Chapter Title : രാവ് 3 [Achillies]

കയറിയാൽ വെറും ഊളയാണ് പെണ്ണ്.

“ഡാ രക്ഷിക്കട…ഈ പ്രാന്തി എന്റെ തുണിയുരിയും മുന്നേ ഒന്നു രക്ഷിക്കട കാൽവീ…”

എന്നെ കണ്ടപാടെ കരഞ്ഞു നിലവിളിച്ചു അവൻ കൂവി.

“എന്റെ പൊന്നങ്കി, ഒന്നു വിട്ടുകൊടുക്ക്, അവൻ വാങ്ങി തരും…”

അവളുടെ തോളിൽ പിടിച്ചു ഒപ്പം കയ്യിൽ കൂട്ടിപ്പിടിച്ച മുണ്ടിന്റെ തുമ്പും ചേർത്തു വിടുവിക്കാൻ നോക്കി ഞാൻ പറഞ്ഞു.

“ഇവൻ എന്നെ എത്ര നാളായി പറ്റിക്കുവാണെന്നറിയോ, ഒന്നല്ല രണ്ടു റെക്കോർഡാ ഞാൻ എഴുതിക്കൊടുത്തത്….എനിക്കിന്ന് കിട്ടണം…”

പെണ്ണ് നിന്നു തുള്ളുവാണ്…

“അവൻ വാങ്ങി വരും അങ്കി നീ ആദ്യം ഒന്നു പിടി വിട്….”

പെണ്ണിനെ വലിച്ചു ഞാൻ പിടിച്ചതും ഊരിക്കിട്ടിയ സന്തോഷത്തിൽ അഴിഞ്ഞു തുടങ്ങിയ മുണ്ടും കൂട്ടിപ്പിടിച്ചു കൃഷ്ണ ഓടി പുറത്തേക്ക് പോയി.

“എന്റെ അങ്കി, നിനക്ക് വല്ല ബാധയും കൂടുമോ ഇടയ്ക്ക്, പിടിച്ചാലും കിട്ടില്ല മുടിഞ്ഞ ബലവും,...”

“പോടാ…നീ കാരണാ രക്ഷപെട്ടെ ഇല്ലേൽ ആ തെണ്ടിടെ മുണ്ട് എന്റെ കയ്യിലിരുന്നേനെ…”

“ഇത് തിരിച്ചായിരുന്നെങ്കിൽ ഇപ്പൊ അവൻ അകത്താ…ബലാത്സംഘത്തിന്, ആണുങ്ങളോട് എന്തും ആവാല്ലോ ല്ലേ.. “

“ഓഹ് പിന്നെ…”

ചുണ്ട് ചുളുക്കി ഒരു പുച്ഛ ചിരിയും തന്നു പെണ്ണ് എന്റെ കയ്യും വലിച്ചു നേരെ ഡെസ്കിലേക്ക് നടന്നു.

“നീ കഴിച്ചില്ലല്ലോ…ബാ…”

ബ്ലൗസിന്റെ പുറത്തേയ്ക്ക് ചാടികിടന്ന ബ്രാ സ്ട്രാപ്പ് ഞാൻ ബ്ലൗസ് കൊണ്ടു നേരെയിട്ടു കൊടുത്തപ്പോൾ പെണ്ണ് ബാഗിൽ നിന്ന് പാത്രമെടുത്തു തുറന്ന് വെച്ചു.

മോര് ചാറ് ചോറിലൊഴിച്ചു ഒരു മീനിന്റെ കഷ്ണം നുള്ളി ചോറിനൊപ്പം കുഴച്ചു എന്റെ വായിലേക്ക് ഉരുട്ടി വെച്ചു തന്നു.

“ചെക്കന്റെ കോലം നോക്ക്, നേരാം വണ്ണം ഒന്നും കഴിക്കേമില്ല…”