Chapter Title : രജനിയുടെ പുതു ജീവിതം [Maalu]

ആണല്ലോ ...നീയിനി ഇവിടെ വന്നു ഇവിടെനിന്നു വീണ്ടും പോയി ...ഇതാ നല്ലതു

രജനി എത്തിയപ്പോഴേക്കും കിഷോർ അപ്പുവിനെയും ചിന്നുവിനെയും കൂട്ടി ടൗണിൽ എത്തി ..

രജനിയെ കണ്ടു മൂന്നാളും ഞെട്ടി ....ആദ്യമായാണ് അമ്മയെ ഇത്ര സുന്ദരിയായി കാണുന്നത് ...പിന്നുകുത്താത്ത സാരിയും അല്പം മേക്അപ്പ് ഒക്കെ ചെയ്തു കണ്ണെഴുതി സുന്ദരിയായി ...

ഇതാരാ കാവിലെ ഭഗവതിയോ

അതെ ....എന്തെ

എന്നാലും ..അമ്മെ ...അച്ഛൻ എങ്ങനെ സമ്മതിച്ചു

അതിനാരു നിന്റെ അച്ഛന്റെ സമ്മതം വാങ്ങുന്നു ...ഞാൻ എങ്ങനെ നടക്കണമെന്ന് ഞാനല്ലേ തീരുമാനിക്കേണ്ടത്

വൗ പൊളി ....എന്ത് പറ്റി ...ഞങ്ങൾ എത്ര കാലമായി ഇത് പറയുന്നു ..ഇപ്പോഴെങ്കിലും നല്ലബുദ്ധി തോന്നിയല്ലോ

അതൊക്കെ വീട് ....വിശദമായി പിന്നെ പറയാം ...ഇപ്പൊ കാര്യം നടക്കട്ടെ ...എടാ എവിടുന്നാ വാങ്ങ ...എന്തൊക്കെയാണ് വേണ്ടത് ...

വാങ്ങാനുള്ള ലിസ്റ്റ് ഒക്കെ ദേ ഇവന്റെ കയ്യിലുണ്ട് മാമനും മരുമോനും ഭയങ്കര ചർച്ചയിലായിരുന്നു

ചർച്ച വിജയിച്ചോ

പിന്നല്ലാതെ ...

എടി കുറച്ചുമാറി നല്ലൊരു കടയുണ്ട് ..വില കുറവാണു നല്ല സാധനവും കിട്ടും ...ഇവിടുള്ളവരൊക്കെ ഗൾഫിൽ പോകുമ്പോ അവിടെ നിന്ന സാധനങ്ങൾ വാങ്ങാറ് ..നമുക്കൊന്നു പോയ് നോക്കിയാലോ ..ഞാൻ ഇടയ്ക്കു പോവാറുണ്ട് ...

എന്ന അവിടെ പോവാം

ഒരു ചേച്ചി നടത്തുന്ന കടയാണ് ...അവരുടെ വീട്ടിൽ തന്നെ

ആണോ ...എന്ന പോയ് നോക്കാം

എടാ ഇവിടെ ആരുമില്ലല്ലോ

ആ നമ്പറിൽ വിളിക്ക് ...അവര് വന്നോളും

ദേ ആള് വരുന്നു

അപ്പു നോക്ക് ....നിനക്ക് പറ്റിയത് ഉണ്ടെങ്കിൽ എടുത്താൽ മതിട്ടോ ...ഇല്ലെങ്കിൽ വേറെ നോക്കാം

ആ ...നോക്കട്ടെ ...എനിക്ക് പറ്റിയിട്ടു കാര്യമില്ലല്ലോ ...അവൾക്കും കൂടി ഓക്കേ ആവണ്ടേ

അതൊന്നും വേണ്ട ...ഇവള് ഇവളുടെ ഡ്രസ്സ് നോക്കിയാ മതി ...നീ നിന്റെ ഇഷ്ട്ടങ്ങൾ നോക്കിയാൽ മതി ...നമ്മുടെ കാര്യങ്ങൾ മറ്റുള്ളവർ തീരുമാനിക്കുന്നത് അത്ര നല്ല കാര്യമല്ല ...ഇപ്പോഴേ അത് ശീലിക്കുന്നത് നല്ലതാണ് ..

ആരുമൊന്നും പറഞ്ഞില്ല എങ്കിലും ....രജനിയിലെ മാറ്റം അതിന്റെ തീവ്രത അവർക്കു മനസ്സിലായി ...ആദ്യമായാണ് അമ്മയിൽ നിന്നും ഇങ്ങനത്തെ വാക്കുകൾ കേൾക്കുന്നത് ....ഒരുപാടു കേൾക്കാൻ കൊതിച്ച വാക്കുകൾ ആണ് ...കിഷോറും ഉള്ളിൽ സന്തോഷിക്കുകയായിരുന്നു