Chapter Title : രണ്ടു മദാലസമാർ 1 [Deepak]

IIT യിൽ എഞ്ചിനീയറിംഗ് പഠനം പൂർത്തിയാക്കി ഡൽഹി ജീവിതം അവസാനിപ്പിക്കുകയാണ്.

അവൻ പോയിക്കഴിഞ്ഞാൽ പിന്നെ ഞാൻ ഒറ്റയ്ക്കാകും. ഇനി ഒരു റൂം മേറ്റ് വേണം. ഒറ്റയ്ക്ക് താമസം രസകരമല്ല.

അടുത്ത് തന്നെ താമസിക്കുന്ന ഒരു സുഹൃത്താണ് മുരളി.

റൂം പാർട്നെർസ് ആരെയെങ്കിലും ഒന്ന് സംഘടിപ്പിക്കുവാൻ ഞാൻ മുരളിയോട് പറഞ്ഞിട്ടുണ്ട്.

അക്കാര്യത്തിൽ അവൻ മിടുക്കനാണ്.  ഒരു മദ്യ വിരുന്നു കൊടുത്താൽ മതി.

അന്ന് ഞങ്ങളും ഒരു ഓൾഡ് മോങ്ക് കരുതിയിരുന്നു. ബെന്നി വാങ്ങിക്കൊണ്ടു വന്നതാണ്. അവൻ പോകുവല്ലേ അതിന്റെ ഒരു സങ്കടം മദ്യത്തിൽ ഒതുക്കാനുള്ള ഒരു ശ്രമം. രാത്രി 8 മണിക്ക് തുടങ്ങിയ മദ്യപാനം. അതിൽ പകുതിയോളം കുപ്പിയിൽ അവശേഷിച്ചിരുന്നു. രണ്ടു പെഗ്ഗമാണ് എന്റെ മാക്സിമം ഡോസ്. ബെന്നി അൺ ലിമിറ്റഡ് ആണ്.

അവൻ മദ്യപിച്ചു ഉറങ്ങിക്കഴിഞ്ഞാൽ  വലിയ കൂർക്കം വലി ആണ്.

സമയം രാത്രി ഏതാണ്ട് പതിനൊന്നായിക്കാണും. ഇരുൾ വ്യാപിച്ചു. (ഈ സമയത്തൊക്കെ തന്നെയാണ് ഡൽഹി ബാച്ചലേഴ്സ് മലയാളികൾ ഉറങ്ങാൻ കിടക്കുന്നതു ) ഞാനും സുഹൃത്തും ഉറങ്ങാൻ കിടന്നതേ ഉള്ളൂ.

കുറെ കഴിഞ്ഞപ്പോൾ വാതിലിൽ ആരോ മുട്ടുന്ന ശബ്ദം. അതൊക്കെ അവിടെ ഒരു പതിവായതുകൊണ്ടു ആദ്യം ഞാൻ മിണ്ടാതെ കിടന്നു. പിന്നെയും മുട്ടിയപ്പോൾ ഞാൻ മനസില്ലാമനസോടെ ചെന്ന് വാതിൽ തുറന്നു.

അത് അപ്പുറത്തെ ഫ്ലാറ്റിൽ താമസിക്കുന്ന മുരളിയായിരുന്നു. ഞങ്ങളുടെ സുഹൃത്തും റൂമിലെ സന്ദർശകനുമായിരുന്നു  മുരളി. എന്നാൽ മുരളിക്ക് പിന്നിൽ മറ്റൊരാൾ കൂടി സ്റ്റെപ്പിന് താഴോട്ടിറങ്ങി നിൽപ്പുണ്ടായിരുന്നു. മെലിഞ്ഞു നീണ്ട ഇരു നിറമുള്ള ഒരു ഒരുത്തൻ. കണ്ടു പരിചയമില്ലാത്ത ഒരാൾ. അതാരാണെന്ന് അറിയാൻ ഞാൻ മുരളിയുടെ നേർക്ക് നോക്കി.