നിന്നും അവളുടെ അമ്മ പ്ലാസ്റ്റിക് പാക്കെറ്റിൽ പൊതിഞ്ഞു കൊടുത്തു വിട്ട കുറച്ചു പുട്ട് പൊടി കിട്ടി. ഇത് എന്തു പൊടിയാണ്? ഡ്രഗ്സ് വല്ലതും ആണോ? ഞങ്ങളെ ചോദ്യം ചെയ്യണം എന്നും പറഞ്ഞു അവർ ഞങ്ങളെ ജീപ്പിൽ കയറ്റി. ഞങ്ങളുടെ കാർ ഡ്രൈവർ വരുമ്പോഴേക്കും ഞങ്ങൾ പുറപ്പെട്ടിരുന്നു.

അപ്പോഴേക്കും നല്ല മഴ തുടങ്ങി. ഒരു 15 മിനുട്ട് യാത്രക്ക് ശേഷം ജീപ്പ് നിന്നു. എവിടെയാണ് സ്ഥലം എന്ന് മഴയായത് കൊണ്ട് മനസ്സിലായിരുന്നില്ല. ഞങ്ങളോട് ജീപ്പിൽ നിന്നിറങ്ങാൻ അവർ പറഞ്ഞു. മഴയത്ത് ഇറങ്ങിയതും മുന്നിൽ കണ്ട കെട്ടിടത്തിലേക്ക് ഞങ്ങൾ മാറി നിന്നു. അത് പോലീസ് സ്റ്റെഷൻ ആയിരുന്നില്ല. മറിച്ചു ഒരു വീട് ആയിരുന്നു, ഞാൻ ചോദ്യഭാവത്തിൽ ആ പോലീസുകാരെ നോക്കി.

എന്നോട് മിണ്ടരുത് എന്ന് എസ്.ഐ ആംഗ്യം കാണിച്ചു, എന്നിട്ട് അയാൾ തോക്കെടുത്ത് ഞങ്ങളുടെ നേരെ ചൂണ്ടി. ഉള്ളിലേക്ക് നടക്കാൻ അവർ പറഞ്ഞു. ഞങ്ങൾക്ക് വേറെ ഒന്നും ചെയ്യാൻ ഉണ്ടായിരുന്നില്ല. ഉള്ളിൽ കയറിയതും എന്നെ ഡ്രൈവർ തനിച്ചു ഒരു മുറിയിലേക്ക് നടത്തിച്ചു. അപ്പോൾ ഹാളിൽ നിൽക്കുന്ന അപർണ്ണ എന്നെ ദയനീയമായി നോക്കി.

മറ്റൊരു മുറിയിൽ കയറിയതും എന്നെ ജീപ്പ് ഓടിച്ചിരുന്ന ഡ്രൈവർ ഭീഷണിപ്പെടുത്തി. ശബ്ദം ഉണ്ടാക്കിയാൽ ഞങ്ങളെ കൊന്നു കളയുമെന്നും, ഒരാളും അറിയില്ല എന്നും അയാൾ പറഞ്ഞു. എനിക്ക് ഒന്നും മനസ്സിലായില്ല. ഞാൻ എന്താണ് കാര്യം എന്ന മട്ടിൽ നോക്കിയപ്പോൾ അയാൾ എന്റെ ചെകിടത്ത് ഒന്ന് പൊട്ടിച്ചു.