Chapter Title : ?റസാക്കിന്റെ ഇതിഹാസം? [ലൂസിഫർ]

തന്നെ ഓമനച്ചേച്ചിയുടെ ആട്ടും കേട്ടു, ഏറും കൊണ്ടു.! ഇനി മൂത്തമ്മാന്റെ വീട്ടിൽ എന്തൊക്കെ ഗുലുമാലാണാവോ നടക്കാൻ പോകുന്നത്.?! മൂത്തമ്മ തന്നെ അത്യാവശ്യമായി കാണണമെന്ന് പറഞ്ഞതിനാൽ അങ്ങോട്ട് പോകുന്ന വഴിയായിരുന്നു അവൻ. മൂത്താപ്പാക്ക് മൂന്നും പെൺമക്കളാണ്. മൂന്നുപേരേയും കെട്ടിച്ചയച്ചതിനാൽ ആരുടേയും ശല്ല്യമില്ലാതെ രണ്ടാം മധുവിധു ആഘോഷിക്കുകയാണ് മൂത്താപ്പയും മൂത്തമ്മയും.! രണ്ടുപേരും തേനും ചക്കരയുമാണ്. എപ്പോഴും ഒട്ടിപ്പിടിച്ചാണ് നടപ്പ്. അപ്പോൾ പിന്നെ കിടപ്പ് പറയേണ്ടതില്ലല്ലോ.. ഗേറ്റ് തുറന്ന് മുറ്റത്തേക്ക് കടന്നപ്പോൾ തന്നെ കണ്ടു. മൂത്തമ്മ കോലായിൽ ഇരിപ്പുണ്ട്. തന്നേയും കാത്ത് നിൽക്കുകയാണോ.? എന്താണിത്ര അത്യാവശ്യം.? "ഇയ്യിപ്പൊ വല്ല്യ മണല് മാഫിയ ആണെന്ന് കേട്ടല്ലോ.. ശരിയാണോടാ.?'' കണ്ടയുടനെ മൂത്തമ്മാക്ക് ചോദിക്കാനുള്ളത് അതായിരുന്നു. മണലും എംസാന്റും മെറ്റലുമൊക്കെ സ്റ്റോക്ക് ചെയ്ത് ആവശ്യക്കാർക്ക് വിതരണം ചെയ്യുന്ന ഏർപ്പാടുണ്ടായിരുന്നു. ഈയിടെ തുടങ്ങിയതാണത്. "അത് മാത്രല്ല മൂത്തമ്മാ.. അവ്വല് സുബഹിക്ക് പുഴയിലേക്ക് മണല് വാരാൻ പോകും.. ലോറിയിലേക്ക് ലോഡും ചെയ്യും.. അല്ലാതെ മേലനങ്ങാതെ തിന്നണ ശീലം റസാക്കിന് പണ്ടേയില്ല.!"

ആയിശ അത് കേട്ട് ചിരിച്ചു. എന്നിട്ടവന്റെ മുഖത്തേക്ക് നോക്കി. "എന്തായാലും ബടക്കണി നന്നാക്കാൻ കുറച്ച് മണല് വേണം.. ഇയ്യുള്ളപ്പൊ മറ്റാരോടും പറയണ്ടല്ലോ." അത് ശരി.. ഇതിനാണോ തന്നോട് അത്യാവശ്യമായി വരാൻ പറഞ്ഞത്.. ഇതൊക്കെ ഫോൺ ചെയ്ത് പറഞ്ഞാ പോരെ.? അവൻ തന്റെ ഷർട്ടിന്റെ പിന്നിൽ ചെളി പുരണ്ടിട്ടുണ്ടോന്ന് നോക്കി. പുതിയ ഷർട്ടാണ്. നെച്ചിങ്ങ കൊണ്ട ഭാഗത്ത് ചെറിയ പാടുണ്ട്. ഉടനെ ഷർട്ടൂരിയ അവൻ പൈപ്പിനു ചുവട്ടിൽ പിടിച്ച് ചെളിയായ ഭാഗം മാത്രം കഴുകി. "ഷർട്ടിനെന്ത് പറ്റിയെടാ.." ആയിശ തിരക്കി. "തെങ്ങിൻ ചോട്ടിലൂടെ നടന്നപ്പോ നെച്ചിങ്ങ വീണതാ.." പറഞ്ഞിട്ടവൻ