രണ്ടാം യാമത്തിലെ പൂനിലാവ് 3

Randam Yamathile Poonilavu Part 3 | Author : Spulber

[ Previous Part ] [ www.kkstories.com]

അടുക്കളയിൽ നാരായണി തകൃതിയായ പണിയിലാണ്.നാലഞ്ച് പുറം പണിക്കാരുണ്ടിന്ന്. അവർക്ക് പത്ത്മണിക്ക് കഞ്ഞിയും, ഉച്ചക്ക് ചോറും വേണം.
അതിനിടയിലാണ് തമ്പുരാട്ടിയുടെ വക പുതിയൊരു ഓർഡർ.
ഇന്ന് ഇഡലിയും സാമ്പാറും ഉണ്ടാക്കണമെന്ന്. മാവരച്ചത് ഫ്രിഡ്ജിലുണ്ട്.
സാമ്പാറുണ്ടാക്കാനുള്ളതെല്ലാമുണ്ട്.
പക്ഷേ,ഇപ്പത്തന്നെ കിട്ടണമെന്നാണ് തമ്പുരാട്ടിയുടെ കൽപന.

അതിനുള്ള അങ്കം വെട്ടാണ് നാരായണി നടത്തുന്നത്.
പുറം പണിക്ക് വന്ന സൗദാമിനിയെ കൂടി അടുക്കളയിൽ സഹായിക്കാനായി തമ്പുരാട്ടി നിർത്തിയിട്ടുണ്ട്.

പ്രാതൽ തമ്പുരാന് പതിവില്ല. അമ്പലത്തിൽ നിന്ന് വന്നാൽ ഇത്തിരി പാൽകഞ്ഞിയാണ് തമ്പുരാൻ കഴിക്കുക.തമ്പുരാട്ടിക്കും ഇന്നത് വേണം എന്ന നിർബന്ധമൊന്നുമില്ല.
ഇന്ന് അഥിതികളാരും ഉള്ളതായി പറഞ്ഞിട്ടുമില്ല. പിന്നെന്താണാവോ, ഇന്ന് പ്രത്യേകം പറഞ്ഞുണ്ടാക്കുന്നത്.
ചിലപ്പോ ആരെങ്കിലും വരാനുണ്ടാവും.

അതൊന്നും ചിന്തിച്ച് താൻ തല പുണ്ണാക്കേണ്ടതില്ല എന്ന തീരുമാനത്തിൽ നാരായണി അവളെയേൽപ്പിച്ച പണി വൃത്തിയായി ചെയ്യുകയാണ്.

“സൗദാമിനീ… പെട്ടെന്നായിക്കോട്ടേ…തമ്പുരാട്ടി കുളികഴിഞ്ഞിപ്പോ വരും..”

ഇഡലിത്തട്ടിലേക്ക് മാവ് കോരിയൊഴിക്കുന്ന സൗദാമിയോട് നാരായണി പറഞ്ഞു.

‘ഇന്ന് വിരുന്ന്കാര് ഉണ്ടോ ചേച്ചീ… ?”

സൗദാമിനി ചോദിച്ചു.

“നീ നിന്റെ ജോലി തീർക്ക് സൗദാമിനീ… ഇല്ലത്ത് വിരുന്ന്കാരുണ്ടേൽ അത് തമ്പുരാട്ടി നോക്കിക്കോളും…”

അവൾ ചോദിച്ചത് ഇഷ്ടപ്പെടാതെ നാരായണി പറഞ്ഞു.

ഇളിഞ്ഞ ചിരിയോടെ സൗദാമിനി വീണ്ടും തട്ടിലേക്ക് മാവൊഴിച്ചു.

യമുനത്തമ്പുരാട്ടി കുളിമുറിയിലേക്ക് കയറിയിട്ട് നേരം കുറച്ചായി.
കാലങ്ങൾക്ക് ശേഷം വിശാലമായി കുളിക്കുകയാണവൾ.
ദേഹത്താകെ മഞ്ഞൾതേച്ച്, ചന്ദനം കലക്കിയ ചെറുചൂടുള്ള വെള്ളത്തിലാണവൾ ഇന്ന് കുളിക്കുന്നത്.

ചെറുപ്പത്തിലൊക്കെ ഇങ്ങിനെയാണവൾ കുളിച്ചിരുന്നത്. മഞ്ഞളരച്ച് ദേഹമാസകലം പുരട്ടി കുറേ നേരമിരിക്കും. പിന്നെ ചന്ദനം കലർത്തിയ ചെറുചൂട് വെള്ളത്തിൽ കുളിക്കും.
അതില്ലത്തെ പാരമ്പര്യമാണ്. അത് കൊണ്ട് കൂടിയാണ് തമ്പുരാട്ടിമാർക്കൊക്കെ പൊന്നിന്റെ നിറം.
എഴുപത് വയസായാലും തമ്പുരാട്ടിമാരുടെ ദേഹത്തൊന്നും ഒരു ചുളിവ് പോലുമുണ്ടാവില്ല. മരിക്കുന്നത് വരെ മിനുമിനുത്ത ചർമ്മമായിരിക്കും.

ദേഹമാസകലം മഞ്ഞൾ തേച്ച് കുളിമുറിയിലെ മരസ്റ്റൂളിൽ ഇരിക്കുകയാണ് യമുന.

ജീവിതത്തിൽ ഇത് വരെ അനുഭവിക്കാത്തൊരാന്ദമാണ് അവളിപ്പോ അനുഭവിക്കുന്നത്.
ഒരന്യപുരുഷനെ അവളിത് വരെ ആഗ്രഹിച്ചിട്ടില്ല.
അവളുടെ രതിസ്വപ്നങ്ങളും,സങ്കൽപങ്ങളും അവളുടെ ഭർത്താവിൽ മാത്രമൊതുങ്ങി നിൽക്കുന്നതായിരുന്നു.
നമ്പൂരി തരുന്നൊരു സുഖത്തിനപ്പുറം വേറൊരു സുഖമുണ്ടെന്ന് അവൾക്കറിയുകയും ഇല്ലായിരുന്നു. അവൾക്കതിന്റെ ആവശ്യവും ഇല്ലായിരുന്നു.

അടുക്കളക്കാരി നാരായണിയിൽ നിന്നും ചില വിവരങ്ങളൊക്കെ അവൾക്ക് കിട്ടാറുണ്ട്.
ചില കള്ളവെടിക്കഥകളും, ചില ചാടിപ്പോയ സംഭവങ്ങളുമെല്ലാം. കള്ളവെടിയൊക്കെ നന്നായി വിശദീകരിച്ച് പറയും നാരായണി.
അവളുടെ പറച്ചിൽ കേട്ടാൽ ചില സമയത്ത് വികാരം തോന്നുമെങ്കിലും, റൂമിൽ ചെന്നൊന്ന് കുറച്ച് നേരം കമിഴ്ന്ന് കിടന്നാൽ അതങ്ങ് മാറിക്കിട്ടും.

പക്ഷേ,ഇന്നലെ രാവിന്റെ രണ്ടാം യാമത്തിന്റെ തുടക്കത്തിൽ തന്റെ ശരീരമാകെ കത്തിക്കയറിയ കാമം ഇത് വരെ അണഞ്ഞിട്ടില്ല. നിമിഷം പ്രതി അതാളിക്കത്തുകയാണ്.

അതാളിക്കത്തിച്ചവൻ മുകളിലെ ഗസ്റ്റ്റൂമിലെ സപ്രമഞ്ചക്കട്ടിലിൽ കിടന്ന് ഉറങ്ങുകയാണ്. അതണക്കണമെങ്കിലും ഇനി അവൻ തന്നെ വേണം.

ഈ നേരത്തിനിടക്ക് പലതവണ യമുന മുകളിലേക്ക് കയറിപ്പോയി. ആദ്യത്തെ തവണ അവനൊരു ഗ്ലാസ് ചായയുമായാണവൾ പോയത്. അവൻ ചായ മൊത്തിക്കുടിക്കുന്നത് കൊതിയോടെ നോക്കിയിരുന്ന്, അവൻ തിരിച്ച് കൊടുത്ത ഗ്ലാസുമായി ഒന്നും